aYohana 15:24 - Izere New Testament

²⁴ Mi nye ike̱ng dide̱ng iya ánerawe tá baꞌ, kaye̱e̱r ba. Ke a fa fe̱ ye mi nye ba', ke a di rine̱n ba baꞌ. Amma kyo̱o̱rna ba n di itomong azhing iya mi tá nye, gip be anong, ba ti ramin ne á raba Ada mi.

aYohana 15:24 Referans Kwoze

aYohana 14:9

Ne aYeso fe̱ be wu ye, “aFilibus, wan ti ren aꞌa? Mi ta kun sor mak be yin izen dide̱ng na. Koangan a tin di, a di Ada'me. Akye̱ sak wan tá fe̱ ye, ‘Ni tonong yir Ada'me e̱?’

aYohana 5:36

“Mi be ayiik rife̱ natoon'i rife̱ i ta nar rife̱ aYohana, kamok itomong iya Ada tin no̱o̱k ye i ra gang, iyong ne mi sen nye'me ne i fe̱ ye, Ada ti tom.

aYohana 10:37

To̱, ke itomong Ada mi ne mi nye baꞌ, tin no̱o̱k yin katsak ni mi baꞌ.

aYohana 10:32

Iyong aYeso fe̱ be ba ye, “Mi ma ka tonong yin itomong azhing dide̱ng i tá ne nufe Ada, kamok anong, inyaka ne yin shim tin barak yin mo e̱?”

aYohana 9:32

Akak kun fok a tan karak anyisi aner aya a tú ku tes akpato̱o̱n'e baꞌ.

aYohana 7:31

Gip be anong, ánerawe dide̱ng ti no̱o̱k katsak na aYeso ne á fe̱ ye, “Nizen iya aKiristi'me, a tà nye itomong azhing iya i ta nar iyuna a?”

aYohana 3:2

A tseng nufe aYeso natuk a tá fe̱ be wu ye, “Aner Kubo̱so̱p, yir ren yir ye wan nye aner kubo̱so̱p i ta ne nufe Adakunom. Kamok akak ta kyem a nye itomong azhing afe wan tá nye baꞌ, sang ke Adakunom se mak be wu baꞌ.”

aMatiyu 9:33

A ta fa tun amaan nabik'e, aner a tá tsang a nye agbanu ame fe̱ kanu. Ánerawe whe̱re̱ te zhing ne á fe̱ ye, “Yir kun di yir ike̱ng ikak ana niben Isarela baꞌ.”

aYakub 4:4

yin áfe i ta nye yin rikuna, yin ren yin ye rifertseng be kazatse nye rimudo̱n be Adakunom aꞌa? Aner aya ne kasa a ta nye rifertseng be kazatse a te amudo̱n Adakunom.

2 aTimoti 3:4

ne á naka mo̱o̱r ne á shim kunye ike̱re̱ gbashak ne á kok rice naza ne á shim ike̱re̱ kazatse ne inar Adakunom,

aRom 1:30

ne á fe̱ me̱r be akak. Á di Adakunom kye̱re̱ ne á shonong ne á kok rice naza ne á naka tiyiik. Á gung rice nong á tá nye anyas, á gaar kufok rife̱ átek ba.

Itomong Ámanzo 10:38

Adakunom shining aYeso a ta nye afu Nazaret be Kabik Kazhe̱l'e ne kukyem. aYeso tsang a tseng koake̱ ne a tsang a nye ritek ne a tsang a sak áner aya a tá se nubo̱k Ishetan te atser kamok Adakunom se ma be wu.

Itomong Ámanzo 2:22

“Áner Isarela fok yin rife̱ na, aYeso a tá nye afu Nazaret nye aner aya Adakunom tá ka tom yin'e. Adakunom nye itomong azhing be ife kukyem kaye̱e̱r wu nasho̱o̱n yin, yin ren yin anong be rice yin.

aYohana 12:45

Koangan afe a tin di, a di aner aya a tin tom.

aYohana 6:36

Kyo̱ndi mi tá ka tak yin, yin min di yin, gip be anong yin ti no̱o̱k yin katsak baꞌ.

aLuka 24:19

Ayong a tu rip ba ye, “Akye̱ kuri ike̱re̱ e̱?” Ne á fe̱ be wu ye, “Natoon aYeso aner aNazaret. A nye aner kuzarap Adakunom. A be kukyem ku ninye ike̱re̱ ne kufe̱ kanu nasho̱o̱n Adakunom ne ánerawe cice̱r.

aMarkus 2:12

Aner ame dorok, a tá sok ike̱re̱ kameneng wu ame nong a tá tseng ne koangan kuye̱re̱k. Iyu sak koangan te zhing yong á kerek Adakunom ne á fe̱ ye, “Yir kun di yir ana baꞌ.”

aMatiyu 21:32

Kamok aYohana be̱ nong a tá ka tonong yin iren katsak, yin ti no̱o̱k yin katsak ni wu baꞌ. Amma áner áfe kushashang itso̱m iben ne ínyak ágwo̱m á ti no̱o̱k katsak. Yin tá di yin ike̱re̱'ong ka yin shishing yin kuse yin nong i tin no̱o̱k yin katsak baꞌ.”

aMatiyu 11:5

ákpato̱o̱n se̱ kudi karo̱ ne ákun tseng, ákparo̱ng te atser ne ágbato fok ato ne ikom dorok be kutser ne a nye afe rizor awazi Rife̱ Ritek'e.

aYohana 12:10

Ayong ágbang átsi ame tse̱r iren nong á tá fe̱r aLazarus gip,

aYohana 9:41

Ayong aYeso fe̱ be ba ye, “Yin fa nye yin ákpato̱o̱n'e ke yin be yin rine̱n baꞌ. Amma yin ta fe̱ yin ye yin di karo̱, to̱, rine̱n yin se natoon rice yin.

aYohana 15:21

Ba tà nye be yin anong kamok riyerek'i, kamok ba ren aya a tin tom baꞌ.

aYohana 15:22

Mi fa be̱ i tú ku tak ba baꞌ, ke á di rine̱n ba baꞌ. Amma kyo̱o̱rna, ba be iren kuwhe̱r natoon rine̱n ba baꞌ.

aYohana 15:23

Aner aya a tin ramin, a rawu Ada mi gip.

aYohana 16:9

Kuto̱ro̱ng ba se gye̱r ba' natoon rine̱n', kamok ba gaar ku nino̱o̱k katsak ni mi.