aYohana 2:19 - Izere New Testament

¹⁹ aYeso tú shim ba'me ye, “Yirik yin kutu kuya Adakunom iben na, mi tà bun i no̱k kaye̱e̱r inom itaar.”

aYohana 2:19 Referans Kwoze

aMarkus 14:58

“Yir tú ku fok yir a tá fe̱ ye, ‘Mi ta yirik kutu kuya Adakunom iben na anerawe tá no̱k nong tu ku no̱k kukak, kuya ku ta nye rino̱k anerawe baꞌ, kaye̱e̱r inom itaar.’ ”

aMarkus 15:29

Áner aya a tá gosok niren'e, tú ku kas ne á zim rice ne á fe̱ ye, “Ahap! Wan aya ayu i tana yirik agbang kutu kuya Adakunom iben ne i bun no̱k kaye̱e̱r inom itaar,

aMatiyu 27:40

ne á fe̱ ye, “Wan afe i tana yirik agbang kutu kuya Adakunom iben ne i bun i no̱k kaye̱e̱r inom itaar, shesh rice wan'e. Ke wan nye Igon Adakunom, to̱, ne i tiik kaben.”

aMatiyu 12:40

Kyo̱ndi aZhona ta te inom itaar, katuk be kunom kaye̱e̱r kafa agbang izos, anong ne Igon Anerawe ta te inom itaar katuk be kunom kaye̱e̱r iben.

aRom 8:11

Ke Kabik Adakunom aya a tá dorok aYeso nure̱k sor kaye̱e̱r yin, to̱, wu aya a tá dorok aYeso kaye̱e̱r kure̱k tá no̱o̱k iro̱m yin kuya ku tana bus kutser kamok Kabik wu kaya ka ta sor kaye̱e̱r yin.

Itomong Ámanzo 3:15

Yin fe̱r yin aner aya wu ne a ta Ritin kutser amma Adakunom tú ku dorok nure̱k. Yir tú ku di yir be anyisi yir.

Itomong Ámanzo 2:32

aYeso'me ayong ne Adakunom tú ku dorok nure̱k be kutser, yir cice̱r yir ren yir ye i se anong dim.

Itomong Ámanzo 2:24

Adakunom tú ku dorok nure̱k be kutser, a tú ku kam be amaan risam riku kamok riku kyem ri tú ku yiir baꞌ.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

aRom 6:4

Kamok abatisma yir a ti ne̱r yir mak be wu, yir te yir azining be wu kaye̱e̱r riku wu. Kyo̱ndi a tá dorok aKiristi nure̱k be kutser be kuyiik Ada'me, anong ne yir gip ta sor yir kaye̱e̱r kusor kufas.

aYohana 11:25

Ayong aYeso fe̱ be wu ye, “Mi ne i nye kudorok ikom ne i nye kutser. Aya a tin no̱o̱k katsak ni mi ko ke a ku gip a tà se̱ kutser,

aMarkus 8:31

Ayong aYeso san ku kubo̱so̱p ba'me ye, Igon Anerawe ta so̱ iriri risam, ne áko̱k kasho̱o̱n be ágbang átsi ne áner kubo̱so̱p Itsi ku rawu, a tu ku fe̱r, nama inom itaar a ta bun a dorok be kutser.

aKolosi 2:12

Kamok nizen iya a tá ka nye yin abatisma ne a tá ne̱r yin mak be aKiristi ne a bun a ka dorok yin mak be wu kamok kuno̱o̱k katsak yin kaye̱e̱r kukyem Adakunom aya a tú ku dorok nure̱k be kutser.

1 aKoranti 15:12

To̱, ke a nye awazi natoon kudorok aKiristi nure̱k, kamok akye̱ ákak yin fe̱ ye kudorok ikom kuse baꞌ e̱?

aRom 4:24

amma a zibir kamok yir, yir gip, yir áya Adakunom ta min sak yir i ta te yir gye̱r nasho̱o̱n wu, yir áya i ti no̱o̱k yir katsak ni wu aya a tá dorok aYeso Agwo̱m Ágwo̱m yir nure̱k.

Itomong Ámanzo 3:26

Nizen iya Adakunom tá kasa asam wu, a tú ku tom nufe yin ni ime̱se̱ng'e nong a tá ka te yin ritek ne a sak koangan kaye̱e̱r yin ta shishing kuse nong a tá won amaan kunye wu.”

aYohana 5:19

Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip.

aMatiyu 27:63

Á tá fe̱ be wu ye, “Kunom ra be rigwo̱m, yir ru yiring yir be ike̱ng aner abo̱o̱s ame tá fe̱ kum ne a rusek be kutser ye nama inom itaar a ta bun a dorok be kutser.

aMatiyu 16:21

Kum be izen iyong, aYeso san kufe̱ be álimazhiri wu kanang ye ma wu tseng na aUshalima nong a ta se so̱ iriri risam dide̱ng nibo̱k asho̱n be ágbang atsi ne áner kubo̱so̱p itsi ma a tà ku fe̱r. Nama inom itaar a tà ku dorok be kutser.

Itomong Ámanzo 6:14

kamok yir tú ku fok yir a tá sen fe̱ ye aYeso afu Nazaret tà yirik karo̱ na ne a shishing igo̱o̱n iya aMusa tin bo̱so̱p yir'e.”