aYohana 17:25 - Izere New Testament

²⁵ “Ada, Wan nye azhe̱l'e, kazatse tá ka ren baꞌ gye̱r tatan, amma mi tá ren. Á ren ye wan ne i ti tom.

aYohana 17:25 Referans Kwoze

aYohana 17:11

Mi saase nufuan, mi tà ba sor nazatse na baba baꞌ. Amma ba ruresek kaye̱e̱r kazatse na nizham. Ada Azhe̱l'e, ku fek ba be riyerek wan rife̱ kukyem, riyerek riya wan tin no̱o̱k, nong ba tà sor azining kyo̱ndi mi ta se be wan.

aYohana 17:8

Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.

aYohana 15:21

Ba tà nye be yin anong kamok riyerek'i, kamok ba ren aya a tin tom baꞌ.

aYohana 7:29

Mi tú ku ren kamok mi ne nufu, wu ne a ti tom.”

aYohana 16:27

Wayo, Ada'me ta shim yin be rice wu, kamok yin ti shim yin ne i no̱o̱k yin katsak ye, mi ne nufe Adakunom.

Ibrani 8:11

Akak tà ba bo̱so̱p afegbak wu'me baꞌ. Akak tà ba bo̱so̱p aronyining wu'me ne a fe̱ ye, ‘Ren Adakunom’ baꞌ, kamok koangan tin ren, inoon'e ba asho̱n'e cei.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

aYohana 10:15

Kyo̱ndi Ada'me tin ren, anong ne mi ren Ada'me. Mi no̱o̱k rice mi kamok itsamang'me.

aYohana 8:55

Yin tu ren yin baꞌ, amma mi tu ku ren. Ke mi fe̱ ye mi tu ku ren baꞌ, i nye ye mi nye aner abo̱o̱s kyo̱ndi yin, amma mi tu ku ren ne i kuus rife̱ wu.

aLuka 10:22

“Ada, mi n won koakye nubo̱k wan. Akak ren Igon'e baꞌ, ma Ada'me tsek. Akak ren Ada'me baꞌ, ma Igon'e be áya Igon'e ta shim a tu ku ren ba.”

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

1 aYohana 1:9

Amma ke yir taas yir Adakunom rine̱n yir, a tin re̱ng yir'e kamok wu be katsak ne a be kuse kutek, ne a ni kusu yir kaye̱e̱r koakye ike̱ng imaan'e.

2 aTasalonika 1:8

A tà nees áya a tá raba Adakunom ne á gaar kukuus Rife̱ Ritek Agwo̱m Ágwo̱m yir aYeso.

1 aKoranti 15:34

Kubun yin kaye̱e̱r kuto̱ro̱ng yin kutek, won yin kunye rine̱n. Ákak yin ren Adakunom baꞌ. Mi fe̱ iyu nikum tà fok yin isum.

1 aKoranti 1:21

Be kukyem Adakunom, ánerawe nazatse na kyem a tu ren be kukyem kufe rinerawe baꞌ. Adakunom di i tu se gye̱r a tà shesh aya a ti no̱o̱k katsak ni wu be iren kutaas Rife̱ Ritek riya a ta di kyo̱ndi rifunam.

aRom 3:26

Be anong ne Adakunom tonong nizen na ye wu be rice wu nye aner katsak ne kuse kutek, nong a ta tonong katsak'e ne a sak koangan afe a tin no̱o̱k katsak na aYeso a ta te aner a ta se gye̱r nasho̱o̱n wu.

aRom 3:11

Akak kuse a ta se̱ rikpa'me baꞌ, akak kuse a ta tse̱r Adakunom baꞌ.

aRom 1:28

Kum ánerawe'me ta gaar kushan Adakunom, Adakunom tú ku won ba kaye̱e̱r amaan kuto̱ro̱ng ba yong a ma tsang a nye ike̱re̱ iya i tá taas ke ba nye baꞌ.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

Itomong Ámanzo 17:23

Kamok nizen iya mi tá tseng i gorok kaye̱e̱r kaben'e. Mi di abagadi akak a ta min zibir ye: KAMOK ADAKUNOM AYA SANG A TU KU REN BAꞌ. To̱, wu aya yin tu ku ya yin iben amma sang yin ra ku ren yin baꞌ, wu ne mi shim ta ka tak yin.

aYohana 17:23

Mi sor kaye̱e̱r ba ne wan kaye̱e̱r'i. Won ba tù gung rice dide̱ng, nong ase̱ kazatse tà ren ye wan ti tom, ne ka ren ye mi tú shim ba kyo̱ndi wan tin shim.

aYohana 17:21

Ada, aduwa mi se ye, ba ra te azining cice̱r, kyo̱ndi wan ta se azining be mi ne mi ma se azining be wan. Won ba gip á tu te azining be yir. Be anong ne kazatse tin no̱o̱k katsak ye wan ne i ti tom.

aYohana 17:18

Kyo̱ndi wan tin tom kaye̱e̱r kazatse, anong ne mi ka tom ba kaye̱e̱r kazatse.

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

aYohana 16:30

Kyo̱o̱rna ne yir ma ren yir ye wan ren koakye, sang ma akak tá rip baꞌ. Iyuna sak yir ti no̱o̱k yir katsak ye wan ne nufe Adakunom.

aYohana 16:3

Á tà nye ike̱re̱ iyong kamok sang ba n ren Ada ka mi baꞌ.

aYohana 8:19

Ayong á tú ku rip ye, “Ada wan'e se ake̱ e̱?” aYeso fe̱ be ba ye, “Yin ti ren yin baꞌ, yin bun i ren yin Ada mi baꞌ. Yin fa ni ren yin ke yin ren yin Ada mi gip.”

aYohana 6:19

Nama ba tá tseng kyo̱ndi akilomita atoon ka igataar ana, ba di aYeso tá sen tseng natoon ashi, a tseng a be nabas kukpara ashi'me, yong ba fok inyim dide̱ng.

aYohana 3:17

Kamok sang Adakunom tom Igon wu kaye̱e̱r kazatse nong a tà be̱ a to̱ kazatse amok baꞌ, amma nong kazatse tin se̱ kashesh ni wu.

aYohana 1:18

Aner akak kun di Adakunom baꞌ. Amma asuze̱r ke Igon wu tsek, aya a ta se rifam Atek wu, ne a sak yir tú ku ren yir.

aMatiyu 16:16

Ayong aBitrus fe̱ be wu ye, “Wan ne i nye aKiristi, Igon Adakunom afe kuter.”

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

Ike̱ng a ta tonong aYohana 16:5

Iyong mi fok amaleka aya a tin sak riye̱ nashi tá fe̱ ye, “Amok na áya wan tan te̱n se gye̱r, wan afe i ta se gbugbang ne i bun i ku se kyo̱o̱rna. Wan nye Azhe̱l'e, kamok wan tá to̱ amok gye̱r.