aYohana 17:24 - Izere New Testament

²⁴ “Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

aYohana 17:24 Referans Kwoze

aYohana 17:5

To̱, kyo̱o̱rna Ada, ni tiyiik be kuyiik kuya mi tá be nasho̱o̱n wan nizham a tá ra nye kazatse.

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

aYohana 14:3

Ke mi tseng i ta se ka nye yin karo̱'me, mi tà bun i be̱ ta ba ka sok yin nong tà se yin mak be mi. Yin ta se yin naro̱ mi tana ku se gip.

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

1 aYohana 3:2

Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.

2 aKoranti 3:18

Yir áfe sang a ta kis anyisi yir baꞌ, yir tosong yir kuyiik Agwo̱m Ágwo̱m yir kyo̱ndi amadobi, ne a ni shishing yir nong ta te yir kyo̱ndi wu, kuyiik natoon kuyiik kuya ku ta nes nufe Agwo̱m Ágwo̱m a ta nye Kabik.

aMatiyu 25:21

“Ne atekasa wu ame fe̱ be wu ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi tà ka no̱o̱k itomong iya i ta nar iyong. Wan ta nye riye̱ rikan mak be mi.’

1 aTasalonika 4:17

Nama anong, yir áya i ta rusek yir be kutser tà dorok yir naza nong tà nyim yir mak be ba kaye̱e̱r ane̱n naza nong tà sor yir be Agwo̱m Ágwo̱m yir ma izen izen.

aLuka 12:37

I ta sor ike̱ng riye̱ rikan ke atekasa'me be̱ ku se̱ ba an mereng ida baꞌ. Katsak'e ne mi tá ka tak yin, a tu ku sak ba á ta sosok ne a tun ares wu nong a tu ku no̱o̱k ba naya.

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

1 aKoranti 13:12

Kyo̱o̱rna ike̱re̱ yir ta ye̱re̱k yir se kanang baꞌ. Katuk kayong yir ta ye̱re̱k yir koakye kanang. Kyo̱o̱rna kuren ike̱ng'i shining baꞌ, katuk'ong mi tà ren koakye kyo̱ndi Adakunom tin ren.

aMatiyu 26:29

Won ta ka tak yin, mi ta ba so̱ ashi anap na baꞌ, ma katuk afe mi tana so̱ akak afas mak be yin kaye̱e̱r rigwo̱m Ada mi.”

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aFilipi 1:23

I ti ro̱ ta kasa izining kaye̱e̱r'e, amma kushim mi nye ke i ku nong tà sor be aKiristi, iyong ti nar dide̱ng.

2 aKoranti 5:8

Katsak'e, yir be yir agak riye̱ baꞌ. Yir nar kushim ta kam yir kuro̱m na nong ta sor yir mak be Agwo̱m Ágwo̱m kaye̱e̱r kaza.

aLuka 23:43

aYeso fe̱ be wu ye, “Won ta ka tak katsak'e, katuur wan tà se mak be na aParadis.”

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

Ike̱ng a ta tonong aYohana 21:22

Mi di agbang kutu kuya Adakunom iben kaye̱e̱r agbang kuwo̱p'e baꞌ, kamok Ada Adakunom ayiik'e ne Aturuk'e ne a nye agbang kutu kuya Adakunom iben'e.

aMatiyu 25:23

“Ne atekasa wu'me fe̱ ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi ta ka no̱o̱k itomong iya i ta nar iyong. Wan ta nye riye̱ rikan mak be mi.’

aYohana 6:37

Koangan afe Ada tin no̱o̱k, a tà be̱ nunaan. Aner aya afe a ta be̱ nunaan, mi tù ku ro baꞌ.

aYohana 6:39

Kushim aya afe a tin tom se ye, sang mi tu wei be azining kaye̱e̱r aya wu tá min no̱o̱k baꞌ, amma ye i ra ka dorok ba katuk igang'e.

aYohana 8:58

aYeso fe̱ be ba ye, “Katsak'e ne mi ta ka tak yin, nizham a tá ra tes Ibrahim ‘Mi Nye I Nye.’ ”

aYohana 15:9

“Kyo̱ndi Ada'me tin shim anong ne mi ma ka shim yin. To̱, sor yin kaye̱e̱r kuri kushim kuya mi ta ka kushim yin.

aYohana 17:2

Kamok wan tú ku no̱o̱k rigwo̱m natoon ánerawe cei, nong a ta no̱o̱k aya wan tú ku no̱o̱k cice̱r, kutser kufe izen izen.

aYohana 17:22

Mi ma ka no̱o̱k ba kuyiik afe wan tin no̱o̱k, nong ase̱ ba tà te azining kyo̱ndi yir ta se yir be wan.

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.