aYohana 14:27 - Izere New Testament

²⁷ Mi ta won yin caang. Kusor caang'i ne ta ka no̱o̱k yin. Sang kyo̱ndi kazatse ta nyesek ne mi ta ka no̱o̱k yin baꞌ. Sang tu daam yin, sang tu fok yin inyim baꞌ.

aYohana 14:27 Referans Kwoze

aFilipi 4:7

Be anong ne kameneng riye̱ kuri kuya Adakunom ta nyesek kuya ku ta nar koakye kuri kuren ánerawe, tà sak aye̱ yin be kuto̱ro̱ng yin ta nyeseng kpa natoon aYeso Kiristi.

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

2 aTasalonika 3:16

To̱, won Agwo̱m Ágwo̱m'me be rice wu aya a ta nye afe kameneng riye̱ ta ka no̱o̱k yin kameneng riye̱ koakye izen ne kaye̱e̱r koakye iren. Agwo̱m Ágwo̱m tu se mak be yin cice̱r.

aKolosi 3:15

Won kameneng riye̱ aKiristi tin nye rigwo̱m kaye̱e̱r aye̱ yin. Kamok kyo̱ndi kuro̱m kuzining ne a tá yis yin nong ta sor yin áfe caang. Sor yin áfe kunye riye̱ rikan be Adakunom koakye izen.

2 aTimoti 1:7

Kamok kabik kaya Adakunom ti no̱o̱k yir nye kabik kufok inyim baꞌ, amma kafe kukyem ne kushim be kuyiir rice.

aRom 15:13

Won Adakunom aya a ta nyesek ánerawe kute riye̱ ta ka shining yin be riye̱ rikan ne kusor caang kamok yin tin no̱o̱k yin katsak ni wu. Be anong ne yin shining yin dide̱ng be ku ni te riye̱ kamok kukyem Kabik Kazhe̱l'e.

aRom 8:6

Ke rine̱n ne ri te nye rigwo̱m natoon wan, wan ta ku, amma ke Kabik ne ka te nye rigwo̱m natoon wan, wan ta se̱ kutser ne kameneng riye̱.

aGalati 1:3

Ritek ne kameneng riye̱ riya ri ta nes nufe Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

aRom 5:1

Kamok anong kum yir tan se̱ yir kute gye̱r nasho̱o̱n Adakunom kamok kuno̱o̱k katsak yir, yir sor yir caang be Adakunom kamok Agwo̱m Ágwo̱m yir, aYeso Kiristi.

aYohana 14:1

“Sang tu daam yin baꞌ. Ni no̱o̱k yin katsak na Adakunom ne i ni no̱o̱k yin katsak ni mi.

aRom 5:10

To̱, i ta se ye yir tsang i nye yir ámudo̱n Adakunom, amma a ti nye yir igaas be riku igon wu, shita kyo̱o̱rna baꞌ a ta min sak yir i ta te yir áferime̱ wu, a tin shesh yir kamok igon wu ta be kutser.

aYohana 20:21

Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.”

aKolosi 1:20

Kamok wu ne Adakunom bun a tu ku bun be ike̱re̱ wu tá nye cice̱r nufu, ike̱re̱ i ta se kaye̱e̱r kazatse be kaye̱e̱r kaza. A ti be̱e̱n yir kameneng riye̱ be kunyosong naso̱k Igon wu natoon kukon.

aRom 1:7

Mi ta zibir yin'e cice̱r yin aya ita se yin na aRom, yin áya Adakunom ta shim, a tá ka yis yin nong tà te yin ázhe̱l'e. Ritek be kameneng riye̱ riya ri ta nes nufe Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

1 aKoranti 1:3

Ritek ne kameneng riye̱ riya ri ta nes nufe Adakunom a ta nye Ada yir ne Agwo̱m Ágwo̱m aYeso Kiristi yir se mak be yin.

aYohana 20:19

Kawheshirim tá fa nye katuk ime̱se̱ng'e na asate, nizen iya álimazhiri aYeso tá se naro̱ kazining. A n whe̱se̱ng nanu kutu kamok inyim áko̱k kasho̱o̱n áner aYahuda. Ayong Yeso wuruk a tá nyeseng natite ba, ne a fe̱ be ba ye, “Kameneng riye̱ ra se mak be yin.”

