aYohana 16:13 - Izere New Testament

¹³ Amma izen iya ife Kabik kafe katsak'e be̱, a tà ka tonong yin iren katsak cei kamok sang, a tà fe̱ rife̱ rice wu baꞌ. Ike̱ng iya wu ta foos tsek ne wu tà fe̱. A tà bun a tà ka taas yin ike̱re̱ iya i ta rusek, nong a tà ra nye.

aYohana 16:13 Referans Kwoze

aYohana 14:26

Amma Aner Kutobok, a ta nye Kabik Kazhe̱l'e aya Ada tana tom'e kaye̱e̱r riyerek'i, wu ne a tà ka bo̱so̱p yin koakye, ne a ka yiring yin koakye ike̱ng mi tá fe̱ be yin.

aYohana 14:17

Wu ne a nye Kabik kafe katsak. Kazatse ta kyem ka ku shan baꞌ, kamok ka kun ku di ka ka kun ku ren baꞌ. Amma yin tú ren yin, kamok a se be yin ne a tà sor kaye̱e̱r yin.

aYohana 15:26

“Izen iya ne Aner Kutobok'ong be̱, aya a tana ne nufe Ada. Wu ne a nye Kabik kafe katsak. A tà fe̱ itak natoon'i.

1 aYohana 2:27

Amma yin, yin n se̱ yin Kabik Kazhe̱l'e nufe aYeso kaya ka ta sor be yin koakye izen. Kamok anong yin ba tse̱r yin aner akak a tana ka bo̱so̱p yin'e baꞌ. Kabik wu tà ka bo̱so̱p yin ike̱re̱'me ife katsak cei. Kukasa wu tin kasa yir nye katsak, ku nye kufe abo̱o̱s baꞌ. Kyo̱ndi a tá ka bo̱so̱p yin'e ye i ra sor yin kaye̱e̱r aYeso.

1 aYohana 2:20

Amma yin, yin se̱ yin Kabik Kazhe̱l'e kamok Adakunom tá ka kasa yin. Kamok anong cice̱r yin, yin ren yin ike̱re̱ i ta nye katsak.

aYohana 12:49

Kamok mi fe̱ rife̱ rice mi baꞌ, amma Ada mi afe a tin tom wu ne a ti tees ike̱ng iya mi tana fe̱ be iren iya mi tana fe̱.

1 aYohana 4:6

Amma yir, yir nye yir áfe Adakunom, koangan afe a ta nye afe Adakunom ti fok yir. Aya a ta nye afe Adakunom baꞌ, ti fok yir baꞌ. Anong ne yir kyem i ren yir Kabik kafe ka ta be katsak ne kafe abo̱o̱s.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

Ike̱ng a ta tonong aYohana 1:19

“Kamok anong zibir ike̱re̱ iya wan ta ye̱re̱k kyo̱o̱rna ne ike̱re̱ iya i tana nye nama iyuna.

aYohana 8:38

Mi ta taas yin ike̱re̱ ife mi ta di nufe Ada mi, amma yin nye yin ike̱re̱ iya yin tá fok yin nufe ada yin.”

2 aTasalonika 2:3

Sang tu won yin aner akak ta ka wo̱ro̱k yin niren ikak baꞌ, kamok kunom kube̱ aYeso'me ta nye baꞌ, ma ánerawe whe̱re̱ raba Adakunom ne agwo̱m kushonong be̱ nizham, wu nye aner aya a tá tsang a sak ye a tù ku shosh.

Ike̱ng a ta tonong aYohana 1:1

Kufumung na se natoon ike̱re̱ iya Adakunom tá no̱o̱k aYeso Kiristi nong a ta tonong ásam wu ike̱re̱ i tan be̱ barak a tana nye dim. aYeso tom amaleka wu nufe asam wu aYohana nong a ta se tak kutom'e.

2 aTasalonika 2:12

nong ase̱ a tà to̱ áya a tá gaar ku nino̱o̱k katsak amok cice̱r, ne á ta shim amaan kunye.

Itomong Ámanzo 27:24

A ta fe̱ ye, ‘Sang tu fok inyim baꞌ, aBulus. Ma a tseng be wan nufe aKaisar. Kamok wan Adakunom kaye̱e̱r ritek wu ta shesh áfe kutseng wan cice̱r.’

Itomong Ámanzo 20:23

Igak ike̱ng iya mi ta ren nye, Kabik Kazhe̱l'e min tá ye kaye̱e̱r koakye agbang kuwo̱p kuya mi tú ku sor, mi ta so̱ risam dide̱ng ne a ni rosom itso̱m.

aYohana 3:32

Ike̱re̱ iya wu ta di ne a fok ne wu fe̱ natoon'e, gip be anong ko akak shan rife̱ wu baꞌ.

Itomong Ámanzo 11:28

Kabik sak akak kaye̱e̱r ba riyerek wu tá nye Agabus dorok a nyeseng a tá nye kuzarap. A fe̱ ye izong ta no̱ dide̱ng nazatse na kusum (Iyu se nizen iya aKalaudiyus tá nye agwo̱m.)

aYohana 16:12

“Mi be rife̱ dide̱ng tana ka tak yin, amma yin ta kyem i na tsesek yin ta fok yin kyo̱o̱rna baꞌ.

Ibrani 1:1

Gbugbang, Adakunom fe̱ kanu be átukop yir ni iren ze̱r ze̱r ne nizen ze̱r ze̱r be aner kuzarap.

1 aYohana 5:6

aYeso Kiristi ne a ne naza, a tú ku nye abatisma be ashi ne a nyosong naso̱k wu. I nye ashi tsek baꞌ, amma ashi be naso̱k. Ne Kabik Kazhe̱l'e ni tak yir ye i se anong, kamok wu ne a taas ánerawe katsak'e.