aYohana 19:6 - Izere New Testament

⁶ Kum ágbang átsi ne áfe a tá tor karo̱'me, a tá fa ku di, ne á tasak ye, “A ku tigak, A ku tigak.” Amma aBilatus fe̱ be ba ye, “Yin ku sok yin nong ta su ku tigak yin, mi tú ku se̱ be nye rine̱n ike̱ng ikak nong tu ku to̱ amok baꞌ.”

aYohana 19:6 Referans Kwoze

aYohana 18:31

Ne aBilatus fe̱ be ba ye, “Tseng yin be wu be rice yin nong tú ku to̱ yin amok be itsi yin'e.” Amma áner aYahuda ame fe̱ ye, “A ti no̱o̱k yir iren ku te̱n akak amok riku baꞌ.”

aYohana 19:4

aBilatus bun a wuruk gbak a tá fe̱ be áfe aYahuda'me ye, “Di yin, mi ta ka tun yin'e nong tà ren yin ye mi tú se̱ a nye rine̱n ike̱ng ikak ife nong a tu ku to̱ amok baꞌ.”

Itomong Ámanzo 7:52

Aner Kuzarap anyaka ne átukop yin won dar a ku nyeen e̱? Átukop yin fe̱s aner aya a tá zarap kube̱ Azhe̱l'e. Kyo̱o̱rna yin mu ku fe̱r yin.

Itomong Ámanzo 2:23

Adakunom tsang a ni sak kaye̱e̱r kushim wu ye a ta no̱o̱k aYeso nubo̱k yin, ámaan aner ta ka se̱ mo yin nong yin tú ku tigak yin nukon, a tá ku.

aYohana 19:15

Amma áner aYahuda ame korok ikun ye, “A ku fe̱r! A ku fe̱r! A ku tigak!” Ayong aBilatus tú ku rip ba ye, “Yin shim yin mi ta tigak agwo̱m yin a?” Ne ágbang atsi ame fe̱ ye, “Ei, yir be yir agwo̱m akak ze̱e̱r be aKaisar baꞌ.”

aLuka 23:4

Ne aBilatus fe̱ be ágbang átsi ne rigwo̱m ánerawe'me ye, “Mi se̱ aner na be rine̱n ike̱ng ikak baꞌ.”

aMatiyu 27:24

aBilatus tá di sang ba shishing kuto̱ro̱ng ba baꞌ, ne á bun á shim á ta dorok be riwo̱ng, yong a bo̱ ashi a tin kusu ibo̱k wu nasho̱o̱n ba ne a fe̱ ye, “Ibo̱k'i kuso̱k, naso̱k aner na se rice mi baꞌ. Yin tà fok yin'e.”

aMatiyu 27:22

Ne aBilatus fe̱ be ba ye, “To̱, mi ta nye ane̱ be aYeso a tú ku yis ye, aKiristi e̱?” Cice̱r ba fe̱ ye, “A ku tigak.”

aMatiyu 26:58

Amma aBitrus tsang a ku kukuus nama gugo̱k, ma nubang kasa agbang atsi'me. A no̱ a tá se sonong mak be áfe a tá tor karo̱'me nong a ta di ike̱ng iya a tana nye.

aYohana 18:3

Ayong aYahuza sok ásozha whe̱re̱ ne áner aya a tá tor áko̱k kasho̱o̱n átsi ne áner aFarisi, nong á tá tseng azong. Á se be íro̱ng ne apitila ne ike̱re̱ itsom.

aYohana 18:38

aBilatus fe̱ be wu ye, “Akye̱ nye katsak e̱?” Nama a tá fe̱ anong ne a bun a wuruk nufang gbak a tá be nufe áner aYahuda nong a tá fe̱ be ba ye, “Ko mi tu se̱ be rine̱n ike̱ng ikak baꞌ.