aYohana 16:28 - Izere New Testament

²⁸ Mi ne nufe Ada'me, i ta be̱ nazatse. Kyo̱o̱rna mi sen won kazatse'me nong tù ku bun nufe Ada'me.”

aYohana 16:28 Referans Kwoze

aYohana 13:1

A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.

aYohana 13:3

aYeso ren ye Ada'me n won ike̱re̱ cice̱r nubo̱k wu ne a ren ye wu ne nufe Adakunom, nufu Adakunom'me ne wu tù ku bun.

aYohana 8:14

aYeso fe̱ be ba ye, “Ko ke mi fa fe̱ natoon rice mi, rife̱ mi nye katsak, kamok mi ren karo̱ kaya afe mi tú ku ne, be karo̱ kaya afe mi tù ku be. Amma yin ren yin karo̱ kaya afe mi tú ku ne ka karo̱ kaya afe mi tù ku be baꞌ.

aYohana 16:5

“Kyo̱o̱rna, mi be nufe aya a tin tom, gip be anong akak yin ti rip ye, ‘Wan be ake̱ e̱?’ baꞌ.

aYohana 17:5

To̱, kyo̱o̱rna Ada, ni tiyiik be kuyiik kuya mi tá be nasho̱o̱n wan nizham a tá ra nye kazatse.

aYohana 16:16

“Nizen cie̱k yin tà bin di yin baꞌ, amma nama izen cie̱k, ne yin bun i ni di yin.”

aYohana 14:28

“Yin fok yin mi tá fe̱ ye, ‘Mi sen tseng, i tá bun i be̱ nufe yin.’ Yin fa ni shim yin, ke yin nye yin riye̱ rikan ye mi be nufe Ada, kamok Ada'me ti nar.

aLuka 24:51

Kum ne an gang ku ka te ba kuce̱'me baꞌ, nong a ta kam be ba. A tú sok a tá tseng'e kaye̱e̱r kaza.

aYohana 17:13

“Mi saase nufuan kyo̱o̱rna. Amma mi ta nye izong ike̱re̱ na kum ne mi ruresek kaye̱e̱r kazatse, nong ase̱ ba tà shining be kuri riye̱ rikan riya mi tá be kaye̱e̱r ba.

aYohana 17:11

Mi saase nufuan, mi tà ba sor nazatse na baba baꞌ. Amma ba ruresek kaye̱e̱r kazatse na nizham. Ada Azhe̱l'e, ku fek ba be riyerek wan rife̱ kukyem, riyerek riya wan tin no̱o̱k, nong ba tà sor azining kyo̱ndi mi ta se be wan.

aLuka 9:51

Izen tá be̱ bubarak aYeso tana ku bun naza yong a shim ma ke a be na aUshalima.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aYohana 16:10

Kuto̱ro̱ng ba se gye̱r ba' natoon kuse kuzhe̱l'e, kamok mi be nufe Ada mi, yin ta bin di yin baꞌ.

aYohana 16:30

Kyo̱o̱rna ne yir ma ren yir ye wan ren koakye, sang ma akak tá rip baꞌ. Iyuna sak yir ti no̱o̱k yir katsak ye wan ne nufe Adakunom.