aYohana 15:21 - Izere New Testament

²¹ Ba tà nye be yin anong kamok riyerek'i, kamok ba ren aya a tin tom baꞌ.

aYohana 15:21 Referans Kwoze

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

aYohana 16:3

Á tà nye ike̱re̱ iyong kamok sang ba n ren Ada ka mi baꞌ.

aYohana 8:19

Ayong á tú ku rip ye, “Ada wan'e se ake̱ e̱?” aYeso fe̱ be ba ye, “Yin ti ren yin baꞌ, yin bun i ren yin Ada mi baꞌ. Yin fa ni ren yin ke yin ren yin Ada mi gip.”

aMatiyu 24:9

“Ne a ka yising yin nong a ta ka tabak yin ne a ka fe̱s yin. Kazatse cice̱r tà ka ranyin kamok riyerek'i.

aMatiyu 10:18

Kamok mi, á tà tseng be yin nasho̱o̱n ágwomna ne ágwo̱m kamok yin tu ku tak yin ba Rife̱ Ritek ne áya sang a ta nye aner aYahuda baꞌ.

Itomong Ámanzo 5:41

Ámanzo dorok azong be riye̱ rikan kamok a tá di ba kyem a ta ka no̱o̱k ba risam kamok riyerek aYeso.

Ike̱ng a ta tonong aYohana 2:3

Mi ren wan n tsesek, wan tsesek kaye̱e̱r risam kamok riyerek'i, wan ro̱n baꞌ.

2 aTasalonika 1:8

A tà nees áya a tá raba Adakunom ne á gaar kukuus Rife̱ Ritek Agwo̱m Ágwo̱m yir aYeso.

1 aKoranti 15:34

Kubun yin kaye̱e̱r kuto̱ro̱ng yin kutek, won yin kunye rine̱n. Ákak yin ren Adakunom baꞌ. Mi fe̱ iyu nikum tà fok yin isum.

1 aKoranti 2:8

Akak kaye̱e̱r ágwo̱m izam iyu kyem a ren kukyem'me baꞌ, ke á fa fe̱ ye ba ren ke ba tigak Agwo̱m Ágwo̱m yir a ta se yiik baꞌ.

aRom 1:28

Kum ánerawe'me ta gaar kushan Adakunom, Adakunom tú ku won ba kaye̱e̱r amaan kuto̱ro̱ng ba yong a ma tsang a nye ike̱re̱ iya i tá taas ke ba nye baꞌ.

Itomong Ámanzo 17:23

Kamok nizen iya mi tá tseng i gorok kaye̱e̱r kaben'e. Mi di abagadi akak a ta min zibir ye: KAMOK ADAKUNOM AYA SANG A TU KU REN BAꞌ. To̱, wu aya yin tu ku ya yin iben amma sang yin ra ku ren yin baꞌ, wu ne mi shim ta ka tak yin.

Itomong Ámanzo 9:16

Mi be rice mi, mi tù ku tonong kuri risam riya a tana so̱ kamok riyerek'i.”

Itomong Ámanzo 3:17

“Ároneng, mi ren yin nye yin anong kaye̱e̱r kudun kuren kyo̱ndi áko̱k kasho̱o̱n yin ta nye.

aYohana 8:54

aYeso tú shim ba'me ye, “Ke mi tiyiik rice mi, kuyiik'e sor ike̱ng ikak baꞌ. Ada mi aya yin ta di yin ye a nye Adakunom yin, ne a nye aner a tin tiyiik.

aLuka 6:22

Áner riye̱ rikan ne á nye yin ánerawe tá ka di yin kye̱re̱, ne á kam be yin ne á ka kas yin, ne á ka ranyin kyo̱ndi ike̱ng imaan'e, kamok Igon Anerawe.

aMatiyu 10:39

Aner aya a ta shim kutser wu, a tin wei mo, aner aya a ti wei nutser wu kamok mi a tà se̱.

aMatiyu 5:11

“Áner riye̱ rikan ne á nye áner aya ánerawe ta ka kas yin, ne á ka no̱o̱k yin risam, ne á ti bo̱s abo̱o̱s natoon yin, kamok mi.

aMarkus 13:13

Ánerawe cice̱r tà ka ranyin kamok mi. Amma aner aya ne a nyeseng ma nigang'e, a ta se̱ kashesh.

aLuka 21:12

“Nizham a ta ra nye ike̱re̱ na, a tà ka yising yin, ne a ka tabak yin dide̱ng. A tà tseng be yin natu aduwa áner aYahuda ne a ka te yin nitso̱m ne á tseng be yin nufe ágwo̱m ne áko̱k kasho̱o̱n kamok mi.

aLuka 21:17

Ánerawe cice̱r tà ka ranyin kamok mi.

aYohana 8:55

Yin tu ren yin baꞌ, amma mi tu ku ren. Ke mi fe̱ ye mi tu ku ren baꞌ, i nye ye mi nye aner abo̱o̱s kyo̱ndi yin, amma mi tu ku ren ne i kuus rife̱ wu.

aYohana 15:24

Mi nye ike̱ng dide̱ng iya ánerawe tá baꞌ, kaye̱e̱r ba. Ke a fa fe̱ ye mi nye ba', ke a di rine̱n ba baꞌ. Amma kyo̱o̱rna ba n di itomong azhing iya mi tá nye, gip be anong, ba ti ramin ne á raba Ada mi.

aYohana 17:25

“Ada, Wan nye azhe̱l'e, kazatse tá ka ren baꞌ gye̱r tatan, amma mi tá ren. Á ren ye wan ne i ti tom.

Itomong Ámanzo 4:17

I ku ko̱ro̱k yir ba kuto ye sang á tu ba fe̱ ike̱ng ikak kaye̱e̱r riyerek na ko cie̱k baꞌ, fan ánerawe gaan bu fok itak'e.”

Itomong Ámanzo 9:14

A n be̱ aze be kufumung kuya ágbang atsi tú ku no̱o̱k nong a tin yising koangan afe a ta yis kaye̱e̱r riyerek wan.”

Itomong Ámanzo 26:9

“Mi be rice mi gip mi tsang i di ye kyo̱ndi i se gye̱r mi tana nye koakye ike̱ng mi tana i nye nong ta te̱ne̱ng itak natoon riyerek aYeso afu Nazaret.

1 aYohana 3:1

Ye̱re̱k yin ta di yin kuri kushim Adakunom tin shim yir ma a ti yis yir ye inoon wu. Ike̱ng yir ta nye yir'ong! Kazatse ti ren yir baꞌ, kamok ba tu ren baꞌ.

3 aYohana 1:7

Áner na tsang á tseng kamok riyerek aYeso, á shan kutobok nibo̱k aya á ta won dar á nye ikilisiya baꞌ.