aYohana 15:2 - Izere New Testament

² Iwhang iya i ta se kaye̱e̱r'i, i tà tes baꞌ a ta te̱se̱ng. Iwhang'e iya i ta tes, ne a nye gye̱r nong i tin barang kutes dide̱ng.

aYohana 15:2 Referans Kwoze

aMatiyu 3:10

Kanu kate̱m se ritin kakon'e, koakye kakon ka ta tes kutes kutek baꞌ, a tà te̱me̱ng a ta te nuro̱ng.

aMatiyu 15:13

A fe̱ be ba ye, “Koakye ike̱ng ife sang Ada mi afe a ta se naza ne a tuus baꞌ, a tà inga cei ma na atsip'e.

Ike̱ng a ta tonong aYohana 3:19

Áner aya mi ta shim ne mi tu zhe̱e̱r ba ne i ku te nunyi. Kamok anong, dorok be katsak, shishing kuse wan.

aYohana 15:8

Nye yin itomong iya Adakunom ta shim nong tà tonong yin ye yin nye yin álimazhiri wu, kamok iyu ne i tà be̱ be Ada'me kuyiik.

aMatiyu 13:12

Aner afe a ta be ike̱ng, a tú ku barang mo, nong i ta se̱ whe̱re̱. Aner afe a ta be baꞌ, cie̱k wu ta be'me gip, a tin shan ni wu.

aMatiyu 3:12

Kube wu se nubo̱k wu. A tà tas áwhe̱'me ne a korok iwe̱ng'e kaye̱e̱r ingme̱ ne a shosh awhe̱'me be kuro̱ng kuya sang ku tana ku baꞌ.”

aMatiyu 21:19

Ayong a di ritin atafo nukim iren, ne a tseng ritin'e ko a ra se̱ agbang'e baꞌ, ma awan áfumung tsek. Ayong a fe̱ be ritin atafo'me ye, “Sang wan ta ba tes agbang nigaan'e baꞌ.” Nizen izining ritin atafo'me wor ri koor.

Ibrani 12:15

Sak yin riye̱ fan akak bu ni wei ni ritek Adakunom. Sang tu won yin akak tin wuruk kaye̱e̱r yin be amaan kuse nong a ta sak ákak ta wei baꞌ.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aLuka 8:13

Ífe i tá kpas nifang agudong se kyo̱ndi ánerawe áya a tá fok rife̱'me ne á shan be aye̱ akan, amma rife̱'me kpa agap naye̱ ba baꞌ. Á ti no̱o̱k katsak nizen cie̱k tsek, ke izen iya kubo̱mo̱ng be̱ ne á kpas.

1 aYohana 2:19

Ámudo̱n'e se kaye̱e̱r yir nizham a tá ra wuruk, ba kun se mak be yir nigaan'e baꞌ. Ke a fa nye ye ba nye afikuus be yir katsak'e, ke a sor mak be yir. Kukam ba be yir tonong ye ba nye afe yir baꞌ.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

1 aKoranti 13:1

Ko mi fa kyem i fe̱ kanu ni irem ánerawe ze̱r ze̱r ne ife ámaleka, amma sang ke mi ra be kushim baꞌ, i nye ye mi se kyo̱ndi ire̱k ka ibin iya i ta wo̱ng kpe̱de̱ng tsek.

aRom 8:28

Yir ren yir kaye̱e̱r koakye, Adakunom nye gye̱r kamok áya a tu ku shim áya a ta ma ka yis ba kaye̱e̱r kanye̱k wu.

aYohana 17:12

Nizen iya mi tá se be ba, mi tú ku fek ba, ne mi ni sak riye̱ ni ba be riyerek riya wan tin te'me. Akak wei baꞌ, ma ke azining kaye̱e̱r ba aya a tá te kpe̱de̱ng nong ase̱ a tá shining Kufumung Rife̱ Adakunom.

aMatiyu 13:33

A bun a tu nye ba kumaas kukak gbak ye, “Rigwo̱m kaza se kyo̱ndi ayisti aya abining akak tá sok a tin gung be amudu ataar afe ikpe alikama ma alikama'me dorok a ta te cip.”

aMatiyu 7:19

Koakye kakon kaya sang ka ta tes agba atek baꞌ, a tà te̱me̱ng nong a ta barak nuro̱ng.

aMatiyu 25:29

Kamok koangan afe a ta be ike̱ng, a tu ku barang mo nong i ta se̱ whe̱re̱. Aner'e a ta be baꞌ, ihiir'e wu tá be'ong gip a tin shan ni wu.

aMarkus 4:20

Amma íca'me iya i tá kpas niben itek se kyo̱ndi áner aya a tá fok rife̱'me, ne á shan, ne á te ike̱ng itek dide̱ng, ikak tes iso̱k itaar, ikak iso̱k igataar, ikak kuso̱k inyak ma i nar ike̱ng iya a tá tuus.”

aYohana 15:1

“Mi ne i nye ritin kakon anap rife̱ katsak, Ada mi ne a nye aner ikap'e.

aYohana 15:3

Kyo̱o̱rna yin se yin zhe̱l kamok rife̱ mi tá fe̱ be yin.

aYohana 15:6

Koangan afe sang a ta se kaye̱e̱r'e baꞌ, a se kyo̱ndi iwhang'e iya a tan barak nong i tà koor. Ánerawe tusung iri ba ne á tes nuro̱ng, a ta shosh.

aRom 11:17

Ke a bo̱ iwhang rifar riya ri ta ta, to̱, yin aya i ta se yin kyo̱ndi iwhang'e iya i ta ta baꞌ, a ta sok a tin gung mo, kyo̱o̱rna yin ma se̱s yin ashi'me aya a ta ta,

aRom 11:22

Aze yir di yir Adakunom be kuro̱ riye̱ ne a se nye̱k nye̱k. A se nye̱k nye̱k be áya a ta kpas, amma a ro̱ riye̱ wan ke wan ya kasho̱o̱n kaye̱e̱r kuro̱ riye̱ wu. Ke anong baꞌ, wan gip a tà ka tun kaye̱e̱r ritin'e.