aYohana 16:10 - Izere New Testament

¹⁰ Kuto̱ro̱ng ba se gye̱r ba' natoon kuse kuzhe̱l'e, kamok mi be nufe Ada mi, yin ta bin di yin baꞌ.

aYohana 16:10 Referans Kwoze

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

Itomong Ámanzo 3:14

Amma yin rayin Azhe̱l'e na, Aya a se gye̱r nasho̱o̱n Adakunom nong yin ta nye yin aBilatus akusuk ye a ra ka tun yin aBarabas aya a tá fe̱s ánerawe ingya.

aGalati 5:5

Yir te yir riye̱ ye Adakunom ta sak yir ta te yir azhe̱l'e ike̱ng ife i ta sak yir ta tor yir nye Kabik Adakunom kaya ka ta nye itomong kaye̱e̱r kuno̱o̱k katsak yir.

aRom 1:17

Kamok kaye̱e̱r'e ne a ti tonong iren ku te gye̱r nasho̱o̱n Adakunom, ku te gye̱r'e nye kuno̱o̱k katsak ni ime̱se̱ng'e ma nigang'e. Kyo̱ndi i ta se ni zibir ye, “Aner aya a ta se gye̱r nasho̱o̱n Adakunom ta sor kaye̱e̱r kuno̱o̱k katsak.”

Itomong Ámanzo 17:31

Kamok Adakunom'me n sak kunom kuya a tana be̱ nong a tà to̱ kazatse amok kaye̱e̱r katsak. A tonong koangan anerawe ye iyong nye katsak kamok a tú dorok nure̱k.”

Itomong Ámanzo 7:52

Aner Kuzarap anyaka ne átukop yin won dar a ku nyeen e̱? Átukop yin fe̱s aner aya a tá zarap kube̱ Azhe̱l'e. Kyo̱o̱rna yin mu ku fe̱r yin.

Itomong Ámanzo 2:32

aYeso'me ayong ne Adakunom tú ku dorok nure̱k be kutser, yir cice̱r yir ren yir ye i se anong dim.

aYohana 5:32

Amma akak kuse a ta fe̱ rife̱ natoon'i, mi ren ike̱ng ife wu ta sen fe̱'me natoon'i nye katsak.

aYohana 3:14

Kyo̱ndi aMusa tá sok iwhen naza kaye̱e̱r katse anong ne a tá sok Igon Anerawe naza dim.

aYohana 7:33

Ayong aYeso fe̱ be ba ye, “Izen mi tana sor be yin se cie̱k tsek, ne mi kubun nufe aya a tin tom.

aYohana 16:5

“Kyo̱o̱rna, mi be nufe aya a tin tom, gip be anong akak yin ti rip ye, ‘Wan be ake̱ e̱?’ baꞌ.

aYohana 16:28

Mi ne nufe Ada'me, i ta be̱ nazatse. Kyo̱o̱rna mi sen won kazatse'me nong tù ku bun nufe Ada'me.”