aYohana 15:11 - Izere New Testament

¹¹ Mi fe̱ anong nong ase̱ riye̱ rikan'i tà se kaye̱e̱r yin, nong riye̱ rikan yin tà shining.

aYohana 15:11 Referans Kwoze

aRom 15:13

Won Adakunom aya a ta nyesek ánerawe kute riye̱ ta ka shining yin be riye̱ rikan ne kusor caang kamok yin tin no̱o̱k yin katsak ni wu. Be anong ne yin shining yin dide̱ng be ku ni te riye̱ kamok kukyem Kabik Kazhe̱l'e.

aYohana 17:13

“Mi saase nufuan kyo̱o̱rna. Amma mi ta nye izong ike̱re̱ na kum ne mi ruresek kaye̱e̱r kazatse, nong ase̱ ba tà shining be kuri riye̱ rikan riya mi tá be kaye̱e̱r ba.

aYohana 16:24

Ko kyo̱o̱rna yin min rip yin ike̱ng ikak kaye̱e̱r riyerek'i baꞌ. Rip yin, yin ta se̱ yin nong riye̱ rikan yin tà shining.

1 aYohana 1:4

Yir tá zibir yin kufumung na nong ase̱ riye̱ rikan yir tà shining mumak dide̱ng.

1 aBitrus 1:8

Yin kun ku di yin baꞌ, gye̱rtatan amma yin tu shim yin. Yin tu ye̱re̱k yin kyo̱o̱rna baꞌ, gye̱rtatan amma yin ti no̱o̱k yin katsak ni wu ne i be yin agbang riye̱ rikan kuri riya sang a tana kyem a fe̱ baꞌ.

2 aYohana 1:12

Mi be rife̱ whe̱r amma mi shim ta zibir baꞌ. Kamok mi mok ye mi tà be̱, tà be̱ fe̱ be yin anyisi be anyisi nong ase̱ riye̱ rikan yir tà shining dide̱ng.

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

2 aKoranti 1:24

Sang i se ye yir shim ta ka tonong yin rigwo̱m natoon ike̱ng yin ta min no̱o̱k yin katsak baꞌ, wayo, amma i nye yir itomong mak, nong ta nye yin riye̱ rikan, kamok natoon kuno̱o̱k katsak ne yin tin nyeseng yin.

1 aTasalonika 5:16

Yiir nye yin riye̱ rikan koakye izen.

aLuka 15:32

I se gye̱r ta nye yir riye̱ rikan ne i fok yir kusas'e kamok aronyining wan na tsang a ku, a bun a be̱ be kutser, a tsang a titei, a mu ku se̱.’ ”

aLuka 15:9

Izen iya ne a se̱ a tà yis áferime̱ wu be áfe abubarak be wu cice̱r nong a ta fe̱ be ba ye, ‘Ni se̱ mo yin riye̱ rikan, mi n se̱ itso̱m'i i ta wei ame.’

aFilipi 1:25

Kum mi ta ren i se anong, mi ren mi tà sor mak be yin nong yin ta ya yin kasho̱o̱n be riye̱ rikan kaye̱e̱r kuno̱o̱k katsak yin,

Afisa 5:18

Sang tu so̱ yin kugbe̱re̱ ma ta feng yin'e baꞌ, kamok iren kuwei ne i nye iyong, amma shining yin be Kabik Kazhe̱l'e n ingya.

aYohana 3:29

Abining afas nye afe aner a tu ku sok. Afertseng wu kuus kama aner a ta sok abining afas'e tsek. Ne a nye riye̱ rikan ke a fok kuto̱ aner a tá sok abining afas'e. Be anong ne riye̱ rikan'i ma shining.

aLuka 15:5

Izen iya ne a se̱, a tà nye riye̱ rikan, a tà fanang nape̱me̱ng.

aLuka 15:23

Be̱e̱n yin be amung aya a tan no̱ nong ta tse̱e̱r yin. I nye yir riye̱ rikan.