aYohana 18:32 - Izere New Testament

³² I se anong, nong a tá shining ike̱ng aYeso tá tsang a fe̱, a tá fe̱ kuri riku wu tana ku.

aYohana 18:32 Referans Kwoze

aYohana 3:14

Kyo̱ndi aMusa tá sok iwhen naza kaye̱e̱r katse anong ne a tá sok Igon Anerawe naza dim.

aMatiyu 26:2

“Yin ren yin izen kunye riye̱ rikan aPasova a tu ku won inom ifa ne a nye nizen iyong ne a ta no̱o̱k Igon Anerawe nong a ta tigak.”

aMatiyu 20:19

Ne á ku sok á ta no̱o̱k áner aya sang á ta nye áner aYahuda baꞌ, nong á ta nye be wu kye̱re̱, ne á ku whereng ne á ku tigak. Katuk afe ataar a tà dorok be kutser.”

aYohana 8:28

Iyong sak aYeso fe̱ be ba ye, “Nizen yin tana sok yin Igon Anerawe naza, nizen iyong ne yin tà ren yin ye ‘Mi ne i nye,’ yin tà ren yin ye sang mi nye ike̱ng ikak mi ka ma mi baꞌ, amma ike̱ng iya Ada'me tin bo̱so̱p'e ne mi fe̱ tsek.

aMarkus 10:33

Ayong a fe̱ be ba ye, “Yir ngarak yir i be yir na aUshalima, a ta se no̱o̱k Igon Anerawe nubo̱k ágbang átsi be áner kubo̱so̱p Itsi. A tù ku to̱ amok riku, ne a ku won nubo̱k áner aya sang á ta aner aYahuda baꞌ.

aGalati 3:13

aKiristi ti shesh yir kaye̱e̱r kufiming afe i tá be yir kamok Itsi, be kute aner a tu ku fiming kamok yir. I se ni izibir ye, “Koangan afe a tu ku tigak, a tú fiming.”

Itomong Ámanzo 7:59

Nizen iya á tá san ku barak be ata ne Itifanus nye aduwa a tá fe̱ ye, “aYeso Agwo̱m Ágwo̱m, shan kutser'i.”

aYohana 10:33

Áner aYahuda ame fe̱ ye, “Ei, sang kamok itomong itek wan tá nye ne yir sen ka barak yir baꞌ, amma kamok kuzhe̱e̱sh wan tá nye Adakunom'me. Wan nye anerawe tsek, amma wan sok rice wan ye wan nye Adakunom.”

aYohana 10:31

Áyong aner aYahuda ame bun á bo̱s ata nibo̱k nong á tin barak aYeso.

aYohana 13:18

“Sang natoon yin cice̱r ne mi ti fe̱ baꞌ, mi ren áya mi tá kasa. Amma iyu se anong, nong a ta shining rife̱ kufumung aZabura ta fe̱ ye, ‘Aya a tá ya naya mi ne a bun a ti bun ni mi.’

aYohana 18:31

Ne aBilatus fe̱ be ba ye, “Tseng yin be wu be rice yin nong tú ku to̱ yin amok be itsi yin'e.” Amma áner aYahuda ame fe̱ ye, “A ti no̱o̱k yir iren ku te̱n akak amok riku baꞌ.”

aYohana 21:19

aYeso fe̱ anong, nong a ta tonong kuri riku aBitrus tana ku nong a tin tiyiik Adakunom. Nama rife̱ na, aYeso fe̱ be aBitrus ye, “Ni kuus!”