aYohana 17:9 - Izere New Testament

⁹ Mi nye aduwa kamok ba. Sang kamok ánerawe kazatse ne mi ti nye aduwa na baꞌ, amma mi nye aduwa'me kamok áfe wan tá min no̱o̱k, kamok ba nye afuan.

aYohana 17:9 Referans Kwoze

Ibrani 9:24

Kamok sang aKiristi no̱ naro̱ itomong atsi anerawe ta nye i tá tas ife kaza baꞌ. A no̱ kaye̱e̱r kaza, azong ne a se nasho̱o̱n Adakunom kamok yir.

aYohana 17:2

Kamok wan tú ku no̱o̱k rigwo̱m natoon ánerawe cei, nong a ta no̱o̱k aya wan tú ku no̱o̱k cice̱r, kutser kufe izen izen.

aYohana 17:6

“Mi n sak ánerawe áfe wan tin no̱o̱k nazatse ma ka ren. Á nye áfuan, wan ne i tú sok ba i tin no̱o̱k. Ba ma kuus rife̱ wan.

aYohana 17:20

“Aduwa mi se kamok awan ba tsek baꞌ Amma mi nye aduwa kamok áya a tanin no̱o̱k katsak ni mi gip, kamok rife̱ ba.

aLuka 22:32

Amma mi ma ka nye aduwa, fan wan bu won kuno̱o̱k katsak wan. Nizen iya wan tu bun nunaan ne i tsesek áfudang wan.”

1 aYohana 5:19

Yir ren yir ye yir nye yir inoon Adakunom ne Ishetan ninye rigwo̱m nazatse na.

aYohana 14:16

Mi tà nye Ada'me izong nong a tà ka no̱o̱k yin Aner Kutobok ne a sor tà mak be yin ma izen izen.

Ike̱ng a ta tonong aYohana 20:15

Koangan afe a ta se̱ riyerek wu kaye̱e̱r kufumung kutser'e baꞌ, a tú barak kaye̱e̱r icen kuro̱ng ame.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

aLuka 8:34

Áfe a tá sen ni sak riye̱ na álade'me tá fa di anong, ne á teng nong á tá se taas'e kaye̱e̱r kuwo̱p ne ni iwo̱p izhizhe̱k'e i ta se bubarak.

aLuka 23:34

Ne aYeso fe̱ ye, “Ada, ku re̱ng ba'me, kamok á ren ike̱ng ba ta nye baꞌ.” Ne á kasap ares wu be ku ni barak ica ikiriwhe̱r.

aYohana 6:37

Koangan afe Ada tin no̱o̱k, a tà be̱ nunaan. Aner aya afe a ta be̱ nunaan, mi tù ku ro baꞌ.

aYohana 6:39

Kushim aya afe a tin tom se ye, sang mi tu wei be azining kaye̱e̱r aya wu tá min no̱o̱k baꞌ, amma ye i ra ka dorok ba katuk igang'e.