aYohana 17:6 - Izere New Testament

⁶ “Mi n sak ánerawe áfe wan tin no̱o̱k nazatse ma ka ren. Á nye áfuan, wan ne i tú sok ba i tin no̱o̱k. Ba ma kuus rife̱ wan.

aYohana 17:6 Referans Kwoze

aYohana 17:26

Mi n sak ba tá ma ka ren, mi tà ya kasho̱o̱n be ku sak ba tà ka ren, nong ase̱ ba gip á tà se̱ kuri kushim kuya wan tin shim nong mi be rice mi gip ta se kaye̱e̱r ba.”

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aYohana 6:37

Koangan afe Ada tin no̱o̱k, a tà be̱ nunaan. Aner aya afe a ta be̱ nunaan, mi tù ku ro baꞌ.

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

aYohana 17:2

Kamok wan tú ku no̱o̱k rigwo̱m natoon ánerawe cei, nong a ta no̱o̱k aya wan tú ku no̱o̱k cice̱r, kutser kufe izen izen.

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

aYohana 15:19

Ke a fa fe̱ ye yin nye yin áfe kazatse, ke kazatse ta shim yin kamok yin ta nye yin áfu. Kyo̱ndi i ta se, yin nye yin áfe kazatse baꞌ, amma mi ma ka kasa yin kaye̱e̱r áfe kazatse. Iyong ne i sak kazatse ta ka rayin yin.

Ike̱ng a ta tonong aYohana 3:8

Mi ren kunye wan. Di, mi ma ka won kanukutu kuye̱ kaya sang akak tana kyem a whe̱e̱n baꞌ. Mi ren wan mak i be agap baꞌ, gip be anong wan kuus rife̱ mi sang wan min ton baꞌ.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

aYohana 15:7

Ke yin sor kaye̱e̱r'i ne rife̱ mi se kaye̱e̱r yin, yin tà rip yin koakye ike̱ng yin ta shim yin, a tà ka nye yin'e.

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Ibrani 2:12

A fe̱ ye, “Mi tà fe̱ itak riyerek wan nasho̱o̱n áronyining'i, mi tà ka kerek be abom, nasho̱o̱n rigwo̱m ánerawe wan.”

2 aTimoti 1:13

Yiir kuri kubo̱so̱p na kufe katsak kuya wan tá fok nunaan, i tu sor ike̱ng wan tanin nye kumaas. Yiring ta sor kaye̱e̱r kuno̱o̱k katsak ne kushim kuya wan ta be kaye̱e̱r aYeso Kiristi.

aKolosi 3:16

Won rife̱ aKiristi tu nyeseng be agap dide̱ng kaye̱e̱r aye̱ yin, ne i naka bo̱so̱p yin'e, ne i naka nyesek yin ibo̱ro̱ng, be koakye kuri kukyem, ne i bom yin abom aZabura, ne i kerek yin Adakunom, ne i bom yin abom afe a ta nye afe Kabik, ne i nye yin riye̱ rikan kaye̱e̱r aye̱ yin be Adakunom.

aRom 11:2

Adakunom gaar ánerawe wu baꞌ, áya wu tá tsang a ren. Yin ren yin ike̱ng iya kufumung Adakunom tá fe̱ natoon Iliya nizen a ta tos kanak nasho̱o̱n Adakunom kamok kuse áner Isarela aꞌa?

Itomong Ámanzo 13:48

Áner áya a ta nye áner aYahuda baꞌ ta fa fok anong ne aye̱ ba kare̱p ne á tiyiik rife̱ Adakunom. Áner áya Adakunom ta tsang a kasa nong á ta se̱ kutser kufe izen izen ti no̱o̱k katsak.

aYohana 18:9

A nye anong, nong ase̱ a tá shining rife̱ aYeso tá tsang a fe̱ ye, “Ánerawe áya wan tin no̱o̱k mi n wei be ko azining baꞌ.”

aYohana 17:16

Ba nye afe kazatse baꞌ, kyo̱ndi mi ta nye afe kazatse baꞌ.

aYohana 17:14

Mi mak no̱o̱k ba rife̱ wan yong kazatse tú raba ba, kamok ba nye áfe kazatse baꞌ, kyo̱ndi mi ta nye afe kazatse baꞌ.

aYohana 15:3

Kyo̱o̱rna yin se yin zhe̱l kamok rife̱ mi tá fe̱ be yin.

aYohana 12:28

Ada, tiyiik riyerek wan.” Iyong kuto̱ ne naza ye, “Mi mu ku tiyiik, mi tà bun i ku tiyiik gbak.”

aYohana 6:39

Kushim aya afe a tin tom se ye, sang mi tu wei be azining kaye̱e̱r aya wu tá min no̱o̱k baꞌ, amma ye i ra ka dorok ba katuk igang'e.

aYohana 1:18

Aner akak kun di Adakunom baꞌ. Amma asuze̱r ke Igon wu tsek, aya a ta se rifam Atek wu, ne a sak yir tú ku ren yir.

1 aBitrus 1:1

Mi, aBitrus, amanzo aYeso aKiristi yin áya i ta se yin kyo̱ndi átsen kaye̱e̱r kazatse, áya a ta ka kasa yin i ta te yin shaam koakye niben aPontus be aGalati ne aKapadokiya be Asiya ne niben aBitiniya.

aYohana 8:51

Katsak'e ne mi ta ka tak yin, aner aya ne a kuus rife̱ mi, a tà ku baꞌ sam.”

aYohana 8:52

Ayong áner aYahuda'me fe̱ be wu ye, “Kyo̱o̱rna yir ren yir ye wan be amaan kabik! Ibrahim be áner kuzarap Adakunom gip á kus, ne wan ra fe̱ ye, ‘Aner aya a ta ka kuus a tà ku baꞌ.’

aYohana 17:7

Kyo̱o̱rna ba ren ye koakye wan ta min no̱o̱k ne nufuan.

aYohana 17:12

Nizen iya mi tá se be ba, mi tú ku fek ba, ne mi ni sak riye̱ ni ba be riyerek riya wan tin te'me. Akak wei baꞌ, ma ke azining kaye̱e̱r ba aya a tá te kpe̱de̱ng nong ase̱ a tá shining Kufumung Rife̱ Adakunom.

Ike̱ng a ta tonong aYohana 3:10

Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.