aYohana 18:8 - Izere New Testament

⁸ Ayong aYeso fe̱ be ba ye, “Mi ta tak yin ye mi ne i nye wu ne̱. Ke yin ti tse̱r yin, to̱, won yin ánerawe na tá tseng.”

aYohana 18:8 Referans Kwoze

1 aBitrus 5:7

Ku won yin kudaam yin cice̱r kamok wu ne a ti sak riye̱ ni yin.

Afisa 5:25

Yin átek, afe i tan nye yin iwe̱ne̱ng, shim yin ányining yin kyo̱ndi aKiristi ta shim áfikuus ma a no̱o̱k rice wu kamok'e,

2 aKoranti 12:9

amma a fe̱ be mi ye, “Ritek'i ta kyem, kamok kaye̱e̱r kuraar wan ne a ta di agap kukyem'i.” Kamok anong, be riye̱ rikan mi tin barang kuya kuka kaye̱e̱r kuraar'i na nong ase̱ agap kukyem aKiristi ta se mak be mi.

1 aKoranti 10:13

Kubo̱mo̱ng kukak kuse ku ta ka se̱ yin ku tan won dar kun se̱ akak baꞌ. Adakunom shishing ike̱ng wu ta fe̱ baꞌ, a tà ka won yin tà no̱ yin nubo̱mo̱ng kuya ku ta nar agap yin baꞌ. Ke yin no̱ yin nubo̱mo̱ng'e a tà ka nye yin iren ife yin tana kyem i tsesek yin kaye̱e̱r'e.

aYohana 16:32

Amma izen saase, n be̱ gip ma, yin tana te yin shaam. Koangan tù ku bun kari wu, yin cei tin won yin mi ze̱r. Gip be anong, mi ta se mi ze̱r baꞌ, kamok Ada mi se mak be mi.

aYohana 13:36

Ayong aSiman aBitrus tú rip ye, “Atekasa, wan be ake̱ e̱?” Ne aYeso fe̱ be wu ye, “Yin ta kyem i tseng yin naro̱ kaya mi tù ku be kyo̱o̱rna baꞌ, amma yin tà be̱ yin nama.”

aYohana 13:1

A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.

aYohana 10:28

Mi tu no̱o̱k ba kutser kufe izen izen, ba tà kus baꞌ sam. Aner akak tà kyem a tin shan nubo̱k'i baꞌ.

aMatiyu 26:56

Amma ike̱re̱ na se anong cice̱r, nong a ta shining ike̱re̱ áner kuzarap Adakunom tá fe̱.” Iyong álimazhiri'me cice̱r teng á ta won aYeso.

aYohana 18:7

A bun a tu ku rip ba ye, “Angan ne yin tse̱r yin e̱?” Ayong ba fe̱ ye, “aYeso afu Nazaret.”

aYohana 18:9

A nye anong, nong ase̱ a tá shining rife̱ aYeso tá tsang a fe̱ ye, “Ánerawe áya wan tin no̱o̱k mi n wei be ko azining baꞌ.”