aYohana 19:39 - Izere New Testament

³⁹ A se mak be aNikodimus aya a tá kun tseng nufe aYeso natuk. aNikodimus be̱ be name iko̱o̱n itek a tá yis ye amuur a tá min kare̱ be alos, kugaar'e tá se akilogam iso̱k itaar be anaas (34).

aYohana 19:39 Referans Kwoze

aYohana 12:7

Ayong aYeso fe̱ ye, “Ku won, a sak name na kamok kunom kune̱r'i.

aMarkus 16:1

Kunom Asabar tá fa gor, aMarya aMagadaliya, be aMarya anyining aYusufu ne aSalomi, shan ike̱re̱ iko̱o̱n itek, nong á tá sen kon natoon kukom aYeso.

aMatiyu 19:30

Amma whe̱re̱ áfe a ta nye áfe ime̱se̱ng'e tà te áfe igang'e, ne áfe a ta nye áfe igang'e tà te áfe ime̱se̱ng'e.

aMatiyu 12:20

A tà bur ike̱ng i tan te gordok baꞌ, ko a tà riming kuro̱ng kuya ku tan be̱ barak ku ta ku baꞌ, ma katsak'e wuruk kanang.

aMatiyu 2:11

Be kube̱ ba nasa'me, ne á di igon'e be anyining wu aMarya, iyong á tiguum kaben nong á tú ku ya iben. Á bisik acer ba nong á tá no̱o̱k izinariya be name iko̱o̱n a tá yis ye amuur.

aYohana 12:3

Ayong aMarya sok kudu name iko̱o̱n itek a tá yis ye anad na ta be itso̱m dide̱ng nong a tá korok aYeso'me natak ne a re̱ng be nakuyo̱ng rice wu. Iko̱o̱n name'me shining kaye̱e̱r kasa'me cei.