aYohana 17:2 - Izere New Testament

² Kamok wan tú ku no̱o̱k rigwo̱m natoon ánerawe cei, nong a ta no̱o̱k aya wan tú ku no̱o̱k cice̱r, kutser kufe izen izen.

aYohana 17:2 Referans Kwoze

aYohana 6:39

Kushim aya afe a tin tom se ye, sang mi tu wei be azining kaye̱e̱r aya wu tá min no̱o̱k baꞌ, amma ye i ra ka dorok ba katuk igang'e.

aYohana 6:37

Koangan afe Ada tin no̱o̱k, a tà be̱ nunaan. Aner aya afe a ta be̱ nunaan, mi tù ku ro baꞌ.

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

aMatiyu 28:18

Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aYohana 17:9

Mi nye aduwa kamok ba. Sang kamok ánerawe kazatse ne mi ti nye aduwa na baꞌ, amma mi nye aduwa'me kamok áfe wan tá min no̱o̱k, kamok ba nye afuan.

aYohana 17:6

“Mi n sak ánerawe áfe wan tin no̱o̱k nazatse ma ka ren. Á nye áfuan, wan ne i tú sok ba i tin no̱o̱k. Ba ma kuus rife̱ wan.

aYohana 4:14

amma koangan ne a so̱ ashi mi tana ku no̱o̱k a tà ba fok kuto̱ kukoor baꞌ. Ashi mi tana ku no̱o̱k ta sor itop ashi kuro̱m wu, ife i tana ku no̱o̱k kutser kufe izen izen.”

aYohana 3:35

Atek'e shim Igon wu, ayong a sak koakye nubo̱k wu.

1 aYohana 2:25

Ke yin nye yin anong, yin tà se̱ yin kutser kufe izen izen kuya aYeso tá tsang a no̱o̱k kuto̱ ye wu tin no̱o̱k yir.

1 aBitrus 3:22

aKiristi tseng kaye̱e̱r kaza, a se nubo̱k riya Adakunom, ámaleka cice̱r ne ribir áya a tin nye rigwo̱m natoon kaza se nubo̱k wu.

Ibrani 1:2

Amma kaye̱e̱r inom igang'e na, a fe̱ kanu be yir be Igon wu, aya a tú ku sak a ta te a ya kutse ike̱re̱ cice̱r. Mak be wu ne a nye koakye.

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

aZhud 1:21

Sor yin kaye̱e̱r kushim Adakunom ne i tor yin Agwo̱m Ágwo̱m yir aYeso Kiristi aya kamok kuro̱ riye̱ a ta tseng be yir kaye̱e̱r kutser kufe izen izen.

1 aYohana 1:2

Wu ne a nye aya a ta nyesek kutser, a be̱ nufe ánerawe, yir tú ku di yir. Kamok anong yir sen ka taas yin rife̱ na natoon wu aya a ta nyesek kutser kufe izen izen. A se mak be Adakunom a ta nye Ada'me, amma Adakunom sak yir tú ku di yir.

1 aTimoti 1:16

Amma Adakunom ti tonong kuro̱ riye̱ dide̱ng kamok mi tsang i nar rine̱n, aYeso Kiristi tonong kutsesek wu dide̱ng natoon'i nong ku ta sor ike̱ng kumaas nufe áner aya a tanin no̱o̱k katsak ni wu ne á se̱ katser kafe izen izen.

aFilipi 2:10

kamok koangan anerawe tà tigbok akuur nasho̱o̱n riyerek aYeso na dim, natoon kaza be kaben, be aza kaye̱e̱r kaben.

Afisa 1:20

Kukyem wu kuri kuya wu tá tonong nizen wu tá dorok aKiristi kaye̱e̱r ikom ne a ku sak a tá sonong nubo̱k riya wu kaye̱e̱r kaza.

1 aKoranti 15:25

aKiristi ta nye rigwo̱m, ma a te amudo̱n wu kaben.

aRom 6:23

Kamok ishorong rine̱n nye riku, amma kunang Adakunom nye kutser kufe izen izen kaye̱e̱r aYeso Kiristi Agwo̱m Ágwo̱m yir.

aYohana 6:27

Sang tu so̱ yin risam ni itomong naya nafe na tana beseng baꞌ, amma nye yin itomong natoon naya nafe na tana no̱o̱k kutser kufe izen izen. Iyuna ne i nye kuri naya Igon Anerawe tana ka no̱o̱k yin. Kamok Ada yir Adakunom min te izizo̱ wu ni wu.”

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”