aYohana 16:11 - Izere New Testament

¹¹ kuto̱ro̱ng ba se gye̱r ba' natoon amok, kamok a tsang an te̱n aner áfe tin nye rigwo̱m nazatse na amok.

aYohana 16:11 Referans Kwoze

aYohana 12:31

Kyo̱o̱rna ne a ta to̱ kazatse na amok. Kyo̱o̱rna ne a tin shan rigwo̱m nufe agwo̱m kazatse.

1 aYohana 3:8

Amma aya a ta yiir nye rine̱n nye afe Ishetan kamok Ishetan n me̱ ne a nye rine̱n kum ni ime̱se̱ng'e. Iyu ne i sak Igon Adakunom'me tá be̱ nong a tà yirik ike̱re̱ Ishetan'e tá nye cei.

Ibrani 2:14

Kum inoon'e ta be rinam be naso̱k, wu gip a sok kuse rinerawe nong ase̱ kamok riku wu a ta yirik agap aya riku ta se nubo̱k wu, aner'e nye Ishetan

aKolosi 2:15

A ti shan ares itsom ba afe kukyem ne áfe rigwo̱m ba, nong a tú ku no̱o̱k ba isum nasho̱o̱n ánerawe, a tu ku canang ba kamok riku wu natoon kukon.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

Ike̱ng a ta tonong aYohana 1:7

Di yin, a saase kaye̱e̱r ane̱n, koangan tù ku di, cei be áya a tú ku fe̱r. Ánerawe kazatse cice̱r tà tos kamok wu. Katsak'e! I se anong. Anong!

2 aBitrus 3:7

Be rife̱ Adakunom'me ne a tin shosh kaza be kaben kaya yir ta ye̱re̱k yir na. Be rife̱ Adakunom ne Adakunom won kaza be kaben ma katuk a tana to̱ áya sang á ta fok inyim Adakunom'me baꞌ amok ne a ka shosh ba.

Ibrani 9:27

Kyo̱ndi a tan sak,

Ibrani 6:2

itak abatisma be ku nisaas ibo̱k ritek natoon ánerawe, ne kudorok ikom be amok afe izen izen.

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

1 aKoranti 4:5

Kamok anong tu te̱n yin akak amok kum ne izen'e ruresek baꞌ. Won yin ma Agwo̱m Ágwo̱m yir aYeso be̱. Wu ne a tà be̱ te̱s ike̱re̱ i ta se nawhi ne a tonong ike̱re̱ i ta se kaye̱e̱r aye̱ ánerawe. Nizen iyong ne koangan tà shan nakerek wu nufe Adakunom.

Itomong Ámanzo 10:42

A ti sak yir ta taas yir ánerawe rife̱ Adakunom. A bun a fe̱ ye yir ra ka taas yir ba ye wu ne a nye aya Adakunom tan sak nong a ta to̱ áner aya a ta nye atser be áya a tan kus amok.

aLuka 10:18

Ayong aYeso fe̱ be ba ye, “Mi di Ishetan ta samang a ta kpa ni itsik wu kyo̱ndi iza ta tarang karo̱.

aMatiyu 12:36

Won ta ka tak yin, koakye amaan rife̱ anerawe tá fe̱, a tà shan ishorong wu katuk amok Adakunom.

aMatiyu 12:18

“Asam mi na aya mi tá kasa, aya mi ta shim ne i be riye̱ rikan be wu, mi tù ku shining be Kabik mi, a tà taas áner aya sang a ta nye àner aYahuda baꞌ, itak amok mi.

aRom 16:20

Adakunom afe a ta nyesek kameneng riye̱ tà me̱re̱sh Ishetan sang be kubeseng izen baꞌ. Won ritek Agwo̱m Ágwo̱m yir aYeso tu se mak be yin.

aRom 2:16

Anong ne i bu se katuk Adakunom tana sak aYeso tana to̱ ike̱re̱ iya anerawe ta ne̱r kaye̱e̱r riye̱ amok, kyo̱ndi mi ta fe̱ kaye̱e̱r Rife̱ Ritek mi tá ka taas yin.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

Itomong Ámanzo 24:25

Nizen iya aBulus tá fe̱ rife̱ natoon kuse kutek nasho̱o̱n Adakunom be kuyiir rice ne amok a tana to̱ kazatse'me, aFelis fok inyim. Iyong a fe̱ ye, “I kyem anong, tseng makong. Izen iya mi ta di i ti se gye̱r, mi ta tom a ta ka yis.”

aYohana 16:12

“Mi be rife̱ dide̱ng tana ka tak yin, amma yin ta kyem i na tsesek yin ta fok yin kyo̱o̱rna baꞌ.