aYohana 2:2 - Izere New Testament

² A tak aYeso be álimazhiri wu kuwe̱ne̱ng'e gip.

aYohana 2:2 Referans Kwoze

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

1 aKoranti 7:39

Abining kuwe̱ne̱ng ta kam be amitek wu baꞌ, ma katuk kaya amitek'e ku. Ke a ku, a ta kyem a nye kuwe̱ne̱ng be aner aya riye̱ wu ta shim, amma aner'e ra nye afikuus'e.

Ibrani 13:4

Koangan ra tor kuwe̱ne̱ng yiik, koangan ra tor kuwe̱ne̱ng wu zhe̱l'e, kamok Adakunom tà to̱ aner a tá nye rikuna be áya a nye kpe̱de̱ng amok.

1 aKoranti 10:31

Kamok anong koakye ne yin ta sen nye yin'e, kaye̱e̱r kuya ka kuso̱ yin ayi, nye yin koakye kamok ku tiyiik Adakunom.

aMatiyu 25:45

“Ne a ma fe̱ be ba ye, ‘Katsak'e ne mi ta ka tak yin, kum yin ta nye yin ákak'e kaye̱e̱r áfe agap kuraar na baꞌ. Yin ti nye yin'e baꞌ.’

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

aMatiyu 12:19

A tà korok riwo̱ng ka a ta tasak baꞌ, ko akak ta fok kuto̱ wu na ágbang iren baꞌ.

Ike̱ng a ta tonong aYohana 3:20

Di, mi na nunyeseng ne i ca kanukutu. Aner aya a fok kuto̱ mi, a ti karak'e ne mi no̱ ta ya mak be wu ne wu ya be mi gip.

aYohana 2:3

Ashi anap tá fa gang, yong anyining aYeso fe̱ be wu ye, “Ashi anap ba n gang cei.”

aYohana 2:12

Nama anong, aYeso tseng na aKapanum be anyining ne áronyining be álimazhiri wu. Á sor azong inom cie̱k.

aYohana 2:17

Álimazhiri wu yiring ye i se ni izibir ye, “Kushim afe mi ta shim kasa wan ti ya riye̱ dide̱ng.”

aYohana 2:22

Nama aYeso tá dorok nure̱k, álimazhiri wu yiring be ike̱ng ife wu tin fe̱ natoon'e. Iyong ba ti no̱o̱k katsak rife̱ Adakunom ne rife̱ aYeso tá tsang a fe̱ be ba.

aYohana 3:22

Nama anong, aYeso be álimazhiri wu tseng ni iben aYahudiya, a sor cie̱k azong be ba, ne a nye abatisma azong.

aYohana 4:2

(Amma sang aYeso'me be rice wu ne a nye abatisma'me baꞌ, álimazhiri wu ne á nye)

aYohana 4:8

(Álimazhiri wu tsang á be kaye̱e̱r kuwo̱p ni ishan naya.)

aYohana 4:33

Iyong álimazhiri wu san i naka risim ace ba ye, “Ka aner akak mu ku be̱e̱n naya e̱?”

aYohana 6:8

Amma azining kaye̱e̱r álimazhiri wu'ame, aya a tú ku yis ye, Adarawus aronyining aBitrus fe̱ ye,

aYohana 6:12

A tá fa ya a whas cei ba, ne aYeso fe̱ be álimazhiri wu ye, “Tusung yin ikpis'e iya ba tá won, tú won yin ike̱ng ikak tá beseng baꞌ.”

aYohana 6:16

Kawheshirim tá fa nye, ayong álimazhiri wu be nukim agbang kudung.

aYohana 6:60

Be kufok ike̱ng a tá fe̱ ákak kaye̱e̱r álimazhiri wu whe̱r fe̱ ye, “Kubo̱so̱p kuyu ro̱ dide̱ng. Angan ta shim e̱?”

aYohana 6:66

Nama anong álimazhiri wu whe̱re̱ tú bun kama, á ba ku kus baꞌ.

aYohana 6:67

Ne aYeso rip álimazhiri wu kuso̱k be afa'me ye, “Yin tà tseng yin gip a?”

aYohana 6:70

Iyong aYeso tú shim'e ye, “Mi ne i tá kasa yin kuso̱k be afa aꞌa? Gip be anong azining kaye̱e̱r yin nye Ishetan.”

aYohana 6:71

(aYeso ti fe̱ na aYahuza, igon aSiman Iskariyot, aya a ta se kaye̱e̱r kuso̱k be afa'me, wu ne a tu ku re̱p.)

aYohana 7:3

áronyining aYeso fe̱ be wu ye, “Fa gye̱ ke wan dorok aze nong ta be niben aYahudiya nong álimazhiri wan ta di itomong azhing iya wan ta nye.

Itomong Ámanzo 11:26

izen iya a tú ku se̱ ne a be̱ be wu na Antakiya. aBarnabas be Ashawulu gang riye̱ rizining azong ne á nyiis be áfikuus azong ne á bo̱so̱p ánerawe whe̱re̱ rife̱ Adakunom. Na Antakiya ne a san ku yiis álimazhiri aYeso ye Áfikuus.

Itomong Ámanzo 11:29

Ayong álimazhiri ame cice̱r ti sak ye ba tá tobok áfudang ba aya a tá se na aYahudiya. Koangan tà no̱o̱k tite̱re̱ be agap wu.