aYohana 20:19 - Izere New Testament

¹⁹ Kawheshirim tá fa nye katuk ime̱se̱ng'e na asate, nizen iya álimazhiri aYeso tá se naro̱ kazining. A n whe̱se̱ng nanu kutu kamok inyim áko̱k kasho̱o̱n áner aYahuda. Ayong Yeso wuruk a tá nyeseng natite ba, ne a fe̱ be ba ye, “Kameneng riye̱ ra se mak be yin.”

aYohana 20:19 Referans Kwoze

aYohana 20:26

Nama inom ikara, álimazhiri wu se kaye̱e̱r kasa ame gbak, aToma se mak be ba makong. Nanukutu se nuwhe̱se̱ng, amma aYeso be̱ a tá nyeseng natite ba, a tá fe̱ ye, “Kameneng riye̱ ra se mak be yin.”

aYohana 14:27

Mi ta won yin caang. Kusor caang'i ne ta ka no̱o̱k yin. Sang kyo̱ndi kazatse ta nyesek ne mi ta ka no̱o̱k yin baꞌ. Sang tu daam yin, sang tu fok yin inyim baꞌ.

aYohana 20:21

Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.”

Afisa 2:14

Kamok aKiristi be rice wu ne a ti be̱e̱n yir kusor caang, wu ne a sak áner aya a ta nye áner aYahuda be áya sang á ta nye áner aYahuda baꞌ, ta te azining. Kubar ku tá se natite ba, a yirik, ku tá nye ku won dar ku naka shim.

2 aTasalonika 3:16

To̱, won Agwo̱m Ágwo̱m'me be rice wu aya a ta nye afe kameneng riye̱ ta ka no̱o̱k yin kameneng riye̱ koakye izen ne kaye̱e̱r koakye iren. Agwo̱m Ágwo̱m tu se mak be yin cice̱r.

aYohana 7:13

Amma akak kyem a wuruk nong a tá fe̱ natoon aYeso'me kanang baꞌ, kamok ba tá fok inyim áko̱k kasho̱o̱n áner aYahuda'me.

aMarkus 16:14

Nama aYeso tin wuruk na álimazhiri wu kuso̱k be azining nizen á ta sen ya naya. A tú zhe̱e̱r ba, kamok ku won dar kuno̱o̱k katsak ba ne kushonong ba á tá gaar ku nino̱o̱k katsak rife̱ áya a tú ku di nama wu tá dorok baꞌ.

Ike̱ng a ta tonong aYohana 1:4

Mi aYohana, ne i sen ka zibir yin'e, naro̱ kuya Adakunom iben kanataar a ta se niben Asiya. Ritek be kameneng riye̱ Adakunom aya a ta se kyo̱o̱rna, wu ne a tú ku se gbugbang, wu ne a tana bun a be̱, ne nabik kanataar na ta se nasho̱o̱n itsik rigwo̱m Adakunom.

1 aKoranti 15:5

A ti wuruk na aKefas ne nufe ámanzo kuso̱k be afa.

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

Ibrani 7:2

Ibrahim tú no̱o̱k ike̱ng izining kaye̱e̱r koakye ike̱ng kuso̱k a tá ya naro̱ itso̱m'e. Ife ime̱se̱ng'e, riyerek wu nye “Agwo̱m katsak.” Riyerek wu a ta yis ye “Agwo̱m aSalim'ong” sor ye, “Agwo̱m kusor caang.”

aFilipi 1:2

Ritek be kameneng riye̱ Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

Afisa 6:23

Ároneng, mi mok ye Adakunom a ta nye Ada yir ne Agwo̱m Ágwo̱m yir aYeso Kiristi tà ka no̱o̱k yin kameneng riye̱, kushim be kuno̱o̱k katsak yin ni ibarang.

aRom 15:33

Won Adakunom aya a ta nyesek kameneng riye̱ tuse mak be yin cice̱r. Anong!

aYohana 16:22

Anong ne i se be yin gip, kyo̱o̱rna ne i nye izen riye̱ riwe yin. Amma mi tà bun i ka di yin ne i nye yin riye̱ rikan, akak ta kyem a ka roon yin riye̱ rikan yin baꞌ.

aMatiyu 18:20

Kamok karo̱ afe áner afa ka ataar tu ku nyim kaye̱e̱r riyerek'i, mi se azong mak be ba.”

aMatiyu 10:13

Ke áfekasa'me se gye̱r, to̱, yin nye yin aduwa nong ritek Adakunom ta se natoon ba, amma ke áner'e se gye̱r baꞌ, to̱, sang á ta se̱ ritek Adakunom baꞌ.

aYohana 21:1

Nama anong, aYeso bun a ti wuruk na álimazhiri wu nukim agbang Kudung aTibariya. Be anong ne a tonong rice wu'me.

aYohana 21:14

Iyu ne i nye ife ataar ne aYeso tosong rice wu nufe álimazhiri wu nama a tú ku dorok nure̱k.

Itomong Ámanzo 1:3

Nama riku wu, a tonong rice wu nasho̱o̱n ba, ne a ku tak ba itak ku dorok wu be kunye ike̱re̱ iriri'me. A nye kuko̱s iso̱k inaas, ne a yiir i fe̱ itak natoon rigwo̱m Adakunom.

3 aYohana 1:14

Kamok mi mok ye mi tà be̱ azong kyo̱o̱rna nong tà fe̱ yir rife̱'me anyisi be anyisi. Mi ta won caang. Áro̱ aze ta nye ashou. Ku nye shou ribir aro̱ azong azizirik azizirik.