2 aTasalonika 1:2

Ritek be kameneng riye̱ Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

Itomong Ámanzo 10:36

Rife̱ Adakunom tá tom áner Isarela'me nye itak kutaas Rife̱ Ritek rife̱ ne kusor kutek kaye̱e̱r aYeso Kiristi Agwo̱m Ágwo̱m yir cice̱r.

aLuka 2:14

“Kuyiik nye kufe Adakunom aza kaye̱e̱r kaza, nazatse kameneng riye̱ kuse nufe áner áfe wu ta shim.”

aLuka 1:79

nong ku ta tonong áfe a ta se kaye̱e̱r awhi be áfe a ta se na nawu riku akanang. Ne a ni tonong yir iren i ta be̱ be kameneng riye̱.”

Ibrani 13:20

Won Adakunom aya a ta nyesek kameneng riye̱, aya a tá dorok aYeso nure̱k kamok naso̱k kushu kufas, won wu afe a ta nye afek atek,

Itomong Ámanzo 18:9

Katuk kakak, Adakunom fe̱ be aBulus natuk kaye̱e̱r nabos ye, “Sang tu fok inyim baꞌ, ya kasho̱o̱n be kunye awazi Rife̱ Ritek, sang tu te gbik baꞌ.

aMatiyu 10:26

“Kamok anong sang yin tu fok yin inyim ba baꞌ. Ike̱ng ikak kuse nuwhe̱e̱n a tana won dar a karak baꞌ, ka iya i ta se nune̱re̱ng a tana won dar a tun na akanang baꞌ.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

Ike̱ng a ta tonong aYohana 1:4

Mi aYohana, ne i sen ka zibir yin'e, naro̱ kuya Adakunom iben kanataar a ta se niben Asiya. Ritek be kameneng riye̱ Adakunom aya a ta se kyo̱o̱rna, wu ne a tú ku se gbugbang, wu ne a tana bun a be̱, ne nabik kanataar na ta se nasho̱o̱n itsik rigwo̱m Adakunom.

Ibrani 7:2

Ibrahim tú no̱o̱k ike̱ng izining kaye̱e̱r koakye ike̱ng kuso̱k a tá ya naro̱ itso̱m'e. Ife ime̱se̱ng'e, riyerek wu nye “Agwo̱m katsak.” Riyerek wu a ta yis ye “Agwo̱m aSalim'ong” sor ye, “Agwo̱m kusor caang.”

aYohana 20:26

Nama inom ikara, álimazhiri wu se kaye̱e̱r kasa ame gbak, aToma se mak be ba makong. Nanukutu se nuwhe̱se̱ng, amma aYeso be̱ a tá nyeseng natite ba, a tá fe̱ ye, “Kameneng riye̱ ra se mak be yin.”

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

aGalati 6:16

Won kusor kutek be kuro̱ riye̱ Adakunom tu se be afe a ta kuus iren na, ba ne a nye aner Isarela afe Adakunom áfe katsak.

aLuka 10:5

“Koakye kasa ne yin no̱ yin fe̱ yin ye, ‘Maleku yin, áfekari.’

aKolosi 1:2

yin ároneng ázhe̱l'e, aya a ta be katsak áya a ta se na aKolosi. Ritek be kameneng riye̱ Adakunom a ta nye Ada yir se mak be yin.

aLuka 12:4

“Áro̱, won tà ka tak yin tu fok yin inyim aya a tana fe̱r kuro̱m baꞌ, kamok nama anong a tá baꞌ, kyem a nye ike̱ng ikak baba baꞌ.