aYohana 15:7 - Izere New Testament

⁷ Ke yin sor kaye̱e̱r'i ne rife̱ mi se kaye̱e̱r yin, yin tà rip yin koakye ike̱ng yin ta shim yin, a tà ka nye yin'e.

aYohana 15:7 Referans Kwoze

1 aYohana 5:14

Yir tseng yir nasho̱o̱n Adakunom be riye̱ rizining, kamok ke yir tu rip yir koakye i ta nye kushim wu, a tin fok yir.

aYohana 14:13

Koakye ne yin rip yin kaye̱e̱r riyerek'i, mi ta ka nye yin'e nong Ada'me ta se̱ kuyiik kamok igon'e.

1 aYohana 3:22

Adakunom tin no̱o̱k yir koakye yir tu ku rip yir, kamok yir kuus yir rife̱ wu ne i nye yir ike̱re̱ wu ta shim.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aMatiyu 7:7

“Yiir irip yin'e, a tà no̱o̱k yin; yiir itse̱r yin'e, ta se̱ yin; yiir itsor yin kanukutu'me a tà ka karak yin'e.

aYohana 16:23

Katuk kayong yin tà bin rip yin ike̱ng ikak baba baꞌ. Katsak ne mi ta ka tak yin, Ada'me tà ka no̱o̱k yin koakye ike̱ng yin tana rip yin kaye̱e̱r riyerek'i.

aGalati 5:16

Ike̱ng mi tin fe̱ nye ye, i ri won yin Kabik Adakunom ta ka ko̱k yin kuse̱, nong fan yin bu kuus yin kuse rinerawe.

1 aYohana 2:27

Amma yin, yin n se̱ yin Kabik Kazhe̱l'e nufe aYeso kaya ka ta sor be yin koakye izen. Kamok anong yin ba tse̱r yin aner akak a tana ka bo̱so̱p yin'e baꞌ. Kabik wu tà ka bo̱so̱p yin ike̱re̱'me ife katsak cei. Kukasa wu tin kasa yir nye katsak, ku nye kufe abo̱o̱s baꞌ. Kyo̱ndi a tá ka bo̱so̱p yin'e ye i ra sor yin kaye̱e̱r aYeso.

1 aYohana 2:14

Mi ta zibir yin'e, aya i tan kyem yin ánerawe nabik kamok yin ren yin aKiristi'me aya a tá se kum ni ime̱se̱ng'e. Mi ta zibir yin'e, aya i ta ru nye yin acam nabik kamok yin be yin agap nikuus Adakunom ne rife̱ Adakunom'me kuse naye̱ yin. Yin n canang yin Ishetan a ta nye Amaan Aner.

aKolosi 3:16

Won rife̱ aKiristi tu nyeseng be agap dide̱ng kaye̱e̱r aye̱ yin, ne i naka bo̱so̱p yin'e, ne i naka nyesek yin ibo̱ro̱ng, be koakye kuri kukyem, ne i bom yin abom aZabura, ne i kerek yin Adakunom, ne i bom yin abom afe a ta nye afe Kabik, ne i nye yin riye̱ rikan kaye̱e̱r aye̱ yin be Adakunom.

aYohana 8:37

Mi ren yin nye yin kuri Ibrahim, gip be anong, yin shim tin fe̱r yin, kamok rife̱ mi n no̱ kaye̱e̱r aye̱ yin baꞌ.

aGalati 4:2

Ne a rusek igon a se nibo̱k áfe ku ni sak riye̱ ni wu be áfe a tu ku won nibo̱k ba, ma izen iya ada wu tù ku sak'e.

aYohana 8:31

Ayong aYeso fe̱ be áner aYahuda áya a tin no̱o̱k katsak ni wu ye, “Ke yin kuus yin kubo̱so̱p'i, to̱, yin nye yin álimazhiri mi áfe katsak.