aYohana 16:33 - Izere New Testament

³³ “Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

aYohana 16:33 Referans Kwoze

aYohana 14:27

Mi ta won yin caang. Kusor caang'i ne ta ka no̱o̱k yin. Sang kyo̱ndi kazatse ta nyesek ne mi ta ka no̱o̱k yin baꞌ. Sang tu daam yin, sang tu fok yin inyim baꞌ.

1 aYohana 5:4

kamok aner aya a ta nye igon Adakunom n canang kazatse. Ike̱ng i ta sak yir tan canang yir kazatse'me nye kuno̱o̱k katsak yir na aYeso.

2 aTasalonika 3:16

To̱, won Agwo̱m Ágwo̱m'me be rice wu aya a ta nye afe kameneng riye̱ ta ka no̱o̱k yin kameneng riye̱ koakye izen ne kaye̱e̱r koakye iren. Agwo̱m Ágwo̱m tu se mak be yin cice̱r.

1 aYohana 4:4

Amma yin inoon'i, yin aya mi ta shim, yin nye yin áfe Adakunom. Yin n canang yin aner kuri ayong, kamok Kabik kaya ka ta se kaye̱e̱r yin nar kaya ka ta se kaye̱e̱r kazatse'me.

aFilipi 4:7

Be anong ne kameneng riye̱ kuri kuya Adakunom ta nyesek kuya ku ta nar koakye kuri kuren ánerawe, tà sak aye̱ yin be kuto̱ro̱ng yin ta nyeseng kpa natoon aYeso Kiristi.

1 aBitrus 5:9

Sang tu ku no̱o̱k yin iren baꞌ. Nyeseng yin be agap kaye̱e̱r kuno̱o̱k katsak yin kamok yin ren yin ye áfikuus afudang yin kaye̱e̱r kazatse cei sen so̱ kuri risam riyong gip.

aYohana 14:1

“Sang tu daam yin baꞌ. Ni no̱o̱k yin katsak na Adakunom ne i ni no̱o̱k yin katsak ni mi.

2 aTimoti 3:12

Katsak'e koangan afe a ta shim a ta sor kusor kuri kufe Adakunom kaye̱e̱r aYeso Kiristi ta so̱ risam.

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

Ibrani 11:25

A nar kushim a tá so̱ risam be áner Adakunom ingya be a tana fok kusas rine̱n kaye̱e̱r kaban izen cie̱k.

Ike̱ng a ta tonong aYohana 7:14

Iyong mi fe̱ be wu ye, “Atekasa, wan ren.” Ayong a fe̱ ye, “Áner na ne á nye áner aya a tá wuruk na amaan risam án kusu ares ba be naso̱k Aturuk'e á ta te akan pes.”

1 aTasalonika 3:7

Kamok anong, ároneng, kaye̱e̱r kudaam yir be kuso̱ risam yir, yir ti barang yir kuse̱ agap kamok kuri kuno̱o̱k katsak yin ta be yin.

Ike̱ng a ta tonong aYohana 12:11

Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.

aKolosi 1:20

Kamok wu ne Adakunom bun a tu ku bun be ike̱re̱ wu tá nye cice̱r nufu, ike̱re̱ i ta se kaye̱e̱r kazatse be kaye̱e̱r kaza. A ti be̱e̱n yir kameneng riye̱ be kunyosong naso̱k Igon wu natoon kukon.

2 aKoranti 1:3

Nakerek nye nafe Adakunom, wu ne a ta nye Ada Agwo̱m Ágwo̱m yir aYeso Kiristi, ne Ada aya a ta be kuro̱ riye̱ dide̱ng, ne a nye Adakunom aya a ta tsesek ánerawe cice̱r.

2 aKoranti 13:11

Ni igang'e, ároneng, ma yin katuk kakak. Naka tsesek yin nong ta shining, fok yin izong'i, sor yin be riye̱ rizining, sor yin caang. Be anong ne kushim Adakunom ne kameneng riye̱ ta se mak be yin.

1 aTasalonika 3:4

Nizen yir tá se yir be yin, yir yiir i ka taas yin ye, a tin tabak yir. Kyo̱o̱rna'me yin di yin be rice yin.

aGalati 6:14

Adakunom rin roon kuka ma ke mi tin ya kuka be kutigak Agwo̱m Ágwo̱m yir aYeso Kiristi nukon, be riku wu ne mi ku ni ike̱re̱ kazatse na, ne ike̱re̱ kazatse ne ku ni mi.

2 aKoranti 7:4

Riye̱ mi se agak be yin baꞌ, ko cie̱k baꞌ, mi ti ya kuka be yin dide̱ng. Mi se̱ agap riye̱ dide̱ng, be risam yir ta so̱ yir, riye̱ rikan'i be igak baꞌ.

