aYohana 19:17 - Izere New Testament

¹⁷ Ayong ásozha dorok á tá tseng be aYeso. aYeso wuruk kaye̱e̱r kuwo̱p'e an cer kukon a tana ku tigak mo be rice wu, ma naro̱ a tá yis ye Karo̱ Áho̱karo̱k Ace. (Ni irem áner Aramiya a yis ye aGolgota.)

aYohana 19:17 Referans Kwoze

aLuka 23:33

Á tá fa be̱ naro̱ a ta yis ye Aho̱karo̱k Ace, ne á tigak aYeso'me azong mak be áfe rine̱n ame, azining nubo̱k riya, ne afe afa nubo̱k rimen.

aLuka 14:27

Aner aya ne a sok kukon ku kutigak mo nong a tin kuus baꞌ, a tà kyem a te alimazhiri mi baꞌ.

aLuka 23:26

Nizen á tá sen tseng be aYeso, á nyim be aner aSirin akak, a tú ku yis ye aSiman. A se be kutseng wu, a ta no̱ kaye̱e̱r aUshalima. Á tú sak ye ma a ra cer kukon a tanin tigak aYeso nong a tin kuus aYeso nama.

Itomong Ámanzo 7:58

Á tú ku ko̱k a tá tun nama kuwo̱p'e, nong á tá kpaan ku kubarak be ata. Ánerawe aya a tá kuus kama kufe̱r Itifanus'e be̱ korok ares ba natak acam akak a tú ku yis ye Ashawulu.

aMarkus 15:32

Won aKiristi na, ye wan nye Agwo̱m Isarela, tiik kaben kyo̱o̱rna nong yir ta di yir nong tin no̱o̱k yir katsak!” Ágbang ákpatang áya a tú ku tigak ba mak be wu ame, tú ku kok ko'me gip.

aLuka 23:38

Izibir tuse nukon'e dim rice wu, i tá fe̱ ye, “AYUNA NE A NYE AGWO̱M ANER aYAHUDA.”

aLuka 9:23

Ayong aYeso fe̱ be ba cice̱r ye, “Koangan afe a ta shim a tin kuus, a ra rawu rice wu nong a ta sok kukon a tana ku tigak mo koakye kunom nong a tin kuus.

aMarkus 15:26

Natoon kukon'e a tin zibir kuri amok aya a tú ku te̱n'e ye; “AGWO̱M ÁNER aYAHUDA.”

aMarkus 10:21

aYeso tu ye̱re̱k be kushim. Ayong a fe̱ be wu ye, “Wan ru raar nike̱ng izining tsek. Tseng ta se re̱e̱s koakye wan ta be, kasap áfe rizor itso̱m'e. Wan ta se̱ kurum naza nong ta be̱ tin kuus.”

aMarkus 8:34

Ayong aYeso yis rigwo̱m anerawe ame be alimazhiri wu nong a ta fe̱ ye, “Koangan afe a ta shim a tin kuus, a ra rawu rice wu nong a ta sok kukon a tana ku tigak mo nong a tin kuus.

aMatiyu 27:37

Nabas rice wu, a ti nye izibir kuri rine̱n a tá ye, “AYU NE A NYE AYESO, AGWO̱M ÁNER aYAHUDA.”

aMatiyu 16:24

Ayong aYeso fe̱ be álimazhiri wu ye, “Ke akak shim a tin kuus ma a rawu rice wu ne a sok kukon ku kutigak wu ne ni kuus.

aMatiyu 10:38

Aner aya ne a sok kukon ku kutigak wu be rice wu nong a tin kuus baꞌ, a kyem a ta te anaan baꞌ.

aYohana 5:2

To̱, na aUshalima'me kudung ku ka tuse a tá gorok be abur atoon. A yis karo̱'me nirem aYahuda ye aBatseda. Kudung na se bubarak be kanukutu a ta yis ye Iren izha.

aYohana 19:13

aBilatus tá fa fok anong, yong a tun aYeso'me nufang ne a sonong natoon itsik amok, a tá nye be ata. (A yis ni irem áner Aramiya ye aGabbata.)