aYohana 19:25 - Izere New Testament

²⁵ Áner aya a tá se nunyeseng bubarak be kutigak aYeso'me nye anyining wu, be angasnyining wu be aMarya abining aKilopas ne aMarya abafe aMagadaliya.

aYohana 19:25 Referans Kwoze

aLuka 23:49

Amma cice̱r áfe a tá ren aYeso'me ne ányining á tá tsang á ku kuus kum na aGalili nyeseng gugo̱k nong á tá ye̱re̱k ike̱re̱'ong cei.

aYohana 20:1

Nadiding bop katuk ime̱se̱ng'e na asate, ne karo̱ ruresek whi, aMarya abafe aMagadaliya tseng nure̱k'e. A di a n sees be kuta ku tá se nanu kure̱k'e.

aLuka 24:18

Azining kaye̱e̱r ba riyerek wu ta nye aKiliyopas tú rip ye, “Wan ne i nye aner atsen na aUshalima tsek, i ta dun ike̱ng i tá nye azong kaye̱e̱r inom na a?”

aLuka 8:2

Ányining ákak gip á tú ku turung ba ámaan nabik, ne a ku sak ba á tá te atser. Ákak kaye̱e̱r'e nye, aMarya abafe aMagadaliya aya ítseng kanataar tá wuruk kaye̱e̱r wu,

aLuka 2:35

nong a se̱ a tà te̱s kuto̱ro̱ng ánerawe whe̱r, ne ike̱ng'e tà ya riye̱ dide̱ng gip.”

aMarkus 16:9

Nizen iya aYeso tá dorok nure̱k nadiding bop katuk ime̱se̱ng'e na asate, a san i tonong rice wu nufe aMarya aMagadaliya, aya aYeso'me tú ku turung ítseng kanataar ame.

aMatiyu 12:46

Nizen aYeso ta ru fe̱ kanu be rigwo̱m ánerawe'me, ango̱ wu be áronyining nyeseng nufang á shim a tu ku di.