aYohana 20:17 - Izere New Testament

¹⁷ aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

aYohana 20:17 Referans Kwoze

aYohana 16:28

Mi ne nufe Ada'me, i ta be̱ nazatse. Kyo̱o̱rna mi sen won kazatse'me nong tù ku bun nufe Ada'me.”

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

aYohana 17:11

Mi saase nufuan, mi tà ba sor nazatse na baba baꞌ. Amma ba ruresek kaye̱e̱r kazatse na nizham. Ada Azhe̱l'e, ku fek ba be riyerek wan rife̱ kukyem, riyerek riya wan tin no̱o̱k, nong ba tà sor azining kyo̱ndi mi ta se be wan.

1 aYohana 3:2

Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

aMarkus 16:19

Nama aYeso tá fe̱ anong be ba, a tú sok a tá tseng'e kaye̱e̱r kaza nong a ta se sonong nubo̱k riya Adakunom.

Ike̱ng a ta tonong aYohana 21:3

Ne mi fok kuto̱ kukak tá wuruk be agap naro̱ itsik rigwo̱m ame ye, “Di yin, Karo̱ kusor Adakunom n tiik kaben mak be ánerawe, ka tà sor mak be ba. Ba tà te ánerawe wu ne Adakunom be rice wu se mak be ba ne a bun a sor Adakunom ba.

2 aKoranti 6:18

“Mi ta te Ada yin ne yin sor yin inoon'i, acam be nanamang Agwo̱m Ágwo̱m ayiik'e ne ku fe̱ anong.”

aRom 8:29

Kamok aya Adakunom tá tsang a kasa gbugbang ne a ku sak ba ze̱e̱r nong a tá sok kuse Igon wu, Igon'e ta sor asho̱n kaye̱e̱r ároneng whe̱re̱.

aYohana 17:25

“Ada, Wan nye azhe̱l'e, kazatse tá ka ren baꞌ gye̱r tatan, amma mi tá ren. Á ren ye wan ne i ti tom.

aMatiyu 28:7

Tseng yin gbasak ta se tak yin álimazhiri wu ye, ‘An dorok nure̱k, a ta ka tsang yin na aGalili. Yin tu ku se̱ yin azong.’ ike̱ng mi ta shim ta ka tak yin'ong.”

aMatiyu 12:50

Kamok koangan, afe a ta nye ike̱ng iya Ada mi afa a ta se kaye̱e̱r kaza ta shim, ne a nye ango̱ mi be áronyining'i ne ángasnyining'i.”

Ike̱ng a ta tonong aYohana 21:7

Aner aya ne a canang kazatse ne mi tù ku no̱o̱k iren nong a tà ya kutse ike̱re̱ na cei. Mi tà sor Adakunom wu ne wu sor igon'i.

Ibrani 8:10

Kushu kuya mi tana nye be kasa áner Isarela na: Agwo̱m Ágwo̱m fe̱ ye nama izen iyong, mi tà ka te ba Itsi kaye̱e̱r aye̱ ba ne i bun i zibir naye̱ ba. Mi tà te Adakunom ba ne ba te ánerawe mi.

aYohana 20:27

Ne a fe̱ be aToma ye, “Te kaban kubo̱k wan aze na atas kubo̱k'i, ye̱re̱k ibo̱k'i, te kubo̱k wan aze naro̱ a tin tubuk. Ni no̱o̱k katsak, tá won agak riye̱.”

aYohana 17:5

To̱, kyo̱o̱rna Ada, ni tiyiik be kuyiik kuya mi tá be nasho̱o̱n wan nizham a tá ra nye kazatse.

aYohana 14:28

“Yin fok yin mi tá fe̱ ye, ‘Mi sen tseng, i tá bun i be̱ nufe yin.’ Yin fa ni shim yin, ke yin nye yin riye̱ rikan ye mi be nufe Ada, kamok Ada'me ti nar.

aYohana 14:2

Kaye̱e̱r kasa Ada mi, naro̱ kusor kuse whe̱re̱. Ke a fa nye ye anong baꞌ, ke mi ma ka tak yin. Mi be azong nong ta se ka nye yin karo̱.

aYohana 13:3

aYeso ren ye Ada'me n won ike̱re̱ cice̱r nubo̱k wu ne a ren ye wu ne nufe Adakunom, nufu Adakunom'me ne wu tù ku bun.

aYohana 13:1

A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.

aYohana 7:33

Ayong aYeso fe̱ be ba ye, “Izen mi tana sor be yin se cie̱k tsek, ne mi kubun nufe aya a tin tom.

aLuka 10:4

Sang tu be yin ishika itso̱m ka ishika ares ka ákpatak akak ze̱e̱r baꞌ, tu nye yin ashou aso̱p niren baꞌ.

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

Ibrani 11:16

Á tsang á ni te riye̱ ba natoon kaben katek, kafe kaza. Kamok anong, Adakunom fok isum a tú ku yis ye Adakunom ba baꞌ, kamok a ma ka no̱k ba kuwo̱p.

aMarkus 12:26

Kyo̱o̱rna natoon kudorok ikom, yin kun fa yin kaye̱e̱r Kufumung aMusa a? Itak natoon kabuci. Adakunom tà fe̱ be wu ye, ‘Mi ne i nye Adakunom afe Ibrahim ne i nye Adakunom Ishaku, ne i nye Adakunom aYakub.’