aYohana 17:26 - Izere New Testament

²⁶ Mi n sak ba tá ma ka ren, mi tà ya kasho̱o̱n be ku sak ba tà ka ren, nong ase̱ ba gip á tà se̱ kuri kushim kuya wan tin shim nong mi be rice mi gip ta se kaye̱e̱r ba.”

aYohana 17:26 Referans Kwoze

aYohana 17:23

Mi sor kaye̱e̱r ba ne wan kaye̱e̱r'i. Won ba tù gung rice dide̱ng, nong ase̱ kazatse tà ren ye wan ti tom, ne ka ren ye mi tú shim ba kyo̱ndi wan tin shim.

aYohana 17:6

“Mi n sak ánerawe áfe wan tin no̱o̱k nazatse ma ka ren. Á nye áfuan, wan ne i tú sok ba i tin no̱o̱k. Ba ma kuus rife̱ wan.

aYohana 15:9

“Kyo̱ndi Ada'me tin shim anong ne mi ma ka shim yin. To̱, sor yin kaye̱e̱r kuri kushim kuya mi ta ka kushim yin.

Ibrani 2:12

A fe̱ ye, “Mi tà fe̱ itak riyerek wan nasho̱o̱n áronyining'i, mi tà ka kerek be abom, nasho̱o̱n rigwo̱m ánerawe wan.”

aYohana 15:15

Mi tà ba ka yis yin ye ásam baꞌ, kamok asam ren kuto̱ro̱ng atekasa wu baꞌ. Mi ta ka yis yin ye áferime̱ mi makong, kamok koakye ike̱ng iya mi tá bo̱so̱p nufe Ada mi, mi ma ka taas yin.

aYohana 14:20

Katuk'ong ne yin tà ren yin ye mi be Ada mi yir se yir azining, ne mi ma te azining be yin.

aYohana 15:4

Sor yin kaye̱e̱r'i, ne mi ma kaye̱e̱r yin. Kyo̱ndi iwhang'e ikak tana kyem i tes a wan wu baꞌ, ma ke i se mak be kakon'e, anong ne yin ta kyem yin baꞌ ma yir sor kaye̱e̱r'i.

Afisa 5:32

Iyuna nye agbang ike̱ng i tana ro̱ yin tana ren yin, amma mi ti fe̱ natoon aKiristi be áfikuus.

Afisa 5:30

Yir ta nye yir ikap kuro̱m wu.

aYohana 14:23

aYeso fe̱ be wu ye, “Koangan afe a tin shim a tà kuus ike̱ng iya mi tá bo̱so̱p. Ada mi tù ku shim, ne yir be yir nufu ne i sor yir mak be wu.

aYohana 8:50

Mi tse̱r kuyiik kamok rice mi baꞌ. Aner akak kuse a tin tse̱r'e, wu ne a nye aner amok'e.

1 aYohana 3:24

Koangan afe a ta kuus ike̱ng iya itsi Adakunom tá fe̱ a se kaye̱e̱r Adakunom'me ne Adakunom se kaye̱e̱r wu. Yir ren yir ye Adakunom se mak be yir be Kabik Kazhe̱l'e a tin no̱o̱k yir.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

aKolosi 3:11

Kamok anong sang tu ye̱re̱k yin ye áner aYahuda se ze̱e̱r be áner aya sang á ta won dar á nye áner aYahuda baꞌ. Áya a tá mu ku nye ba izhak ka áya a tá won dar a ka nye ba izhak baꞌ. Aner aya a ta nye kye̱re̱ se ze̱e̱r be aner aya a ta won dar a karak rice baꞌ. Asam se ze̱e̱r be igon kari baꞌ, kamok aKiristi ne a nye koakye ne a se kaye̱e̱r koakye.

aKolosi 2:10

be anong ne yin shining yin kamok yin ta sor yin kaye̱e̱r wu. Wu ne a nye ako̱k kasho̱o̱n koakye kuri kukyem ne koakye kuri rigwo̱m.

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

Afisa 3:17

nong ase̱ aKiristi ta sor kaye̱e̱r aye̱ yin kamok kuno̱o̱k katsak yin. Mi nye aduwa ye, kushim ta nyeseng be agap kaye̱e̱r aye̱ yin. Won kushim tu nye ritin'e,

Afisa 1:6

A nye anong, nong yir tà kerek yir kuyiik ritek wu, riya wu tin no̱o̱k yir nawarak kamok Igon wu kaya wu ta shim.

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

1 aKoranti 12:12

Kyo̱ndi kuro̱m ánerawe ta se agung'e kuzining be ikap ze̱r ze̱r, ikap ze̱r ze̱r amma kuro̱m se kuzining. To̱, aKiristi se anong.

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

aRom 8:10

Amma ke aKiristi sor kaye̱e̱r yin, yin ta kus yin kamok rine̱n, amma kabik yin nye katser kamok yin se yin gye̱r nasho̱o̱n Adakunom.

aYohana 6:56

Koangan afe a ta ya rinam kuro̱m mi ne a so̱ naso̱k'i, ne a sor kaye̱e̱r'e ne mi sor kaye̱e̱r wu.

aYohana 17:8

Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.