aYohana 18:17 - Izere New Testament

¹⁷ Kanamang ka ta se be kutor kanukutu'me rip aBitrus ye, “Katsak'e wan nye azining kaye̱e̱r álimazhiri aner na a'a?” Ne aBitrus fe̱ ye, “Wayo, mi nye akak baꞌ?”

aYohana 18:17 Referans Kwoze

aYohana 21:15

Nizen iya á tá gang iya azhibi ame, yong aYeso rip aSiman Bitrus ye, “aSiman igon aYohana, wan ti shim katsak ne i nar ribir áfudang wan a?” Ayong aBitrus fe̱ be wu ye, “Ei, aYeso, wan nye Agwo̱m Ágwo̱m, wan ren mi ka shim.” Yeso fe̱ be wu ye, “To̱, nyesek naban áturuk'i naya.”

aYohana 18:25

aSiman Bitrus ta se be ifok kuro̱ng wu ame nunyeseng yong akak tú ku rip ye, “Katsak'e wan nye azining kaye̱e̱r álimazhiri wu ba a?” Ayong aBitrus ton'e, a tá fe̱ ye “Wayo, mi nye akak baꞌ.”

aYohana 18:16

Amma aBitrus nyeseng nufang nanukutu'me. Alimazhiri aya agbang atsi tú ku ren ame tú ku bun, a ta fe̱ be kanamang ka tá nye itomong azong ye a ra no̱ be aBitrus kaye̱e̱r'e.

aLuka 22:54

Iyong á yiir aYeso'me, á tá tseng'e nasa agbang atsi. aBitrus tsang a ku kuus ba gugo̱k.

aMatiyu 26:33

Ayong aBitrus fe̱ be wu ye, “Ko ba teng cice̱r, mi tà teng baꞌ.”

Itomong Ámanzo 12:13

aBitrus tá fa rus kanukutu kafe kufang yong kanamang kakak ka tá nye asam riyerek wu ta nye aRoda be̱ ka shim.

aYohana 18:8

Ayong aYeso fe̱ be ba ye, “Mi ta tak yin ye mi ne i nye wu ne̱. Ke yin ti tse̱r yin, to̱, won yin ánerawe na tá tseng.”

aYohana 18:5

Ayong á fe̱ be wu ye, “aYeso afu aNazaret.” Ne aYeso fe̱ be ba ye, “Mi na.” (aYahuza aya a tú ku sok a tá no̱o̱k se azong be ba.)