aYohana 19:11 - Izere New Testament

¹¹ Amma aYeso fe̱ be wu ye, “Wan ti be kukyem kukak natoon'i ze̱e̱r be kuya a ta ka no̱o̱k natoon kaza baꞌ. Kamok anong, aner aya a tin sok a tá ka no̱o̱k ne a be rine̱n ne a ka nar.”

aYohana 19:11 Referans Kwoze

aRom 13:1

Koangan ra kuus ike̱ng iya rigwo̱m iben ta fe̱ ye a ra nye dim kamok akak ta kyem a te ako̱k kasho̱o̱n baꞌ, sang ke Adakunom ne a tu ku no̱o̱k baꞌ. Áko̱k kasho̱o̱n afe yir ta be yir cice̱r Adakunom ne a tu no̱o̱k.

aYohana 3:27

Ayong aYohana fe̱ be ba ye, “Anerawe ta kyem a se̱ ike̱ng be rice wu ba', sang ke a tú ku no̱o̱k natoon kaza ba'.

Itomong Ámanzo 2:23

Adakunom tsang a ni sak kaye̱e̱r kushim wu ye a ta no̱o̱k aYeso nubo̱k yin, ámaan aner ta ka se̱ mo yin nong yin tú ku tigak yin nukon, a tá ku.

Itomong Ámanzo 3:13

Adakunom aya a ta nye afe Ibrahim ne a nye afe Ishaku ne a nye afe aYakub, Adakunom atukop yir, wu ne a tiyiik asam wu aYeso. Yin tú ku sok yin i tá no̱o̱k yin áko̱k kasho̱o̱n nong á tú ku fe̱r. Yin tú ku rayin nasho̱o̱n aBilatus, aBilatus'e shim a tú ku won gye̱rtatan.

aYohana 7:30

aYeso tá fa fe̱ anong yong ánerawe ame shim a tú ku yiir. Amma akak kyem a ti sak kubo̱k ni wu baꞌ, kamok izen wu tsang i nye baꞌ.

aYakub 1:17

Koakye kuri ritek ne kuno̱o̱k kutek kuya ku ta ne naza se gye̱r nufe Ada afe a ta be akanang aya a ta be kaben, aya afe sang a ta shishing kyo̱ndi nawu ta sesek baꞌ.

aMatiyu 6:13

Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’

aYakub 4:17

Koangan afe a ta ren ikeng itek i ta se gye̱r ke a nye, a ra nye ba, i sor rine̱n.

aRom 11:36

Kamok wu ne a nye koakye ike̱ng, ne koakye se nubo̱k wu, a nye koakye kamok rice wu. Kuyiik nye kufe Adakunom ma izen izen. Anong!

Itomong Ámanzo 4:28

Ba nyim á ta nye ike̱ng iya wan tan sak ta nye kaye̱e̱r kuyiik be kukyem wan.

aMatiyu 27:2

Iyong á tú rosom, á tá tseng'e nufe aBilatus, a tá nye agwo̱mna.

aMarkus 14:44

aYahuda aner a tá no̱o̱k aYeso ame tsang a ni sak be ba ye, “Aner aya ne yin di yin mi tu ku kunung ne a nye aner'e. Ku yiir yin nong ta tseng yin be wu.”

aYohana 18:3

Ayong aYahuza sok ásozha whe̱re̱ ne áner aya a tá tor áko̱k kasho̱o̱n átsi ne áner aFarisi, nong á tá tseng azong. Á se be íro̱ng ne apitila ne ike̱re̱ itsom.

aYohana 9:41

Ayong aYeso fe̱ be ba ye, “Yin fa nye yin ákpato̱o̱n'e ke yin be yin rine̱n baꞌ. Amma yin ta fe̱ yin ye yin di karo̱, to̱, rine̱n yin se natoon rice yin.

aLuka 22:53

Mi se be yin ye̱r ye̱r kaye̱e̱r agbang kutu kuya Adakunom iben, yin ti sak yin kubo̱k natoon'i baꞌ, amma izen ife yin na, izen amaan aner tin nye rigwo̱m nawhi.”

aMatiyu 26:65

Ayong agbang atsi'me sarak ares wu be riye̱ kubeseng, ne a fe̱ ye, “A zhe̱e̱sh Adakunom! Yir bun i tse̱r yir akye̱ gbak e̱? Yin fok yin a ta zhe̱e̱sh Adakunom.

aYohana 18:13

Á tseng be wu nufe Anas ni ime̱se̱ng'e, a tá nye aman aKayafas agbang atsi riye̱ riyong.

aYohana 19:10

aBilatus fe̱ ye, “Wan tà fe̱ kanu be mi aꞌa? Wan ren ye mi kyem tá ka won ka tá ka tigak aꞌa?”