aYohana 20:1 - Izere New Testament

¹ Nadiding bop katuk ime̱se̱ng'e na asate, ne karo̱ ruresek whi, aMarya abafe aMagadaliya tseng nure̱k'e. A di a n sees be kuta ku tá se nanu kure̱k'e.

aYohana 20:1 Referans Kwoze

aMarkus 16:9

Nizen iya aYeso tá dorok nure̱k nadiding bop katuk ime̱se̱ng'e na asate, a san i tonong rice wu nufe aMarya aMagadaliya, aya aYeso'me tú ku turung ítseng kanataar ame.

aMatiyu 27:60

Ne a se ne̱r nure̱k wu kufas kuya wu tá nye nafar kuta. Ne a tosom agbang kuta a ti whe̱e̱n kanu kure̱k'e a ta tseng.

aMarkus 15:46

Ayong aYusufu ame se shan kures kukan ne a se tiik be kukom aYeso'me ne a kunung be kures kukan ame nong a tá se ne̱r kaye̱e̱r kure̱k kukak a tá rum nifang agudong. A ti tomong agbang kuta nanu kure̱k'e.

aYohana 20:26

Nama inom ikara, álimazhiri wu se kaye̱e̱r kasa ame gbak, aToma se mak be ba makong. Nanukutu se nuwhe̱se̱ng, amma aYeso be̱ a tá nyeseng natite ba, a tá fe̱ ye, “Kameneng riye̱ ra se mak be yin.”

aYohana 19:25

Áner aya a tá se nunyeseng bubarak be kutigak aYeso'me nye anyining wu, be angasnyining wu be aMarya abining aKilopas ne aMarya abafe aMagadaliya.

Ike̱ng a ta tonong aYohana 1:10

Katuk ime̱se̱ng'e na asate, izen iya mi ta se kaye̱e̱r Kabik, ne mi fok kuto̱ kukak ku ta fe̱ be mi be agap kyo̱ndi rigba nama mi

aMatiyu 27:64

Kamok anong, sak a ta se tor kure̱k'e ma kuko̱s kutaar fan álimazhiri wu bu se tun kukom'e nitsang nong á ta fe̱ ye a dorok nure̱k. Abo̱o̱s afe igang'e na ta risik ne a nar afe ime̱se̱ng'e.”

1 aKoranti 16:2

Koakye kunom ime̱se̱ng'e na asate, koangan yin ra sak itso̱m íkak nukim, tite̱re̱e̱ be ike̱ng iya wu tá se̱s, nong ta sak yin, nong ase̱ ke mi be̱, sang yin tà ba tusung yin ike̱ng ikak baba baꞌ.

Itomong Ámanzo 20:7

Katuk ime̱se̱ng na asate, yir nyim yir naro̱ kazining nong i tá ya yir abiredi. aBulus taas ánerawe Rife̱ Ritek dide̱ng, kamok a tá ren wu tá dorok nayatson'e, yong a ya kasho̱o̱n be rife̱ ma natite katuk.

aMatiyu 27:56

Kaye̱e̱r ba ákak nye aMarya aMagadaliya, be aMarya anyining aYakub be aYusufu, ne anyining inoon aZabedi.

aMatiyu 27:66

Iyong á tseng á ta se tor kure̱k'e, ne á ni te izizo̱ nong a ta ren ka akak ra kuta'me, ne á ni sak ásozha nong á ta tor karo̱'me.

aMatiyu 28:1

Nama kunom Asabar, nadiding bop katuk ime̱se̱ng'e, aMarya aMagadaliya ne aMarya afe afa'me tseng nong á ta se di kure̱k'e.

aMatiyu 28:2

Iyong kaben wor ka zuur kamok amaleka Adakunom akak ne naza nong á tá be̱ tomong kuta'me ne á ni sonong natoon'e.

aYohana 11:38

aYeso tá bun a no̱ nudaam kaye̱e̱r riye̱ wu dide̱ng, a be nure̱k'e. Kure̱k'e nye kutas a ta whe̱e̱n kanu be agbang kuta.

aYohana 11:41

Ayong á tomong kuta ame. aYeso sok anyisi naza ne a fe̱ ye, “Ada, mi be riye̱ rikan be wan kamok mi ren wan ti fok.