aYohana 15:5 - Izere New Testament

⁵ “Mi ne i nye ritin kakon anap'e, yin nye yin íwhang'e. Aner aya a sor kaye̱e̱r'i ne mi ma se kaye̱e̱r wu, wu ne a tà tes dide̱ng. Kamok sang ke be mi baꞌ, yin tà kyem i nye yin ike̱ng ikak baꞌ.

aYohana 15:5 Referans Kwoze

aFilipi 4:13

Mi ta kyem i nye koakye kamok aKiristi aya a tin nyesek agap kunye'me.

aKolosi 1:10

Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

2 aKoranti 13:8

Kamok yir ta kyem i nye yir ike̱ng ikak tana te̱ne̱ng yir katsak baꞌ, ma ke nong katsak'e ta ya kasho̱o̱n tsek.

aYohana 5:19

Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip.

aYakub 1:17

Koakye kuri ritek ne kuno̱o̱k kutek kuya ku ta ne naza se gye̱r nufe Ada afe a ta be akanang aya a ta be kaben, aya afe sang a ta shishing kyo̱ndi nawu ta sesek baꞌ.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

aYohana 12:24

Katsak'e ne mi ta ka tak yin, sang ke a te ica naya kaben nong i ta bus baꞌ, i ta sor ica'me izining tsek. Amma ke i bus, to̱, ne i no̱o̱k íca whe̱re̱.

aRom 7:4

Kamok anong ároneng, yin gip yin te yin kyo̱ndi yin kus yin nitak kukuus Itsi, kamok riku aYeso sak yin wher yin nitak Itsi, nong yin ta te yin afe akak ze̱e̱r, wu aya a tú ku dorok nure̱k, nong ase̱ yin tà nye yin itomong itek kamok Adakunom.

aFilipi 1:11

Kamok nong, yin tà shining yin be kuse kuzhe̱l'e a ta se̱ nufe aYeso Kiristi nong ase̱ Adakunom tà se̱ kuyiik be nakerek.

aYohana 9:33

Ke a fa nye ye aner na ne nufe Adakunom baꞌ, ke a kyem a nye ike̱ng ikak baꞌ.”

aFilipi 4:17

Sang i se ye mi fe̱ anong nong yin ta yiir ni nyesek yin ike̱re̱ baꞌ, amma mi shim ishorong Adakunom ta se natoon yin kamok mi.

aRom 6:22

Amma kyo̱o̱rna a ta ma ka tun yin kaye̱e̱r rine̱n i tan te yin ásam Adakunom, ike̱ng iya yin tana se̱ yin nye kusor kuzhe̱l'e kuya ku tana be̱e̱n be kutser kufe izen izen.

Itomong Ámanzo 4:12

“A se̱ kashesh nufe akak ze̱e̱r baꞌ, kamok riyerek rikak kuse ze̱e̱r a tá no̱o̱k anerawe natoon kaza nong a tin se̱ kashesh baꞌ.”

1 aKoranti 12:12

Kyo̱ndi kuro̱m ánerawe ta se agung'e kuzining be ikap ze̱r ze̱r, ikap ze̱r ze̱r amma kuro̱m se kuzining. To̱, aKiristi se anong.

1 aBitrus 2:4

Be̱ yin nufu, wu aya a ta se kyo̱ndi kuta rino̱k kutser. Wu ne a nye kuta kuya ánerawe tá raba, amma Adakunom tú ku kasa ne a ku sok yiik.

1 aKoranti 12:27

Kyo̱o̱rna, yin ne i nye yin kuro̱m aKiristi cice̱r yin, koangan kaye̱e̱r yin nye abas akak.

Afisa 5:9

(Ritek a ta se̱ nusor akanang nye kunye kutek be kusor kuzhe̱l'e ne kunye katsak)

2 aKoranti 9:10

Adakunom ne a nyesek aner ikap izha naya a tana tuus ne a ku no̱o̱k naya kuya. Kamok anong, Adakunom ta ka no̱o̱k yin izha naya nong tà tuus yin, wu ne a tà sak naya'me ta rasak. Wu ti barang ike̱ng yin ta be yin nong yin ta kyem i tobok yin áya a ta se kaye̱e̱r kutse̱r.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

aRom 12:5

anong ne i se kaye̱e̱r aKiristi, i se yir whe̱re̱ kaye̱e̱r kuro̱m kuzining be afudang yir áfikuus.

1 aKoranti 10:16

Ke yir sen so̱ yir na ako̱p Azhibi, aya yir tin be yir riye̱ rikan be Adakunom, i nye ye yir te yir ázining kaye̱e̱r naso̱k aKiristi aꞌa? Ke yir ya yir abiredi azhibi Agwo̱m Ágwo̱m'me, i nye ye yir te yir azining kaye̱e̱r kuro̱m aKiristi aꞌa?

aMatiyu 13:21

Amma sang a ra be atsip baꞌ, a sor nizen cie̱k tsek. Izen iya ne kudaam ka kutabak be̱ kamok rife̱ Adakunom'me ne a wor a kubun kama.