4 aBilatus bun a wuruk gbak a tá fe̱ be áfe aYahuda'me ye, “Di yin, mi ta ka tun yin'e nong tà ren yin ye mi tú se̱ a nye rine̱n ike̱ng ikak ife nong a tu ku to̱ amok baꞌ.”
Kum ágbang átsi ne áfe a tá tor karo̱'me, a tá fa ku di, ne á tasak ye, “A ku tigak, A ku tigak.” Amma aBilatus fe̱ be ba ye, “Yin ku sok yin nong ta su ku tigak yin, mi tú ku se̱ be nye rine̱n ike̱ng ikak nong tu ku to̱ amok baꞌ.”
aBilatus fe̱ be wu ye, “Akye̱ nye katsak e̱?” Nama a tá fe̱ anong ne a bun a wuruk nufang gbak a tá be nufe áner aYahuda nong a tá fe̱ be ba ye, “Ko mi tu se̱ be rine̱n ike̱ng ikak baꞌ.
Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.
Nizen ako̱k kasho̱o̱n ásozha ne ribir aya a ta se mak be wu ni itor aYeso tá fok kaben ta zuur ne ike̱re̱ cice̱r i tá nye, á fok inyim dide̱ng yong á fe̱ ye, “Katsak'e aner na nye Igon Adakunom.”
aBilatus tá di sang ba shishing kuto̱ro̱ng ba baꞌ, ne á bun á shim á ta dorok be riwo̱ng, yong a bo̱ ashi a tin kusu ibo̱k wu nasho̱o̱n ba ne a fe̱ ye, “Ibo̱k'i kuso̱k, naso̱k aner na se rice mi baꞌ. Yin tà fok yin'e.”
Nizen aBilatus tá se nusonong natoon itsik amok, yong abining wu tom kutom nufu ye, “Kam be itak aner na sang a tá nye rine̱n baꞌ, kamok mi so̱ risam nashirim ni nabos natoon wu.”
Ne a fe̱ ye, “Mi nye rine̱n. Mi tá no̱o̱k aner aya sang a tá nye rine̱n baꞌ.” Atsi'me ne ásho̱n'e fe̱ be wu ye, “Akye̱ ti daam yir azong a? Iyong nye kudaam wan.”
Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.