aYohana 19:34 - Izere New Testament

³⁴ Azining kaye̱e̱r asozha'me bun a tubuk aYeso nukafam be kuko̱o̱n ne naso̱k be ashi wuruk naro̱'me.

aYohana 19:34 Referans Kwoze

1 aYohana 5:6

aYeso Kiristi ne a ne naza, a tú ku nye abatisma be ashi ne a nyosong naso̱k wu. I nye ashi tsek baꞌ, amma ashi be naso̱k. Ne Kabik Kazhe̱l'e ni tak yir ye i se anong, kamok wu ne a taas ánerawe katsak'e.

1 aYohana 5:8

Ife ime̱se̱ng'e nye Kabik Kazhe̱l'e, ife afa'me nye abatisma ashi a tú ku nye'me ne ife ataar nye naso̱k a tá nyosong riku wu. Ike̱re̱ itaar'ong tonong ike̱ng izining.

Ike̱ng a ta tonong aYohana 7:14

Iyong mi fe̱ be wu ye, “Atekasa, wan ren.” Ayong a fe̱ ye, “Áner na ne á nye áner aya a tá wuruk na amaan risam án kusu ares ba be naso̱k Aturuk'e á ta te akan pes.”

Afisa 5:26

nong a tá sak a tá te zhe̱l be ku ka taas ba rife̱ Adakunom riya ri tá ka kusu ba kyo̱ndi ashi nong a ta forop.

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

1 aBitrus 3:21

Ashi'ong sor kyo̱ndi abatisma aya yir ta nye yir, i tin se̱ yir kashesh. Sang nong tin tun yir narik kuro̱m baꞌ, amma kamok yir ta nye yir Adakunom izong be riye̱ rizining ne kamok aYeso Kiristi tá dorok nure̱k.

Ibrani 9:22

Katsak'e, Itsi shim ye a ra kusu koakye ike̱ng be naso̱k, kamok ke a nyosong naso̱k baꞌ, a ta kyem a re̱ng rine̱n baꞌ.

Ibrani 9:13

Naso̱k izha be amung be itong inyak ife a ta man a mis áfe rine̱n'e ta sak á ta te zhe̱l nama kuro̱m tsek,

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

aMatiyu 27:62

Kaya katson'e nama kunom kunye kanye̱k kunom Asabar, ágbang atsi ne áner aFarisi tseng nufe aBilatus.

Itomong Ámanzo 22:16

To̱, kyo̱o̱rna akye̱ ne wan ru tor e̱? Dorok nong a ta ka nye abatisma ku kusu rine̱n wan, kaye̱e̱r riyerek Agwo̱m Ágwo̱m.’

aYohana 19:33

Amma á tá fa be̱ nufe aYeso ne á di a n ku, á busung atak wu baꞌ.

aYohana 20:20

Nama a tá fe̱ anong ne a ku tonong ba ibo̱k be kukafam wu. Ayong álimazhiri wu'me nye riye̱ rikan dide̱ng á tá di Agwo̱m Ágwo̱m.