aYohana 20:16 - Izere New Testament

¹⁶ aYeso tú ku yis a ta fe̱ ye “aMarya!” Ayong a kirik nabas afe aYeso'me nong a tá fe̱ be wu ni irem áner aYahuda ye, “aRabbi.” (I ta sor Aner Kubo̱so̱p).

aYohana 20:16 Referans Kwoze

aYohana 10:3

Aner aya a ta tor kaming itsamang'me ta karak afek itsamang'me kaming'e. Ne itsamang'e fok kuto̱ afek ba. A yis itsamang wu'me be ayerek ba. Ne a ku tun ba nufang.

aYohana 1:38

aYeso kirik a tu di ba á ta sen ku kuus ne a ku rip ba ye, “Yin tse̱r yin akye̱ e̱?” Ne ba fe̱ ye, “aRabbi (i ta sor Aner Kubo̱so̱p), wan sor ake̱ e̱?”

Itomong Ámanzo 10:3

Katuk kakak, nabas itso̱m itaar nunom, a di amaleka Adakunom akak kyo̱ndi nabos, a be̱ nufu, a tá fe̱ be wu ye, “aKoneliyus.”

Itomong Ámanzo 9:4

Ayong Ashawulu'me kpa kaben ne a fok kuto̱ tá fe̱ be wu ye, “Ashawulu, Ashawulu, akye̱ sak wan sen ni tabak e̱?”

aYohana 6:25

Nizen iya á tú ku se̱ nunyi kudung'e, á tú ku rip ye, “Aner Kubo̱so̱p, akye̱ izen ne wan be̱ aze e̱?”

aYohana 20:28

Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”

aYohana 13:13

Yin ti yis yin ye ‘Aner Kubo̱so̱p’ be ‘Agwo̱m Ágwo̱m,’ i se gye̱r anong, kamok mi nye anong.

aYohana 11:28

Nama a tá fe̱ anong, a tseng a tá se yis angasnyining wu aMarya nukim, a tá fe̱ be wu ye, “Aner kubo̱so̱p na aze, a rip itak wan.”

aYohana 5:2

To̱, na aUshalima'me kudung ku ka tuse a tá gorok be abur atoon. A yis karo̱'me nirem aYahuda ye aBatseda. Kudung na se bubarak be kanukutu a ta yis ye Iren izha.

aYohana 3:2

A tseng nufe aYeso natuk a tá fe̱ be wu ye, “Aner Kubo̱so̱p, yir ren yir ye wan nye aner kubo̱so̱p i ta ne nufe Adakunom. Kamok akak ta kyem a nye itomong azhing afe wan tá nye baꞌ, sang ke Adakunom se mak be wu baꞌ.”

aYohana 1:49

Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

aLuka 10:41

Ayong aYeso fe̱ be wu ye, “aMarta! aMarta! Wan min te riye̱ wan nike̱re̱ dide̱ng ma i no̱ nudaam.

aMatiyu 14:27

aYeso wor a fe̱ be ba ye, “Na ka tsesek yin, mi'ong. Sang yin tu fok yin inyim baꞌ.”

aMarkus 10:51

Ne aYeso ku rip ye, “Akye̱ ne wan shim mi ta ka nye'me e̱?” Akpato̱o̱n ame fe̱ ye; “Aner kubo̱so̱p, mi shim ta di karo̱.”