aYohana 2:11 - Izere New Testament

¹¹ Iyu ne i nye ike̱ng azhing ife ime̱se̱ng aYeso tá nye, a nye nuwo̱p aKana niben aGalili. A tonong kuyiik wu azong, yong álimazhiri wu ti no̱o̱k katsak ni wu.

aYohana 2:11 Referans Kwoze

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aYohana 3:2

A tseng nufe aYeso natuk a tá fe̱ be wu ye, “Aner Kubo̱so̱p, yir ren yir ye wan nye aner kubo̱so̱p i ta ne nufe Adakunom. Kamok akak ta kyem a nye itomong azhing afe wan tá nye baꞌ, sang ke Adakunom se mak be wu baꞌ.”

aYohana 6:2

Ne ánerawe whe̱re̱ tú ku kuus kamok ba di ike̱re̱ azhing iya a tá nye natoon áfe iro̱k.

aYohana 6:30

Iyong ánerawe'me tú rip ye, “Akye̱ kuri ike̱ng azhing ne wan ta nye nong yir ta di yir nong tin no̱o̱k yir katsak ni wan e̱? Akye̱ ne wan tà nye e̱?

aYohana 6:26

aYeso fe̱ be ba ye, “Katsak'e, mi ta ka tak yin, yin tsang ni itse̱r yin, kamok yin tá ya yin abiredi ame i tá whas yin amma sang kamok yin tá di yin itomong azhing iya mi tá nye baꞌ.

aYohana 6:14

Ánerawe tá di itomong azhing iya aYeso tá nye ayong á rife̱ ye, “Katsak'e, ayu ne a nye Aner Kuzarap aya a ta se ye a ta be̱ kaye̱e̱r kazatse.”

2 aKoranti 4:17

Naban kudaam yir ta se̱s yir ta sok izen baꞌ, na ta sak yir ta se̱ yir kuyiik kufe izen izen rife ri ta nar agap a tanin maas be kudaam'e cei.

aYohana 14:13

Koakye ne yin rip yin kaye̱e̱r riyerek'i, mi ta ka nye yin'e nong Ada'me ta se̱ kuyiik kamok igon'e.

aYohana 12:41

Ishaya fe̱ anong kamok wu di kuyiik aYeso ne a fe̱ itak wu.

aYohana 12:37

Cei be ike̱re̱ azhing aYeso tá nye na anyisi ba, gip be anong ba ti no̱o̱k katsak ni wu baꞌ.

aYohana 2:23

Nizen aYeso tá rusek na aUshalima, nizen aPasova, ánerawe whe̱re̱ di itomong azhing wu tá nye ne á ni no̱o̱k katsak ni wu.

aYohana 1:50

Ne aYeso fe̱ ye, “Wan ti no̱o̱k katsak kamok mi tá ka tak ye mi tá di ritin atafo a? Wan tà di ike̱re̱ azhing iya i ta nar iyong.”

1 aYohana 5:13

Mi ta zibir yin'e aya i tin no̱o̱k yin katsak riyerek aYeso Igon Adakunom, nong ase̱ yin ta ren yin ye yin be yin kutser kufe izen izen.

aYohana 4:46

Iyong aYeso bun a tseng na aKana niben aGalili, naro̱ wu ta kirik ashi a ta te ashi anap. Afe itomong rigwo̱m akak tu se azong na aKapanum aya igon wu ta nye katser baꞌ.

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

2 aKoranti 3:18

Yir áfe sang a ta kis anyisi yir baꞌ, yir tosong yir kuyiik Agwo̱m Ágwo̱m yir kyo̱ndi amadobi, ne a ni shishing yir nong ta te yir kyo̱ndi wu, kuyiik natoon kuyiik kuya ku ta nes nufe Agwo̱m Ágwo̱m a ta nye Kabik.

aYohana 11:15

Mi be riye̱ rikan kamok sang mi tin se azong baꞌ. Yin ti no̱o̱k yin katsak makong. Amma i tseng yir nufu.”

aYohana 1:17

Kamok Itsi be̱ nubo̱k aMusa, amma ritek be katsak be̱ nubo̱k aYeso aKiristi.

aYohana 1:43

Kadiding tá fa karak ne aYeso nye kanye̱k ku be na aGalili. Ayong a se se̱ aFilibus ne a fe̱ be wu ye, “Ni kuus.”

aYohana 2:1

Katuk afe ataar a nye riye̱ rikan kuwe̱ne̱ng nuwo̱p aKana niben aGalili. Anyining aYeso tuse azong

aYohana 4:3

aYeso tá fa fok itak'e ayong a won kaben aYahudiya nong a tú ku bun na aGalili.

aYohana 4:54

Iyu ne i nye ike̱ng azhing ife afa aYeso tá nye nizen a tá ne na aYahuda, a ta be na aGalili.

aYohana 7:31

Gip be anong, ánerawe dide̱ng ti no̱o̱k katsak na aYeso ne á fe̱ ye, “Nizen iya aKiristi'me, a tà nye itomong azhing iya i ta nar iyuna a?”

aYohana 9:16

Áner aFarisi ame ákak fe̱ ye, “Aner na ne nufe Adakunom baꞌ, kamok wu won Asabar zhe̱l baꞌ.” Amma ákak fe̱ ye, “Aner rine̱n ta nye ane̱ a ta nye itomong azhing kuri iyu e̱?” Ito̱ ba te kufa.

aYohana 10:41

Ánerawe whe̱re̱ be̱s nufu. Áner'e fe̱ ye, “aYohana nye itomong azhing baꞌ, amma ike̱re̱ wu tá fe̱ cice̱r natoon aner na nye katsak.”

aYohana 11:47

Kamok anong ágbang átsi ne áner aFarisi'me yis kanyim áko̱k kasho̱o̱n. Ne á fe̱ ye, “Akye̱ ne yir ta nye yir e̱? Aner na ta nye itomong azhing dide̱ng an e̱?

aYohana 12:18

Ánerawe whe̱re̱ a tá tsang á fok ye a nye itomong azhing kuri iyong wuruk nong a tú ku di.

aYohana 16:27

Wayo, Ada'me ta shim yin be rice wu, kamok yin ti shim yin ne i no̱o̱k yin katsak ye, mi ne nufe Adakunom.

aYohana 16:30

Kyo̱o̱rna ne yir ma ren yir ye wan ren koakye, sang ma akak tá rip baꞌ. Iyuna sak yir ti no̱o̱k yir katsak ye wan ne nufe Adakunom.