aYohana 18:4 - Izere New Testament

⁴ aYeso tá ren ike̱ng iya i tana ku se̱ cei, ayong a wuruk nong a tá fe̱ be ba ye, “Yin tse̱r yin angan e̱?”

aYohana 18:4 Referans Kwoze

aYohana 13:1

A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.

aYohana 18:7

A bun a tu ku rip ba ye, “Angan ne yin tse̱r yin e̱?” Ayong ba fe̱ ye, “aYeso afu Nazaret.”

Itomong Ámanzo 2:28

Wan n min tonong iren kutser. Wan tin shining be riye̱ rikan nasho̱o̱n wan.’

aYohana 19:28

Nama anong, aYeso tá ren ye kyo̱o̱rna a n gang koakye, nong ase̱ a tá shining ike̱ng iya Kufumung Adakunom tá fe̱ yong aYeso fe̱ ye, “Kuto̱ mi n koor.”

aYohana 13:11

Kamok aYeso tá ren aner aya a tana ku sok a tà no̱o̱k, iyong a fe̱ ye, “Sang cice̱r yin forop baꞌ.”

aYohana 6:64

Gip be anong, ákak yin kuse áfe sang á tin no̱o̱k katsak baꞌ.” Kum ni ime̱se̱ng'e aYeso tsang a ren áya a tin no̱o̱k katsak baꞌ, be aya a tana ku re̱p.

aLuka 24:44

Ne a fe̱ be ba ye, “Ike̱ng mi ta ka tak yin'ong, kum ne mi rusek be yin, ye ma a shining koakye i ta se ni izibir natoon'i kaye̱e̱r Itsi aMusa tá zibir be afumung áner kuzarap Adakunom ne aZabura.”

aMatiyu 26:31

Ayong aYeso fe̱ be ba ye, “Natuk na, yin ta teng yin tin won yin. Kamok i se ni izibir ye, “ ‘Mi tà fe̱r áfek itsamang'e ne itsamang'e te shaam.’

aMatiyu 26:21

Nizen á tá sen ya naya'me, aYeso fe̱ be ba ye, “Katsak ne mi ta ka tak yin, azining kaye̱e̱r yin tin sok a ta no̱o̱k.”

aMatiyu 26:2

“Yin ren yin izen kunye riye̱ rikan aPasova a tu ku won inom ifa ne a nye nizen iyong ne a ta no̱o̱k Igon Anerawe nong a ta tigak.”

aMatiyu 16:21

Kum be izen iyong, aYeso san kufe̱ be álimazhiri wu kanang ye ma wu tseng na aUshalima nong a ta se so̱ iriri risam dide̱ng nibo̱k asho̱n be ágbang atsi ne áner kubo̱so̱p itsi ma a tà ku fe̱r. Nama inom itaar a tà ku dorok be kutser.

1 aBitrus 4:1

Kamok anong, kum aKiristi tá so̱ risam nuro̱m, to̱, yin gip nye yin kanye̱k kuso̱ risam kamok koangan aya ne a so̱ risam nuro̱m tonong ye wu n gang be rine̱n baꞌ.

aYohana 18:5

Ayong á fe̱ be wu ye, “aYeso afu aNazaret.” Ne aYeso fe̱ be ba ye, “Mi na.” (aYahuza aya a tú ku sok a tá no̱o̱k se azong be ba.)