aYohana 16:30 - Izere New Testament

³⁰ Kyo̱o̱rna ne yir ma ren yir ye wan ren koakye, sang ma akak tá rip baꞌ. Iyuna sak yir ti no̱o̱k yir katsak ye wan ne nufe Adakunom.

aYohana 16:30 Referans Kwoze

aYohana 21:17

aYeso bun a tú ku rip kutak kufe ataar ye, “aSiman igon aYohana, wan ti shim a?” Ayong aBitrus nye riye̱ riwe kamok kurip kufe ataar aYeso tá bu a tú ku rip ye, “Wan ti shim be katsak a?” Ayong wu fe̱ ye, “Atekasa, Ei, wan ren koakye, wan ren mi tá shim.” aYeso fe̱ be wu ye “To̱, nyeseng ítsamang'i naya.

Ibrani 4:13

Ike̱ng ikak kuse nune̱re̱ng nazatse nasho̱o̱n Adakunom baꞌ. Koakye ike̱ng se de̱s, i se kanang nasho̱o̱n wu. Nasho̱o̱n wu ne i ta nyeseng yir nong tà taas yir koakye ike̱ng i tá nye yir.

aYohana 17:8

Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.

aYohana 16:17

Iyong álimazhiri wu ákak fe̱ awan ba ye, “Rife̱ wu na sor akye̱, a ta fe̱ ye, ‘Nizen cie̱k yin tà bin di yin baꞌ, amma nama izen cice̱r ne yin bun i ni di yin'e? Ne a bun a fe̱ ye: Kamok mi ta be nufe Ada'me e̱’?”

aYohana 5:20

Kamok Ada'me shim Igon'e, ne a ku tosong ike̱re̱ ife wu ta nye cei. A tu ku tosong ike̱re̱ igbang'e iya i ta nar iyu ma a ta ka te yin zhing.

aYohana 2:11

Iyu ne i nye ike̱ng azhing ife ime̱se̱ng aYeso tá nye, a nye nuwo̱p aKana niben aGalili. A tonong kuyiik wu azong, yong álimazhiri wu ti no̱o̱k katsak ni wu.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aYohana 16:23

Katuk kayong yin tà bin rip yin ike̱ng ikak baba baꞌ. Katsak ne mi ta ka tak yin, Ada'me tà ka no̱o̱k yin koakye ike̱ng yin tana rip yin kaye̱e̱r riyerek'i.

aYohana 16:26

Katuk'ong yin tà nye yin izong kaye̱e̱r riyerek'i. Yin tà rip yin Ada be rice yin sang mi ne ta ka rip yin'e baꞌ.

aYohana 16:31

aYeso fe̱ be ba ye, “Aser, ma kyo̱o̱rna ne yin ra min no̱o̱k yin katsak a?”