aYohana 15:16 - Izere New Testament

¹⁶ Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aYohana 15:16 Referans Kwoze

aYohana 15:19

Ke a fa fe̱ ye yin nye yin áfe kazatse, ke kazatse ta shim yin kamok yin ta nye yin áfu. Kyo̱ndi i ta se, yin nye yin áfe kazatse baꞌ, amma mi ma ka kasa yin kaye̱e̱r áfe kazatse. Iyong ne i sak kazatse ta ka rayin yin.

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

aLuka 6:13

Kadiding tá fa karak, ne a yis álimazhiri wu, a kasa kuso̱k be afa kaye̱e̱r ba nong á tá te ámanzo. A ye̱re̱k ba na:

aGalati 1:15

Amma Adakunom kaye̱e̱r ritek wu ti kasa kum ne a min tes baꞌ, a bun a ti yis, ma a shim

1 aYohana 4:19

Yir shim yir Adakunom kamok wu ne a san ku ni shim yir.

Itomong Ámanzo 22:14

“Iyong Ananiya'me fe̱ be mi ye, ‘Adakunom átukop yir ma ka kasa nong ta ren ike̱ng iya wu ta shim. Wan ta di Aner Azhe̱l'e na, ne i fok rife̱ wu.

2 aTimoti 2:2

Cice̱r ike̱re̱ iya wan tá fok nunaan nasho̱o̱n ánerawe whe̱re̱, bo̱so̱p ánerawe áfe a ta be katsak nong ba ta ma kyem a bo̱so̱p ákak'e gip.

aYohana 13:18

“Sang natoon yin cice̱r ne mi ti fe̱ baꞌ, mi ren áya mi tá kasa. Amma iyu se anong, nong a ta shining rife̱ kufumung aZabura ta fe̱ ye, ‘Aya a tá ya naya mi ne a bun a ti bun ni mi.’

aYohana 6:70

Iyong aYeso tú shim'e ye, “Mi ne i tá kasa yin kuso̱k be afa aꞌa? Gip be anong azining kaye̱e̱r yin nye Ishetan.”

1 aBitrus 3:15

Amma won yin aKiristi tu te Agwo̱m Ágwo̱m kaye̱e̱r aye̱ yin. Koakye izen sor yin be kanye̱k nong ta kyem i tak yin koangan ike̱ng i ta sak yin tin te yin riye̱ nikuus aKiristi. Amma nye yin kaye̱e̱r awhiwhe̱ ne ku yiik,

1 aYohana 4:10

Iyu ne i nye kushim'e. Sang yir ne i shim yir Adakunom baꞌ, wu ne a ti shim yir, ne a tom Igon wu nong ka tá be̱ ku kyo̱ndi asidaka kure̱ng rine̱n yir.

Itomong Ámanzo 1:24

Áyong á nye aduwa á tá fe̱ ye, “Agwo̱m Ágwo̱m wan ren kaye̱e̱r riye̱ koangan anerawe. Ni tonong yir aner aya wan tan kasa kaye̱e̱r áner afa na

1 aBitrus 3:2

Á tà di kuse zhe̱l yin be kufok ato yin ne á shishing.

aRom 15:4

Koakye ike̱ng iya a tá zibir gbugbang, a zibir nong a tin bo̱so̱p yir'e, nong ase̱ rife̱ Adakunom tin bo̱so̱p yir kutsesek nong ta se̱ yir ike̱ng tanin te yir riye̱.

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

aMatiyu 21:22

Ke yin no̱o̱k yin katsak, koakye ne yin ta rip yin kaye̱e̱r aduwa a tà ka no̱o̱k yin.”

2 aTimoti 1:11

Kamok Rife̱ Ritek'e ne Adakunom ti kasa mi nong tá te aner kunye awazi ne i te amanzo ne i te aner kubo̱so̱p ánerawe'me.

1 aKoranti 10:11

Ike̱re̱ na tá se̱ ba nong i tin tonong yir ike̱ng ikak. A zibir kaye̱e̱r kufumung rife̱ Adakunom nong a tin ko̱ro̱k yir kuto, a fe̱ ike̱re̱ na natoon yir i ta se yir nizen igang kazatse.

aRom 9:21

Aser, sang ano̱k nadonong ta kyem a bo̱ rirem naro̱ kazining nong a tin nye kadonong kakak yiik ne a nye kakak fe̱re̱ aꞌa?

aYakub 3:18

Áfe a ta be̱ be kusor acaang, aya a ta tuus kaye̱e̱r acaang ne a ta nye ishamang ijel'e.

Ibrani 11:4

Natoon kuno̱o̱k katsak ne aHabila ti nye Adakunom asidaka afe a tá nar afe aKayinu. Be anong ne a se̱ kushim Adakunom ye wu nye aner atek nasho̱o̱n Adakunom kamok a shan asidaka wu. aHabila n ku, amma kamok kuno̱o̱k katsak wu a ru fe̱ kanu ma kyo̱o̱rna.

aTitus 1:5

Mi tá won na aKirit nong ase̱ wan ta gang itomong iya i ta rusek dar kugang ne i te áko̱k kasho̱o̱n ikilisiya kaye̱e̱r koakye kuwo̱p kyo̱ndi mi tá ka tak.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

aRom 1:5

Kamok wu ne riyerek wu ne yir ti se̱ yir ritek ne ku yis nong tá te ámanzo nong ta yis yir áya sang á ta nye aner aYahuda baꞌ cice̱r, nong á tin no̱o̱k katsak ne a kuus rife̱'me.

Itomong Ámanzo 10:41

Sang koangan ne a tú di baꞌ, igak áner afe á tú ku di nye áner aya Adakunom tá tsang a kasa. Áner ayong nye yir áfe i tá ya yir ne i so̱ yir mak be wu nama a tá dorok nure̱k.

1 aTimoti 2:7

Kamok ike̱re̱ iyong ne a ti kasa nong a ta te amanzo ne aner awazi. Mi te aner aya i ta bo̱so̱p áner aya a ta nye áner aYahuda baꞌ, itak kuno̱o̱k katsak ne katsak. Katsak ne mi fe̱ be wan sang abo̱o̱s baꞌ.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

aRom 1:13

Ároneng, mi shim yin tu ren yin ye mi n shim kube̱ nufe yin gbugbang, amma ike̱re̱ ikak ti roon kube̱. Mi shim ta se̱ áfudang yin ákak ya tana rasak nabik kaye̱e̱r yin kyo̱ndi mi tá se̱ nufe áner aya sang a ta nye áner aYahuda baꞌ.

Itomong Ámanzo 1:8

Amma izen iya ne yin shan yin kukyem nizen iya Kabik Kazhe̱l'e tanin tiik natoon yin, yin tà te yin áner aya tana fe̱ yin itak natoon'i, ta san yin rife̱'me kaye̱e̱r aUshalima, be na aYahudiya be na aSamariya ne ma nigang kazatse cei.”

aMatiyu 7:7

“Yiir irip yin'e, a tà no̱o̱k yin; yiir itse̱r yin'e, ta se̱ yin; yiir itsor yin kanukutu'me a tà ka karak yin'e.

aYohana 15:5

“Mi ne i nye ritin kakon anap'e, yin nye yin íwhang'e. Aner aya a sor kaye̱e̱r'i ne mi ma se kaye̱e̱r wu, wu ne a tà tes dide̱ng. Kamok sang ke be mi baꞌ, yin tà kyem i nye yin ike̱ng ikak baꞌ.