aYohana 17:11 - Izere New Testament

¹¹ Mi saase nufuan, mi tà ba sor nazatse na baba baꞌ. Amma ba ruresek kaye̱e̱r kazatse na nizham. Ada Azhe̱l'e, ku fek ba be riyerek wan rife̱ kukyem, riyerek riya wan tin no̱o̱k, nong ba tà sor azining kyo̱ndi mi ta se be wan.

aYohana 17:11 Referans Kwoze

aMatiyu 6:9

“Ana ne yin ta nye yin aduwa, “ ‘Ada yir afe a ta se kaye̱e̱r kaza, won riyerek wan tu sor zhe̱l,

Ibrani 9:24

Kamok sang aKiristi no̱ naro̱ itomong atsi anerawe ta nye i tá tas ife kaza baꞌ. A no̱ kaye̱e̱r kaza, azong ne a se nasho̱o̱n Adakunom kamok yir.

Afisa 4:4

Yir se yir kyo̱ndi kuro̱m kuzining ne Kabik Kazhe̱l'e se kazining. Anong ne yin be yin ku ni te riye̱ kuzining kuya a tá ka yis mo yin.

aFilipi 2:9

Kamok anong, Adakunom tú kutiyiik dide̱ng ne a ku te riyerek ri ta nar koakye riyerek yiik,

aYohana 17:25

“Ada, Wan nye azhe̱l'e, kazatse tá ka ren baꞌ gye̱r tatan, amma mi tá ren. Á ren ye wan ne i ti tom.

aYohana 13:1

A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

aYohana 14:20

Katuk'ong ne yin tà ren yin ye mi be Ada mi yir se yir azining, ne mi ma te azining be yin.

aZhud 1:1

Mi, aZhud, asam aYeso Kiristi, aronyining aYakub, yin áya Adakunom aya a ta nye Ada ta ka shim yin, ne a ka yis yin, áya aYeso Kiristi ta ka fek yin.

1 aYohana 5:19

Yir ren yir ye yir nye yir inoon Adakunom ne Ishetan ninye rigwo̱m nazatse na.

aYakub 4:4

yin áfe i ta nye yin rikuna, yin ren yin ye rifertseng be kazatse nye rimudo̱n be Adakunom aꞌa? Aner aya ne kasa a ta nye rifertseng be kazatse a te amudo̱n Adakunom.

Itomong Ámanzo 3:21

Wu tà sor azong kaye̱e̱r kaza ma nizen iya Adakunom tana shishing koakye ike̱ng nizham kyo̱ndi wu tá tsang a fe̱ gbugbang ni nanu áner kuzarap wu ázhe̱l'e.

aYohana 13:3

aYeso ren ye Ada'me n won ike̱re̱ cice̱r nubo̱k wu ne a ren ye wu ne nufe Adakunom, nufu Adakunom'me ne wu tù ku bun.

Ike̱ng a ta tonong aYohana 4:8

Ike̱re̱ inaas'ong cice̱r be atse̱n igataar be anyisi nuro̱m koake̱ ba ma na afabak ba gip. Katuk be kunom a yiir bom abom ye, “Azhe̱l'e, Azhe̱l'e, Azhe̱l'e nye Agwo̱m Ágwo̱m yir Adakunom a ta be kukyem, a tú se gbugbang, a kuse se kyo̱o̱rna, a ta bun a be̱.”

1 aBitrus 1:5

Yin aya kamok kuno̱o̱k katsak yin, Adakunom kaye̱e̱r agbang kukyem wu ta ka fek yin ma yin se̱ yin kashesh na a tana tun katuk igang'e nong koangan tà di.

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

1 aKoranti 1:10

Ároneng, mi ta nye yin akusuk kaye̱e̱r riyerek Agwo̱m Ágwo̱m yir aYeso Kiristi ye, kanu yin tuse kazining. Sang tu naka kasap yin baꞌ, gung yin rice nong kuto̱ro̱ng tu sor kuzining.

aRom 12:5

anong ne i se kaye̱e̱r aKiristi, i se yir whe̱re̱ kaye̱e̱r kuro̱m kuzining be afudang yir áfikuus.

aRom 9:17

Kamok rife̱ Adakunom fe̱ be aFiruna ye, “Mi tà sak wan ta te agwo̱m nong ase̱ mi tin tonong kukyem'i natoon wan, ne kazatse cei ren riyerek'i.”

aYohana 16:28

Mi ne nufe Ada'me, i ta be̱ nazatse. Kyo̱o̱rna mi sen won kazatse'me nong tù ku bun nufe Ada'me.”

aYohana 7:33

Ayong aYeso fe̱ be ba ye, “Izen mi tana sor be yin se cie̱k tsek, ne mi kubun nufe aya a tin tom.

aMatiyu 10:16

Mi sen ka tom yin kyo̱ndi itsamang kaye̱e̱r agabu katse, kamok anong be yin ritseng kyo̱ndi íwhen ne i se yin whiwhe̱ kyo̱ndi ábo̱p.

aMatiyu 5:48

Kamok anong, shining yin, kyo̱ndi Ada yin afe a ta se kaye̱e̱r kaza ta shining.

Ike̱ng a ta tonong aYohana 19:12

Anyisi wu se kyo̱ndi rigyem kuro̱ng, abong rigwo̱m whe̱re̱ se natoon rice wu. A be riyerek rikak ni izibir, riya sang akak ta kyem a ren baꞌ, ma wu ze̱r tsek.

Ike̱ng a ta tonong aYohana 15:4

Angan ne a ta fok inyim wan baꞌ, agbang Agwo̱m Ágwo̱m a tana won dar a tiyiik riyerek wan e̱? Kamok wan ze̱r tsek ne i se zhe̱l. Ánerawe kazatse cice̱r ta be̱s á ta ka ya iben kamok wan tonong ye kunye wan nye kufe katsak.”

aZhud 1:24

To̱, nakerek nye nafu, wu aya a ta be kukyem ku ka tor mo yin fan i bu kpas yin, a ta tseng be yin nasho̱o̱n agbang kuyiik wu dar rine̱n be riye̱ rikan dide̱ng.

1 aYohana 3:12

I tuse yir kyo̱ndi aKayinu baꞌ. A tá nye afe Ishetan ma a fe̱r aronyining wu. Akye̱ sak a tá fe̱r aronyining e̱? Kamok kunye wu nye kumaan'e ne kufe aronyining se gye̱r nasho̱o̱n Adakunom.

aYohana 17:6

“Mi n sak ánerawe áfe wan tin no̱o̱k nazatse ma ka ren. Á nye áfuan, wan ne i tú sok ba i tin no̱o̱k. Ba ma kuus rife̱ wan.

aYohana 17:23

Mi sor kaye̱e̱r ba ne wan kaye̱e̱r'i. Won ba tù gung rice dide̱ng, nong ase̱ kazatse tà ren ye wan ti tom, ne ka ren ye mi tú shim ba kyo̱ndi wan tin shim.