aYohana 16:22 - Izere New Testament

²² Anong ne i se be yin gip, kyo̱o̱rna ne i nye izen riye̱ riwe yin. Amma mi tà bun i ka di yin ne i nye yin riye̱ rikan, akak ta kyem a ka roon yin riye̱ rikan yin baꞌ.

aYohana 16:22 Referans Kwoze

1 aBitrus 1:8

Yin kun ku di yin baꞌ, gye̱rtatan amma yin tu shim yin. Yin tu ye̱re̱k yin kyo̱o̱rna baꞌ, gye̱rtatan amma yin ti no̱o̱k yin katsak ni wu ne i be yin agbang riye̱ rikan kuri riya sang a tana kyem a fe̱ baꞌ.

Itomong Ámanzo 13:52

Áfikuus Antakiya nye riyre̱p dide̱ng ne a ka shining ba be Kabik Kazhe̱l'e.

aYohana 16:6

Yin nye yin riye̱ riwe ye kamok mi tá fe̱ ike̱re̱ na.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

Itomong Ámanzo 16:25

Nabas katite katuk, aBulus be aSila se be aduwa ne á bom abom ku kerek Adakunom ne ribir áner aya a ta se nitso̱m'e ku foos ba.

Itomong Ámanzo 2:46

Á ya kasho̱o̱n be kunyiis koakye katuk kaye̱e̱r Agbang Kutu Kuya Adakunom iben. Á ya naya mak ninasa ba kaye̱e̱r riye̱ rikan be riye̱ rizining.

Ibrani 10:34

Yin tonong yin áya a ta se nitso̱m kuro̱ riye̱. Yin nye yin riye̱ rikan nizen iya a tin shan ike̱re̱ yin, kamok yin ren yin ye yin be yin ike̱re̱ i ta nar iyong ife i tana sor ma izen izen.

Ibrani 6:18

Adakunom nye anong kaye̱e̱r ike̱ng ifa a tana shishing'e baꞌ, iya Adakunom tanin bo̱ abo̱o̱s baꞌ. Yir áfe i ta te yir gbashak i ta shan yir ike̱ng iya i tá min te yir riye̱ ta tsesek yir. In yiir yir ike̱ng iya i tá min te yir riye̱ be agap ma aye̱ yir n kpa nafa.

Itomong Ámanzo 5:41

Ámanzo dorok azong be riye̱ rikan kamok a tá di ba kyem a ta ka no̱o̱k ba risam kamok riyerek aYeso.

aYohana 21:7

Ne álimazhiri aya aYeso tá shim dide̱ng ame fe̱ be aBitrus ye, “Aner na nye Agwo̱m Ágwo̱m.” Kum aSiman Bitrus tá fa fok ye, “Aner'e nye Agwo̱m Ágwo̱m.” Ayong a wor bisik kukpiin wu a tá te, kamok a se ica'me nong a tá furuk a tá no̱ kaye̱e̱r ashi'me.

aYohana 14:27

Mi ta won yin caang. Kusor caang'i ne ta ka no̱o̱k yin. Sang kyo̱ndi kazatse ta nyesek ne mi ta ka no̱o̱k yin baꞌ. Sang tu daam yin, sang tu fok yin inyim baꞌ.

aYohana 14:1

“Sang tu daam yin baꞌ. Ni no̱o̱k yin katsak na Adakunom ne i ni no̱o̱k yin katsak ni mi.

aYohana 4:14

amma koangan ne a so̱ ashi mi tana ku no̱o̱k a tà ba fok kuto̱ kukoor baꞌ. Ashi mi tana ku no̱o̱k ta sor itop ashi kuro̱m wu, ife i tana ku no̱o̱k kutser kufe izen izen.”

aLuka 24:41

Gip be anong á ti no̱o̱k katsak baꞌ, kamok riye̱ rikan be azhing. Ayong a tú rip ba ye, “Yin be yin ike̱ng kuya aze aꞌa?”

aLuka 16:25

“Amma Ibrahim fe̱ be wu ye, ‘Igon'i, yiring nizen wan tá se nazatse, wan se̱ ike̱re̱ itek, aLazarus so̱ risam. Kyo̱o̱rna a sen fok kusas kusor aze, ne wan ma sen so̱ amaan risam.

aLuka 10:42

Ike̱ng izining ne i nye igbang'e nusor wan. aMarya n kasa iya i ta se gye̱r, ka akak tin shan baꞌ.”

aMatiyu 28:8

Iyong ányining ame wor á won kure̱k'e gbashak nong á ta be nufe álimazhiri ame be inyim amma be riye̱ rikan. Á tseng á teng ba nong á se tak álimazhiri'me.

aYohana 16:20

Katsak ne mi ta ka tak yin, yin tà tos ne i nye yin riye̱ riwe ne kazatse nye riye̱ rikan. Yin tà nye yin riye̱ riwe, amma riye̱ riwe yin tà kubun ri ta te riye̱ rikan.

aLuka 19:26

“Ayong a fe̱ ye, ‘Mi ta ka tak yin, koangan a ta be ike̱ng iya a tú ku barang mo, afe a ta be ike̱ng ikak baꞌ, ike̱ng iya wu ta be cie̱k'ong a tin shan ni wu.

aYohana 16:16

“Nizen cie̱k yin tà bin di yin baꞌ, amma nama izen cie̱k, ne yin bun i ni di yin.”

aYohana 14:19

A tú ku won izen cie̱k, kazatse tà bin di baꞌ, amma yin tin di yin. Kamok mi be kutser, yin gip yin tà sor yin be kutser.

2 aKoranti 6:10

kaye̱e̱r riye̱ riwe, gip be anong yir sor yir be riye̱ rikan. Yir be yir rizor amma yir sak yir ákak te árum nabik, yir sor yir ye yir be yir ike̱ng ikak baꞌ, amma ike̱re̱ cice̱r nye ife yir.