aYohana 19:30 - Izere New Testament

³⁰ aYeso tá shushu akpukpak ashi'me ne a fe̱ ye, “An gang!” Ne a ma roor kuto̱ a tá no̱o̱k kutser wu.

aYohana 19:30 Referans Kwoze

aYohana 17:4

Mi tá be̱e̱n kuyiik kaye̱e̱r kazatse be itomong iya wan tin no̱o̱k i tá nye cei.

aFilipi 2:8

Nizen iya a tá be̱ kaye̱e̱r kuro̱m anerawe, a mees rice wu, ma a no̱o̱k rice wu a ku, a kuus ike̱ng iya Adakunom tá shim, a tú kutigak nukon ma a ku natoon kukon'e.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

aYohana 10:11

“Mi ne i nye afek atek. Afek atek no̱o̱k rice wu kamok itsamang wu.

aLuka 23:46

aYeso tá kuto̱ naza a tá fe̱ ye, “Ada, nubo̱k wan, ne mi won kutser mi.” A tá fa fe̱ anong, ne a ko̱ro̱k isong wu ife igang'e.

aRom 10:4

Kamok aKiristi ne a shining ike̱ng iya Itsi ta fe̱ ye a ra nye nong koangan a tin no̱o̱k katsak ni wu ta se gye̱r nasho̱o̱n Adakunom.

aYohana 19:28

Nama anong, aYeso tá ren ye kyo̱o̱rna a n gang koakye, nong ase̱ a tá shining ike̱ng iya Kufumung Adakunom tá fe̱ yong aYeso fe̱ ye, “Kuto̱ mi n koor.”

aMarkus 15:37

Ayong aYeso ta kuto̱ dide̱ng naza ne a ko̱ro̱k isong wu ife igang'e.

aYohana 10:18

Akak ta kyem a sok kutser'i baꞌ. Be kushim mi ne mi no̱o̱k rice mi. Mi be kukyem mi tanin no̱o̱k kutser'i, ne mi bun i be kukyem mi tanin dorok'e. Ada mi ne a ti no̱o̱k iren anong.”

aYohana 4:34

Ne aYeso fe̱ be ba ye, “Naya mi nye tu nye ike̱ng wu aya a tin tom ta shim ne i gang itomong wu.

aMatiyu 20:28

Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”

aMatiyu 27:50

Ayong aYeso bun a tá kuto̱ naza ife afa gbak, ne a ko̱ro̱k isong wu ife igang'e.

Ibrani 9:22

Katsak'e, Itsi shim ye a ra kusu koakye ike̱ng be naso̱k, kamok ke a nyosong naso̱k baꞌ, a ta kyem a re̱ng rine̱n baꞌ.

aRom 3:25

Adakunom no̱o̱k aYeso nong a tá sor asidaka kure̱ng rine̱n yir. A re̱ng ánerawe rine̱n ba kamok kuno̱o̱k katsak ba natoon kunyosong naso̱k wu. Adakunom nye anong, nong a tá tonong katsak be kuse kutek wu, kamok gbugbang, Adakunom kaye̱e̱r kuwhiwhe̱ wu a ye̱re̱k rine̱n anerawe wha.

aMatiyu 3:15

Amma aYeso fe̱ be wu ye, “I se gye̱r ta nye yir anong; kamok be anong ne a tá shining yir ike̱ng iya Adakunom ta shim.” Ayong aYohana tú ku shim'me.

1 aKoranti 5:7

Kam yin be ayisti azen nong ta te yin kyo̱ndi nakan nafas na ta se dar ayisti, kyo̱ndi yin ta se yin kyo̱o̱rna'me, kamok a min nye asidaka be aYeso a ta nye aturuk aPasova yir.

aLuka 22:37

I se ni izibir kaye̱e̱r Kufumung rife̱ Adakunom ye, ‘A tu ku fa mak be áfe rine̱n.’ Mi ta ka tak yin ye iyu tin shining natoon'i dim. Ei, ike̱re̱ a tá zibir natoon'i m be̱ barak i ta shining.”