aYohana 16:5 - Izere New Testament

⁵ “Kyo̱o̱rna, mi be nufe aya a tin tom, gip be anong akak yin ti rip ye, ‘Wan be ake̱ e̱?’ baꞌ.

aYohana 16:5 Referans Kwoze

aYohana 13:36

Ayong aSiman aBitrus tú rip ye, “Atekasa, wan be ake̱ e̱?” Ne aYeso fe̱ be wu ye, “Yin ta kyem i tseng yin naro̱ kaya mi tù ku be kyo̱o̱rna baꞌ, amma yin tà be̱ yin nama.”

aYohana 7:33

Ayong aYeso fe̱ be ba ye, “Izen mi tana sor be yin se cie̱k tsek, ne mi kubun nufe aya a tin tom.

aYohana 16:28

Mi ne nufe Ada'me, i ta be̱ nazatse. Kyo̱o̱rna mi sen won kazatse'me nong tù ku bun nufe Ada'me.”

aYohana 17:4

Mi tá be̱e̱n kuyiik kaye̱e̱r kazatse be itomong iya wan tin no̱o̱k i tá nye cei.

aYohana 16:10

Kuto̱ro̱ng ba se gye̱r ba' natoon kuse kuzhe̱l'e, kamok mi be nufe Ada mi, yin ta bin di yin baꞌ.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

aYohana 13:3

aYeso ren ye Ada'me n won ike̱re̱ cice̱r nubo̱k wu ne a ren ye wu ne nufe Adakunom, nufu Adakunom'me ne wu tù ku bun.

aYohana 16:16

“Nizen cie̱k yin tà bin di yin baꞌ, amma nama izen cie̱k, ne yin bun i ni di yin.”

aYohana 14:28

“Yin fok yin mi tá fe̱ ye, ‘Mi sen tseng, i tá bun i be̱ nufe yin.’ Yin fa ni shim yin, ke yin nye yin riye̱ rikan ye mi be nufe Ada, kamok Ada'me ti nar.

aYohana 6:62

To̱, ke yin di yin Igon Anerawe sen kubun naro̱ wu tú ku ne ane̱ e̱?

aYohana 17:13

“Mi saase nufuan kyo̱o̱rna. Amma mi ta nye izong ike̱re̱ na kum ne mi ruresek kaye̱e̱r kazatse, nong ase̱ ba tà shining be kuri riye̱ rikan riya mi tá be kaye̱e̱r ba.

aYohana 16:17

Iyong álimazhiri wu ákak fe̱ awan ba ye, “Rife̱ wu na sor akye̱, a ta fe̱ ye, ‘Nizen cie̱k yin tà bin di yin baꞌ, amma nama izen cice̱r ne yin bun i ni di yin'e? Ne a bun a fe̱ ye: Kamok mi ta be nufe Ada'me e̱’?”