aYohana 15:15 - Izere New Testament

¹⁵ Mi tà ba ka yis yin ye ásam baꞌ, kamok asam ren kuto̱ro̱ng atekasa wu baꞌ. Mi ta ka yis yin ye áferime̱ mi makong, kamok koakye ike̱ng iya mi tá bo̱so̱p nufe Ada mi, mi ma ka taas yin.

aYohana 15:15 Referans Kwoze

aMatiyu 13:11

aYeso fe̱ be ba ye, “Yin a ta no̱o̱k yin kukyem kuren ike̱re̱ rigwo̱m kaza, ike̱re̱ i ta se nune̱re̱ng. Amma ba a tu shim ba'me baꞌ.

aYakub 2:23

Ne rife̱ Kufumung Adakunom shining riya ri ta fe̱ ye, “Ibirahim ti no̱o̱k katsak na Adakunom yong kuno̱o̱k katsak wu sak a tu di jel, ne a ku yis ye aferime̱ Adakunom.”

aKolosi 1:26

riya ri ta se nune̱re̱ng aye̱ be aye̱ ne izam izam amma kyo̱o̱rna an te̱s ázhe̱l'e.

Ike̱ng a ta tonong aYohana 1:1

Kufumung na se natoon ike̱re̱ iya Adakunom tá no̱o̱k aYeso Kiristi nong a ta tonong ásam wu ike̱re̱ i tan be̱ barak a tana nye dim. aYeso tom amaleka wu nufe asam wu aYohana nong a ta se tak kutom'e.

Afisa 3:5

Gbugbang sang a taas ánerawe itak'e, kyo̱ndi Kabik Adakunom'me tá taas ámanzo azhe̱l ne áner kuzarap azhe̱l'e kyo̱o̱rna baꞌ.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

aGalati 4:6

Kamok yin ta nye yin inoon wu, yong Adakunom tom Kabik Igon wu kaye̱e̱r aye̱ yir, Kabik'e ta kuto̱ ye “Abba, Ada.”

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

aYohana 8:26

Ike̱re̱ kuse dide̱ng mi tana kyem i fe̱ ife amok natoon yin, amma wu aya afe a tin tom nye afe katsak. Ike̱re̱ mi tá fok nufu ne mi taas kazatse.”

1 aBitrus 1:11

Ba shim nong á ta ren izen'e be kuri iren kashesh'e Kabik aKiristi ka ta se kaye̱e̱r ba tu ku tak ba natoon'e nizen a tá fe̱ itak natoon risam aKiristi be kuyiik wu tana se̱ nama risam'me.

aYakub 1:1

aYakubu asam Adakunom ne afe Agwo̱m agwo̱m yir aYeso Kiristi, mi nye ánerawe irem kuso̱k be afa aya a ta te shaam kaye̱e̱r kazatse ashou.

aFilimon 1:16

Sang kyo̱ndi asam baba baꞌ, amma áner aya a ta nar ásam, kyo̱ndi aronyining wan aya wan tá shim dide̱ng. Mi ren wan ku shim dide̱ng ne i ni nar kyo̱ndi anerawe be aronyining kaye̱e̱r Agwo̱m Ágwo̱m yir.

aYohana 17:26

Mi n sak ba tá ma ka ren, mi tà ya kasho̱o̱n be ku sak ba tà ka ren, nong ase̱ ba gip á tà se̱ kuri kushim kuya wan tin shim nong mi be rice mi gip ta se kaye̱e̱r ba.”

aYohana 15:20

Yiring yin be rife̱ mi tá fe̱ be yin ye: ‘Asam akak nar atekasa wu baꞌ.’ Ke á ti tabak, to̱, á tà ka tabak yin gip. Ke ba kuus rife̱ mi a tà kuus rife̱ yin gip.

aYohana 13:16

Katsak'e, mi ta ka tak yin, asam nar atekasa wu baꞌ, ka atom ta nar aner a tu ku tom baꞌ.

aZhud 1:1

Mi, aZhud, asam aYeso Kiristi, aronyining aYakub, yin áya Adakunom aya a ta nye Ada ta ka shim yin, ne a ka yis yin, áya aYeso Kiristi ta ka fek yin.

Itomong Ámanzo 20:27

Kamok sang mi ti yo̱ro̱k be ku ka taas yin koakye ike̱ng iya Adakunom ta shim ke a nye baꞌ.

aYohana 4:19

Ne abining ame fe̱ ye, “Atekasa, mi di wan nye aner kuzarap Adakunom.

aLuka 10:23

Ayong aYeso kirik nufe álimazhiri wu nong a ta fe̱ be ba kyo̱o̱n nukim ye, “Áner riye̱ rikan nye áya a ta di ike̱re̱ ife yin ta sen ye̱re̱k yin'e na.

aYohana 16:12

“Mi be rife̱ dide̱ng tana ka tak yin, amma yin ta kyem i na tsesek yin ta fok yin kyo̱o̱rna baꞌ.

aRom 7:15

Mi ren ike̱ng ife mi ta nye baꞌ. Kamok ike̱ng ife mi ta shim ke mi nye, iyong ne mi nye baꞌ. Amma iya mi ta shim ta nye baꞌ, iyong ne mi shishing i ban i nye ingya.

1 aKoranti 2:16

Rife̱ Adakunom fe̱ ye, “Angan ren kuto̱ro̱ng Adakunom, a tana ku no̱o̱k itabak e̱?” Amma yir be yir kuto̱ro̱ng kyo̱ndi kufe aKiristi.