aYohana 20:20 - Izere New Testament

²⁰ Nama a tá fe̱ anong ne a ku tonong ba ibo̱k be kukafam wu. Ayong álimazhiri wu'me nye riye̱ rikan dide̱ng á tá di Agwo̱m Ágwo̱m.

aYohana 20:20 Referans Kwoze

aYohana 16:22

Anong ne i se be yin gip, kyo̱o̱rna ne i nye izen riye̱ riwe yin. Amma mi tà bun i ka di yin ne i nye yin riye̱ rikan, akak ta kyem a ka roon yin riye̱ rikan yin baꞌ.

1 aYohana 1:1

Yir sen ka zibir yin rife̱ na natoon aYeso Kiristi aya a ta nye Rife̱ Kutser. A tuse kum nizen iya a tá nye kazatse. Yir fok yir rife̱ wu ne yir ku di yir, yir tú ku ye̱re̱k yir be anyisi yir ne yir ku ras yir be ibo̱k yir.

aYohana 20:27

Ne a fe̱ be aToma ye, “Te kaban kubo̱k wan aze na atas kubo̱k'i, ye̱re̱k ibo̱k'i, te kubo̱k wan aze naro̱ a tin tubuk. Ni no̱o̱k katsak, tá won agak riye̱.”

aYohana 16:20

Katsak ne mi ta ka tak yin, yin tà tos ne i nye yin riye̱ riwe ne kazatse nye riye̱ rikan. Yin tà nye yin riye̱ riwe, amma riye̱ riwe yin tà kubun ri ta te riye̱ rikan.

aYohana 19:34

Azining kaye̱e̱r asozha'me bun a tubuk aYeso nukafam be kuko̱o̱n ne naso̱k be ashi wuruk naro̱'me.

aMatiyu 28:8

Iyong ányining ame wor á won kure̱k'e gbashak nong á ta be nufe álimazhiri ame be inyim amma be riye̱ rikan. Á tseng á teng ba nong á se tak álimazhiri'me.

aYohana 20:25

Amma álimazhiri'me tú ku tak ye ba n di Agwo̱m Ágwo̱m. Ne aToma fe̱ ye, “Ma ke mi di ínya ákpe̱k ni ibo̱k wu ne ni te kaban kubo̱k'i naro̱ akpe̱k'e ne i ne te kubo̱k'i naro̱ a tú ku tubuk, ke anong baꞌ mi tin no̱o̱k katsak baꞌ.”