aYohana 17:23 - Izere New Testament

²³ Mi sor kaye̱e̱r ba ne wan kaye̱e̱r'i. Won ba tù gung rice dide̱ng, nong ase̱ kazatse tà ren ye wan ti tom, ne ka ren ye mi tú shim ba kyo̱ndi wan tin shim.

aYohana 17:23 Referans Kwoze

aYohana 17:21

Ada, aduwa mi se ye, ba ra te azining cice̱r, kyo̱ndi wan ta se azining be mi ne mi ma se azining be wan. Won ba gip á tu te azining be yir. Be anong ne kazatse tin no̱o̱k katsak ye wan ne i ti tom.

aYohana 16:27

Wayo, Ada'me ta shim yin be rice wu, kamok yin ti shim yin ne i no̱o̱k yin katsak ye, mi ne nufe Adakunom.

1 aYohana 3:1

Ye̱re̱k yin ta di yin kuri kushim Adakunom tin shim yir ma a ti yis yir ye inoon wu. Ike̱ng yir ta nye yir'ong! Kazatse ti ren yir baꞌ, kamok ba tu ren baꞌ.

aYohana 13:35

Be anong ne koangan tá ren ye yin nye yin álimazhiri mi ke yin naka shim yin.”

1 aYohana 1:3

Yir sen ka taas yin rife̱ natoon aya yir tá di yir ne yir ku fok yir, nong ase̱ yir tà te yir kyo̱ndi aner azining ne kusor yir se kuzining be Adakunom a ta nye Ada'me ne Igon wu aYeso Kiristi.

1 aBitrus 5:10

Nama yin so̱ yin risam nizen cie̱k, Adakunom aya a ta be ritek cice̱r aya a tá ka yis yin nong ta se̱ yin kuyiik wu kufe izen izen kaye̱e̱r aKiristi be rice wu tà ka sak yin ta se yin gye̱r ne a ka tsesek yin ne a ka sak yin ta nyeseng yin be agap dide̱ng.

aKolosi 3:14

Natoon ike̱re̱'ong, nibarang yin kushim iyong ne i gung ike̱re̱'me cice̱r kaye̱e̱r kugung rice kutek.

aYohana 17:26

Mi n sak ba tá ma ka ren, mi tà ya kasho̱o̱n be ku sak ba tà ka ren, nong ase̱ ba gip á tà se̱ kuri kushim kuya wan tin shim nong mi be rice mi gip ta se kaye̱e̱r ba.”

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

aYohana 14:23

aYeso fe̱ be wu ye, “Koangan afe a tin shim a tà kuus ike̱ng iya mi tá bo̱so̱p. Ada mi tù ku shim, ne yir be yir nufu ne i sor yir mak be wu.

aYohana 14:10

Wan ti no̱o̱k katsak ye mi se kaye̱e̱r Ada'me, ne Ada'me se kaye̱e̱r'i aꞌa? Rife̱ mi tá fe̱ be yin nye rife̱ rice mi baꞌ, Ada'me afe a ta se kaye̱e̱r'i ne a sen nye itomong wu.

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.

aFilipi 3:15

Kamok anong, yir áya i tan te yir ánerawe cice̱r kaye̱e̱r kabik, kuto̱ro̱ng yir ra se anong. Amma ke akak yin be kuto̱ro̱ng kukak ze̱e̱r, to̱, Adakunom tà ka tonong yin.

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

aYohana 6:56

Koangan afe a ta ya rinam kuro̱m mi ne a so̱ naso̱k'i, ne a sor kaye̱e̱r'e ne mi sor kaye̱e̱r wu.

aYohana 3:17

Kamok sang Adakunom tom Igon wu kaye̱e̱r kazatse nong a tà be̱ a to̱ kazatse amok baꞌ, amma nong kazatse tin se̱ kashesh ni wu.

1 aYohana 4:19

Yir shim yir Adakunom kamok wu ne a san ku ni shim yir.

aKolosi 1:28

Iyong ne i sak yir ta taas yir itak aKiristi, yir kpam yir koangan ne ibo̱so̱p yir ánerawe'me be koakye kuri kukyem yir nong ta tseng yir be koangan mumak kaye̱e̱r aKiristi.

aYohana 10:38

Amma ke iyong ne mi nye, ko ke yin tin no̱o̱k katsak ni mi baꞌ, ni no̱o̱k yin katsak ni itomong'e. Nong ase̱ ta ren yin ye Ada'me se kaye̱e̱r'i ne mi se kaye̱e̱r Ada'me.”

aYohana 15:9

“Kyo̱ndi Ada'me tin shim anong ne mi ma ka shim yin. To̱, sor yin kaye̱e̱r kuri kushim kuya mi ta ka kushim yin.

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

aYohana 17:8

Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.

aYohana 17:11

Mi saase nufuan, mi tà ba sor nazatse na baba baꞌ. Amma ba ruresek kaye̱e̱r kazatse na nizham. Ada Azhe̱l'e, ku fek ba be riyerek wan rife̱ kukyem, riyerek riya wan tin no̱o̱k, nong ba tà sor azining kyo̱ndi mi ta se be wan.

Ike̱ng a ta tonong aYohana 3:9

Mi tà sak áner Ishetan, áya a tá fe̱ ye ba nye áner aYahuda, amma sang á ra nye baꞌ, á be abo̱o̱s, mi tà ka sak ba á ta be̱ kpas natak wan ne á ren ye mi ta shim.