Itomong Ámanzo 27:25

Kamok anong naka tsesek yin, áro̱, mi ti no̱o̱k katsak na Adakunom ye ike̱ng iya a tá fe̱ be mi ta se anong.

aGalati 1:4

Wu aYeso aya a tá no̱o̱k rice wu kamok rine̱n yir, nong a tin shesh yir kaye̱e̱r amaan izam na. Iyu se anong kaye̱e̱r kushim Adakunom a ta nye Ada yir.

Itomong Ámanzo 9:31

Be anong áfikuus aya a tá se niben aYahuda ne aGalili be aSamariya tá ra ma fok kusas kusor. Afikuus ti barang kukpa agap, ne Kabik Kazhe̱l'e ka no̱o̱k ba ifeng ma a nye ne á ni barang kute whe̱re̱, nizen iya á sor kaye̱e̱r inyim Agwo̱m Ágwo̱m.

aYohana 12:31

Kyo̱o̱rna ne a ta to̱ kazatse na amok. Kyo̱o̱rna ne a tin shan rigwo̱m nufe agwo̱m kazatse.

aLuka 2:14

“Kuyiik nye kufe Adakunom aza kaye̱e̱r kaza, nazatse kameneng riye̱ kuse nufe áner áfe wu ta shim.”

Itomong Ámanzo 27:22

Amma kyo̱o̱rna mi ta nye yin izong ye i ra naka tsesek yin, kamok akak yin ta wei baꞌ, ma ke kukpara ashi na tsek.

aLuka 19:38

Ne á fe̱ ye, “Aner riye̱ rikan nye a nye agwo̱m aya a ta saase kaye̱e̱r riyerek Agwo̱m Ágwo̱m. kameneng riye̱ kuse kaye̱e̱r kaza ne kuyiik nye kufe Adakunom.”

Itomong Ámanzo 23:11

Katuk tá fa nye ne Agwo̱m Ágwo̱m be̱ a nyeseng bubarak be aBulus a tá fe̱ be wu ye, “Naka tsesek. Kyo̱ndi wan tá fe̱ itak'i na aUshalima, anong ne wan tà fe̱ na aRom dim gip.”

Ibrani 7:2

Ibrahim tú no̱o̱k ike̱ng izining kaye̱e̱r koakye ike̱ng kuso̱k a tá ya naro̱ itso̱m'e. Ife ime̱se̱ng'e, riyerek wu nye “Agwo̱m katsak.” Riyerek wu a ta yis ye “Agwo̱m aSalim'ong” sor ye, “Agwo̱m kusor caang.”

aYohana 16:11

kuto̱ro̱ng ba se gye̱r ba' natoon amok, kamok a tsang an te̱n aner áfe tin nye rigwo̱m nazatse na amok.

aMatiyu 9:2

Áner akak tu ku be̱e̱n aner akak kuro̱m tá we̱ abas azining ni ike̱ng kameneng. Nizen iya aYeso tá di kuno̱o̱k katsak ba, yong a fe̱ be aner kuro̱k'e ye, “Igon'i, tu daam baꞌ, a ma ka re̱ng rine̱n wan.”

2 aKoranti 2:14

Amma mi be riye̱ rikan be Adakunom, wu aya a tin ko̱k yir kasho̱o̱n ye̱r ye̱r nong yir ta canang yir kazatse kamok aKiristi. A tin nye itomong be yir nong tà tseng yir be itak aKiristi koakye kyo̱ndi name na ta be iko̱o̱n itek ta nyus dide̱ng.

2 aKoranti 4:7

Gip be anong, kaye̱e̱r yir ne a sak kurum wu, yir áya i ta se yir kyo̱ndi nafeneng riro̱p tsek. A nye anong nong ta tonong ye Adakunom ne a be kukyem sang yir baꞌ.

2 aKoranti 6:4

Yir ban i nye yir koakye kuri ike̱ng nong ta tonong yir ye, yir nye yir ásam Adakunom. Yir naka tsesek yir dide̱ng kaye̱e̱r risam be kuro̱'me ne ike̱re̱ i tin se̱s yir;

1 aYohana 2:13

Mi ta zibir yin'e, aya i tan kyem yin ánerawe nabik kamok yin n ren yin aKiristi'me. A se kum ni ime̱se̱ng'e. Mi ta zibir yin'e aya i ta ru nye yin acam nabik, kamok yin n canang yin Ishetan a ta nye Amaan Aner. Mi ta zibir yin'e, aya i ta ru nye yin inoon nabik kamok yin ren yin Adakunom aya a ta nye Ada yir.