aYohana 17:19 - Izere New Testament

¹⁹ Kamok ba ne mi no̱o̱k rice mi zhe̱l nong ase̱ ba gip ta se̱ kute zhe̱l kufe katsak.

aYohana 17:19 Referans Kwoze

Ibrani 2:11

Aya a ta se zhe̱l ne áya a tú ku sak ba tá te zhe̱l nye áner kasa kazining. Kamok anong, aYeso fok isum a tá ka yis ba ye áronyining wu baꞌ.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

aYohana 17:17

Ku sak ba á tu sor zhe̱l be katsak, rife̱ wan ne rinye katsak.

1 aKoranti 1:2

Yin áfikuus Adakunom i ta se yin na aKoranti áya a tá te ázhe̱l'e, áya a tá ka yis ba nong á tà sor zhe̱l kaye̱e̱r aYeso aKiristi, mak be áner aya a ta se koake̱, á ta yis riyerek Agwo̱m Ágwo̱m yir aYeso Kiristi, a ta nye Agwo̱m Ágwo̱m ba, ne a nye Agwo̱m Ágwo̱m yir cice̱r.

2 aTimoti 2:10

Kamok anong mi tsesek kaye̱e̱r koakye kamok áya Adakunom tá kasa nong ba gip ta ma se̱ kashesh na a ta se̱ kaye̱e̱r aYeso Kiristi ne kuyiik kufe izen izen.

1 aTasalonika 4:7

Kamok sang Adakunom ti yis yir nong tá won dar i sor yir zhe̱l baꞌ, amma nong ta sor yir zhe̱l.

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

2 aKoranti 4:15

Ike̱re̱ na cice̱r se kamok yin, nong nizen iya ritek Adakunom tana se̱ ánerawe whe̱re̱, i ta sak a ta nye riye̱ rikan be Adakunom dide̱ng nong a tu ku tiyiik makiyi.

Ibrani 9:26

A fa fe̱ ye aKiristi nye anong, ke an so̱ risam ne a toos'e kum nizen iya a tá nye kazatse. A be̱ kutak kuzining tsek nigang'e na, a tá no̱o̱k rice wu asidaka kamok rine̱n yir.

Ibrani 10:29

Ke itak'e se anong, akye̱ kuri ike̱ng ne yin di yin ye a tá nye be áner aya a ta zhe̱e̱sh Igon Adakunom ne á nye kpe̱de̱ng be naso̱k na tú ku kusu ba kyo̱ndi na se zhe̱l baꞌ, a fe̱ imaan'e natoon Kabik Kazhe̱l'e kafe ritek Adakunom e̱?

Ibrani 9:13

Naso̱k izha be amung be itong inyak ife a ta man a mis áfe rine̱n'e ta sak á ta te zhe̱l nama kuro̱m tsek,

Ibrani 9:18

Iyong ne i sak a kyem a ninye itomong be kushu kufe ime̱se̱ng'e dar naso̱k baꞌ.

aYohana 10:36

Mi ne Ada ti sak i tá te zhe̱l, ne a ni tom nazatse, rife̱ kuzhe̱e̱sh ne mi tá fe̱ ye mi nye Igon Adakunom a?

aYohana 15:3

Kyo̱o̱rna yin se yin zhe̱l kamok rife̱ mi tá fe̱ be yin.

aYohana 15:13

Kushim kukak kuse ku ta nar kufe anerawe tana no̱o̱k kutser wu kamok áferime̱ wu baꞌ.

aYohana 17:20

“Aduwa mi se kamok awan ba tsek baꞌ Amma mi nye aduwa kamok áya a tanin no̱o̱k katsak ni mi gip, kamok rife̱ ba.

2 aKoranti 7:14

Mi mu ku tak ye mi ti ya kuka be yin, yin ti te yin isum baꞌ. Amma kyo̱ndi koakye yir tá fe̱ yir be yin ta nye katsak, anong ne kuka yir natoon yin te katsak nanyisi aTitus gip.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

1 aYohana 3:3

Kamok anong, koangan a tin te riye̱ wu ye wu ta se kyo̱ndi aYeso ne a won kunye rine̱n nong a ta sor zhe̱l kyo̱ndi aYeso'me.

1 aYohana 3:18

Inoon'i, yin aya mi ta shim, kushim yir tuse ni nanu tsek baꞌ, amma i nye yir ike̱ng iya i tana tonong ye yir naka shim yir be katsak.