aYohana 14:30 - Izere New Testament

³⁰ Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

aYohana 14:30 Referans Kwoze

1 aYohana 5:19

Yir ren yir ye yir nye yir inoon Adakunom ne Ishetan ninye rigwo̱m nazatse na.

1 aYohana 4:4

Amma yin inoon'i, yin aya mi ta shim, yin nye yin áfe Adakunom. Yin n canang yin aner kuri ayong, kamok Kabik kaya ka ta se kaye̱e̱r yin nar kaya ka ta se kaye̱e̱r kazatse'me.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

aYohana 12:31

Kyo̱o̱rna ne a ta to̱ kazatse na amok. Kyo̱o̱rna ne a tin shan rigwo̱m nufe agwo̱m kazatse.

Afisa 6:12

Kamok sang kuren yir se be naso̱k be rinam baꞌ, amma be amaan nabik á ta se natoon kaza ne áfe rigwo̱m ne áfe kukyem ne áya rigwo̱m awhi kazatse na ta se nubo̱k ba.

1 aBitrus 2:22

“Wu kun nye rine̱n ike̱ng ikak baꞌ. A kun fok abo̱o̱s nanu wu baꞌ.”

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

aLuka 22:53

Mi se be yin ye̱r ye̱r kaye̱e̱r agbang kutu kuya Adakunom iben, yin ti sak yin kubo̱k natoon'i baꞌ, amma izen ife yin na, izen amaan aner tin nye rigwo̱m nawhi.”

aKolosi 1:13

Kamok wu ne a ti tun yir kaye̱e̱r rigwo̱m awhi, a tá tseng be yir kaye̱e̱r rigwo̱m Igon wu kaya wu ta shim.

Ibrani 7:26

Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

Itomong Ámanzo 1:3

Nama riku wu, a tonong rice wu nasho̱o̱n ba, ne a ku tak ba itak ku dorok wu be kunye ike̱re̱ iriri'me. A nye kuko̱s iso̱k inaas, ne a yiir i fe̱ itak natoon rigwo̱m Adakunom.

aLuka 1:35

Ayong amaleka'me fe̱ be wu ye, “Kabik Kazhe̱l'e tin tiik natoon wan ne kukyem Adakunom ka kis. Kamok anong, a tà yis azhe̱l'e ayong, wan tana tes'ong ye Igon Adakunom.

1 aBitrus 1:19

Amma a tá ka she̱sh yin be naso̱k aKiristi na ta se yiik, aya ta se kyo̱ndi aturuk asidaka, a se zhe̱l dar rine̱n ka rizik ka inya ayi.

1 aYohana 5:18

Yir ren yir ye koangan afe a ta nye igon Adakunom ta ya kasho̱o̱n be kunye rine̱n baꞌ, kamok aYeso aya a ta nye Igon Adakunom tà fek aner'e. Ishetan ta kyem a ku nye ike̱ng ikak baꞌ.