aYohana 18:11 - Izere New Testament

¹¹ Amma aYeso fe̱ be aBitrus ye, “Kute itsor wan nubas wu. Mi ta so̱ ako̱p risam aya Ada tin no̱o̱k aꞌa?”

aYohana 18:11 Referans Kwoze

aMatiyu 26:39

Nizen aYeso tá tseng nasho̱o̱n cie̱k, ne a tigbok akuur a ta te akace a ta nye aduwa ye, “Ada, ke i ta se gye̱r, ne wan sok ako̱p risam na rice mi, amma sang ike̱ng iya mi ta shim baꞌ, iya wan ta shim.”

aMatiyu 20:22

Amma aYeso fe̱ be ba ye, “Yin ren yin ike̱ng yin ta tse̱r yin baꞌ. Yin ta kyem i so̱ yin na ako̱p mi tanin so̱ a?” Ba tú ku shim'e ye, “Yir ta kyem yir.”

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

aYohana 15:10

Ke yin kuus yin Itsi mi, yin tà sor yin kaye̱e̱r kushim'i, kyo̱ndi mi tá kuus Itsi Ada mi ne i sor kaye̱e̱r kushim wu.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

2 aKoranti 10:4

Ike̱re̱ itsom iya yir tin ko̱n yir nye kuri ife kazatse baꞌ. Wayo, i nye ife i ta be kukyem Adakunom, iya i tana kyem i yirik koakye kuri ikpaar ámudo̱n yir.

aLuka 22:42

“Ada, ke wan shim ne i ni sok risam na, amma sang i tu nye kushim'i baꞌ, ike̱ng iya wan ta shim.”

aMatiyu 26:42

Ayong a bun a tú ku bun i nye aduwa'me afe afa ne a fe̱ ye, “Ada, ke risam na ta kyem ri tin gor baꞌ, to̱, ne wan nye ike̱ng iya wan ta shim.”

2 aKoranti 6:7

be kufe̱ katsak ne kusor kaye̱e̱r kukyem Adakunom be ares itsom afe kuse kutek nubo̱k riya ne rimen.

aYohana 18:36

Ayong aYeso fe̱ be wu ye, “Rigwo̱m'i nye rife̱ kazatse na baꞌ. A fa fe̱ ye ri nye rife̱ kazatse na ke áfe a tin nye itomong kon nong á ta te̱ne̱ng áner aYahuda ku ni yiir. Amma kyo̱o̱rna rigwo̱m mi se naro̱ kakak.”

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

aLuka 12:30

Kamok áfurin kuus ike̱ng kuri iyong cice̱r gip, Ada yin ren ye yin tse̱r yin ike̱re̱'ong.