aYohana 17:20 - Izere New Testament

²⁰ “Aduwa mi se kamok awan ba tsek baꞌ Amma mi nye aduwa kamok áya a tanin no̱o̱k katsak ni mi gip, kamok rife̱ ba.

aYohana 17:20 Referans Kwoze

Itomong Ámanzo 2:41

Áner aya a tá shan rife̱ wu se whe̱re̱ yong a tú ku nye ba abatisma. Katuk kayong ánerawe'me ta bubarak áner izungu itaar á ti barang niba.

Itomong Ámanzo 4:4

Anerawe whe̱re̱ aya a tá fok rife̱ riya aBitrus be aYohana tá taas ti no̱o̱k katsak. Áner aya a ti no̱o̱k katsak'e ti barang kube̱ whe̱re̱. Ayong afikuus cice̱r te átek izungu itoon.

Afisa 4:11

Wu ne a no̱o̱k ákak kunang ku te ámanzo ne ákak te áner kuzarap ne ákak sor áfe kutaas Rife̱ Ritek ne ákak te áner á tanin sak riye̱ na ánerawe be áner kubo̱so̱p ánerawe'me.

aRom 16:26

amma kyo̱o̱rna a min tonong yir. Adakunom afe izen izen fe̱ be áner kuzarap wu ye a ra zibir natoon Rife̱ Ritek'e nong áfurin tin no̱o̱k katsak ne a ku kuus.

2 aTimoti 1:2

Wan, aTimoti, igon riye̱ mi. Ritek be kuro̱ riye̱ ne kameneng riye̱ Adakunom a ta nye Ada yir ne Agwo̱m Ágwo̱m yir aYeso Kiristi se mak be wan.

aYohana 10:16

Mi be kukpara itsamang ikak i ta se ze̱e̱r be iyu. Ba gip, ma mi tà be̱ be ba dim. Á tà fok kuto̱ mi, ne á be̱ te kukpara kuzining be afek azining.

aYohana 17:19

Kamok ba ne mi no̱o̱k rice mi zhe̱l nong ase̱ ba gip ta se̱ kute zhe̱l kufe katsak.

aYohana 17:21

Ada, aduwa mi se ye, ba ra te azining cice̱r, kyo̱ndi wan ta se azining be mi ne mi ma se azining be wan. Won ba gip á tu te azining be yir. Be anong ne kazatse tin no̱o̱k katsak ye wan ne i ti tom.