aYohana 17:22 - Izere New Testament

²² Mi ma ka no̱o̱k ba kuyiik afe wan tin no̱o̱k, nong ase̱ ba tà te azining kyo̱ndi yir ta se yir be wan.

aYohana 17:22 Referans Kwoze

2 aKoranti 3:18

Yir áfe sang a ta kis anyisi yir baꞌ, yir tosong yir kuyiik Agwo̱m Ágwo̱m yir kyo̱ndi amadobi, ne a ni shishing yir nong ta te yir kyo̱ndi wu, kuyiik natoon kuyiik kuya ku ta nes nufe Agwo̱m Ágwo̱m a ta nye Kabik.

aYohana 14:20

Katuk'ong ne yin tà ren yin ye mi be Ada mi yir se yir azining, ne mi ma te azining be yin.

aYohana 1:16

Kaye̱e̱r ritek wu ri ta se dide̱ng ne yir cice̱r se̱ yir ritek natoon ritek.

Afisa 2:20

A tá sak yin cice̱r natoon ritin'e, riya ámanzo be áner kuzarap tá no̱k. aYeso aKiristi be rice wu ne a nye atuk agbang kuta itsik ribor'e.

1 aYohana 3:24

Koangan afe a ta kuus ike̱ng iya itsi Adakunom tá fe̱ a se kaye̱e̱r Adakunom'me ne Adakunom se kaye̱e̱r wu. Yir ren yir ye Adakunom se mak be yir be Kabik Kazhe̱l'e a tin no̱o̱k yir.

2 aKoranti 6:1

Yir áfe i ta nye yir áfudang yin kaye̱e̱r itomong Adakunom yir ta nye yin izong ye, sang tu nye yin kpe̱de̱ng be ritek Adakunom baꞌ.

2 aKoranti 5:20

Kamok anong, yir nye yir áner á ta se rice aKiristi. Yir ta nye yin izong kaye̱e̱r riyerek aKiristi kyo̱ndi Adakunom be rice wu ne a sen fe̱ be yin ye, i ra te yin áferime̱ Adakunom.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aMarkus 6:7

Ayong a yis álimazhiri wu kuso̱k be afa ame nong a tú ku tom ba afufa afufa ne a ku no̱o̱k ba kukyem kuturung amaan nabik.

1 aYohana 1:3

Yir sen ka taas yin rife̱ natoon aya yir tá di yir ne yir ku fok yir, nong ase̱ yir tà te yir kyo̱ndi aner azining ne kusor yir se kuzining be Adakunom a ta nye Ada'me ne Igon wu aYeso Kiristi.

Itomong Ámanzo 5:41

Ámanzo dorok azong be riye̱ rikan kamok a tá di ba kyem a ta ka no̱o̱k ba risam kamok riyerek aYeso.

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

aLuka 22:30

Nong ase̱ ta ya ne i so̱ yin mak be mi kaye̱e̱r rigwo̱m'i, tá sosok yin ni ítsik rigwo̱m ne i to̱ yin nazu Isarela kuso̱k be afa amok.

Ike̱ng a ta tonong aYohana 21:14

A barak ribor kubar'e natoon ata kuso̱k be afa. A ti zibir ayerek ámanzo Aturuk ame kuso̱k be afa natoon'e.

aKolosi 1:24

Mi be riye̱ rikan kyo̱o̱rna be risam mi ta so̱ natoon yin, nong kamok risam'me mi tà shining ike̱ng iya i tà rusek kaye̱e̱r risam aKiristi tá so̱ kamok kuro̱m wu ku ta nye ikilisiya.

aFilipi 1:29

Kamok Adakunom sak ritek wu anong kamok yin tin no̱o̱k yin katsak na aKiristi tsek baꞌ, amma ta so̱ yin risam kamok wu gip,

aRom 8:30

Áya wu tá tsang a ku sak ba ze̱e̱r, a tú ku yis ba'me, ne a ku sak ba a tá se gye̱r nasho̱o̱n wu, ne ku te yiik ba.

1 aYohana 4:17

Be anong ne kushim yir tà shining kaye̱e̱r aye̱ yir nong ase̱ tà se yir dar inyim nasho̱o̱n Adakunom katuk wu tana to̱ kazatse amok. Kamok yir se yir kyo̱ndi wu nazatse na.